Að gefnu tilefni
Talsverð umræða hefur skapast um þá ákvörðun Fisk Seafood að leggja niður starf framkvæmdastjóra Iceprotein og Protis. Eðlilega er spurt um ástæður. Af því tilefni vil ég koma eftirgreindu á framfæri: Framkvæmdastjórinn, Hólmfríður Sveinsdóttir, hefur unnið afar gott vísinda- og þróunarstarf fyrir félögin á undanförnum árum. Afurðirnar eru rós í hnappagat Hólmfríðar og fyrir þetta starf eru henni færðar bestu þakkir. Vísindastarf af þessum toga tekur hins vegar til sín mikið fé og taprekstur undanfarinna ára mælist í hundruðum milljóna króna þegar allt er talið.
Á þeirri braut verður ekki haldið endalaust áfram án þess að staldra við og leita leiða til þess að draga úr þróunarkostnaði og koma á betra jafnvægi í rekstrinum. Vonandi er að leiðir finnist til þess að varðveita framleiðsluþátt starfseminnar og styrkja stöðu Protis fiskproteinvaranna á markaði. Eðlilegar rekstrarforsendur verða að finnast og langtímamarkmiðið í þeim efnum er að sjálfsögðu í þessari starfsemi eins og annarri að viðunandi arðsemi fáist frá rekstrinum.
Hagræðingaraðgerðir af þessu tagi eru alltaf sársaukafullar og ekki síst þegar í hlut á stórhuga frumkvöðull og vísindamaður eins og Hólmfríður er. Þarna, eða annars staðar í þeirri endurskipulagningu sem ég hef komið að á undanförnum mánuðum og misserum, er ég að sjálfsögðu ekki einn að verki. Það er hins vegar bæði í mínum verkahring að gera tillögur um breytingar og framkvæma þær ef um þær er samstaða. Það reyni ég að gera eins vel og mér er frekast unnt og vissulega hefði ég kosið að atburðarásin í þessu tilfelli hefði verið önnur en raun varð á. Það þykir mér leitt en Hólmfríði fylgja bestu óskir um velgengni á þeim vettvangi sem hún kýs að snúa sér að.
Sauðárkróki 7. febrúar 2019
Friðbjörn Ásbjörnsson
framkvæmdastjóri Fisk Seafood.
Fleiri fréttir
-
Fyrsta vél easyJet frá Manchester lenti á Akureyri
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 12.11.2024 kl. 17.42Í morgun hófst áætlunarflug easyJet frá Manchester til Akureyrar, en flogið verður tvisvar í viku út mars 2025. Þrátt fyrir hvassviðri tókst flugmönnum easyJet að lenda vélinni örugglega, og það sama má segja um flugmenn easyJet sem stýrðu vélinni sem kom frá London eftir hádegi. Umsvif easyJet á Akureyrarflugvelli hafa tvöfaldast með tilkomu flugferða frá Manchester frá því sem var síðasta vetur, þegar flugfélagið bauð upp á ferðir frá London í fyrsta sinn.Meira -
Aukinn stuðningur við ferðasjóð íþróttafélaga dregur úr ójöfnuði | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 12.11.2024 kl. 15.31Frá árinu 2007 hefur ferðasjóður íþróttafélaga fengið framlag á fjárlögum Alþingis og er ljóst að ferðasjóðurinn þarf að fá verulega hækkun á fjárlögum á næstu árum. Framlag ríkisins í ferðasjóðinn er beinn fjárhagslegur stuðningur við iðkendur í íþróttum og fjölskyldur þeirra og þá sérstaklega íbúa landsbyggðarinnnar sem þurfa að fara um langan veg mörgum sinnum á ári til að taka þátt í keppni í skipulögðu íþróttastarfi. Íþrótta-og Ólympíusamband Íslands-ÍSÍ sér um úthlutun sjóðsins fyrir hönd ríkisins.Meira -
Opið bréf til samninganefnda KÍ og SÍS
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 12.11.2024 kl. 13.17Í dag er 11. virki dagurinn síðan KÍ boðaði til verkfalls í 9 skólum á landinu. Einn þessara skóla er leikskólinn Ársalir á Sauðárkróki, en 2ja ára dóttir mín byrjaði þar í lok ágúst. Við fjölskyldan erum nefnilega nýlega flutt á Sauðárkrók, en hingað komum við 1. maí.Meira -
RARIK stefnir á að setja niður djúpdælu í landi Reykja í vikunni
feykir.is Austur-Húnavatnssýsla, Lokað efni 12.11.2024 kl. 10.49Í þessari viku áformar RARIK að setja niður djúpdælu í borholu í landi Reykja í Húnabyggð en eftir niðursetningu hennar tekur við vinna við tengingar, prófanir og uppkeyrsla, sem gætu tekið um sex vikur. Í frétt Húnahornsins segir að eftir það sé áætlað að taka holuna formlega í notkun með viðhöfn.Meira -
Hátt í áttatíu landanir sl. tvær vikur á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 12.11.2024 kl. 08.53Því miður var ekkert pláss fyrir aflafréttir í Feykisblöðunum sl. tvær vikur en í staðinn mæta þær á vefinn, öllum til mikillar gleði. Það er helst að frétta að 15 bátar lönduðu í Skagastrandarhöfn hátt í 817 tonnum í 62 löndunum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.