Á leið á Evrópumótið í Futsal
Íslandsmeistarar Hvatar í Futsal munu í ágúst halda til Austurríkis þar sem þeir etja kappi við heimamenn í 1 FC All Stars Wiener Neustadt, Asa Tel-Aviv frá Ísrael og Erebuni Yerevan frá Armeníu.
Riðillinn verður leikinn á tímabilinu 18 - 23. ágúst. Hvöt verður annað íslenska félagið til að taka þátt í Evrópukeppninni en Víðismenn riðu á vaðið í fyrra.
Futsal er alþjóðlegur innanhúsfótbolti og er spilaður út um allan heim. Spilað er með bolta sem er þyngri en venjulegur bolti og skoppar þar af leiðandi minna. Strákarnir í Hvöt unnu eins og áður sagði íslandsmeistaratitil í Futsal sem hefur enn sem komið er ekki notið þeirra virðingar hér á landi sem íþróttin á skilið.
-Við fórum í þetta verkefni til þess að hafa gaman að því og mjög óvænt unnið við mótið en um leið og það gerðist sáum við að það yrði gaman að fá að taka þátt í evrópukeppni því lestir í þessu liði koma ekki til með að hafa mörg tækifæri til þess að keppa í evrópukeponi. Við erum því virkilega spenntir fyrir þessu verkefni og má segja að spennan aukist hjá okkur dag frá degi, segir Gissur Jónasson, fyrirliði.
Upphaflega voru 11 í Futsal liði Hvatar en Gissur segir að líklega fari 14 út með farastjóra. Í Futsal spila fimm menn inni á vellinum í einu og álílka margir eru á bekknum. –Við ætlum að leyfa lesendum á Feyki.is að fylgjast með mótinu og komum til með að senda heim dagbók um gengi okkar þarna úti, segir Gissur.
Iceland air hefur styrkt strákana til fararinnar í formi afsláttar á farmiðum auk þess sem liðið fær styrk frá KSÍ. –Að öðru leyti koma leikmenn sjálfir til með að fjármagna þetta að hluta auk þess sem við erum að vinna í því þessa dagana að sækja styrk í fyrirtæki.
Strákarnir fara út þann 18. ágúst og þarf að fresta einum leik i íslandsmótinu vegna fararinnar en segir Gissur að það sé vel þess virði. Feykir óskar strákunum í Hvöt góðrar ferðar og hlakkar til að fá að fylgjast með ævintýrum þeirra í Austurríki.
Fleiri fréttir
-
Sveinbjörg Rut Pétursdóttir tekur við sem tímabundinn framkvæmdastjóri
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 18.03.2025 kl. 14.28Sagt var fá því í frétt fyrr í dag að Katrín M. Guðjónsdóttir hefur sagt starfi sínu lausu sem framkvæmdastjóri Samtaka sveitarfélaga á Norðurlandi vestra (SSNV) og mun láta af störfum 1. apríl nk. Stjórn SSNV hefur ákveðið að ráða Sveinbjörgu Rut Pétursdóttur, verkefnastjóra SSNV tímabundið, sem framkvæmdastjóra til 1. september 2026.Meira -
Nýjung á heimasíðu safnsins
feykir.is Skagafjörður, Lokað efni 18.03.2025 kl. 14.20Fyrir þau sem hafa í hyggju að bjóða Byggðasafni Skagfirðinga grip geta nú nálgast eyðublað á heimasíðu safnsins þar sem hægt er að senda inn upplýsingar um gripinn.Meira -
Viðgerð á götulögn
feykir.is Skagafjörður 18.03.2025 kl. 11.00Vegna viðgerða á götulögn hitaveitu við Sauðármýri verður lokað fyrir rennsli kl. 13:00 í dag, þriðjudaginn 18. mars.Meira -
Breyting á talmeinaþjónustu í Húnaþingi vestra
feykir.is Vestur-Húnavatnssýsla 18.03.2025 kl. 10.55Þann 1. apríl 2025 verður breyting á talmeinaþjónustu í Húnaþingi vestra, þetta kemur fram á vef þeirra hunathing.is. Hingað til hefur Tappa séð um fjarþjónustu í gegnum tölvu en eftir 1. apríl mun Brynhildur Þöll Steinarsdóttir talmeinafræðingur sjá um þjónustu, greiningar og gerð þjálfunaráætlana fyrir nemendur, starfsfólk og foreldra.Meira -
Langþráður nýr björgunarbátur í Skagafjörðinn
feykir.is Skagafjörður, Aðsendar greinar 18.03.2025 kl. 09.29Sl. laugardag afhenti FISK Seafood Björgunarsveitinni Skagfirðingasveit nýjan björgunarbát að gjöf. Andvirði bátsins, sem hlotið hefur nafnið Aldan, er um 20 milljónir króna og boðar koma hans á Sauðárkrók byltingu í búnaði til sjóbjörgunar og sömuleiðis björgunarstörf á hinum mikilfenglegu en um leið viðsjárverðu vötnum héraðsins. Með tilkomu Öldunnar eru tveir öflugir harðbotna björgunarbátar beggja vegna í Skagafirðinum. Aldan er í vestri en að austanverðu er Skafti í eigu björgunarsveitarinnar Grettis.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.