82% þjóðarinnar vilja Reykjavíkurflugvöll áfram
Í könnun sem Gallup gerði fyrir ríkisútvarpið í sept. 2013 kom í ljós að 73 prósent Reykvíkinga vilja hafa Reykjavíkurflugvöll áfram í Vatnsmýri. Heildarstuðningur þjóðarinnar við flugvöllinn í Reykjavík var 82 prósent.
Lítil ástæða er til að ætla að þessi afstaða þjóðarinnar hafi breyst. Því er það alveg óskiljanlegt að ennþá og stöðugt þurfi að takast á um þetta mikla hagsmuna- og öryggismál þjóðarinnar sem flugvöllur í höfuðborg allra landsmanna er.
Ákvörðun borgarstjórnar Reykjavíkur um lokun neyðarbrautarflugvallarins í Vatnsmýrinni hefur verið mótmælt víða og sérstaklega af íbúum landsbyggðarinnar sem búa við takamarkaðri þjónustu í heimabyggð en áður og stóraukinn ferðamannafjölda sem krefst læknis og sjúkraþjónustu.
Nú síðast sendi Sveitarstjórn Húnavatnshrepps frá sér ályktun og „ átelur harðlega lokun suð-vestur flugbrautar Reykjavíkurflugvallar sem kölluð er neyðarbraut. Áréttað er að Reykjavík sé höfuðborg landsins, og „ sýni mikið metnaðar- og ábyrgðarleysi gagnvart landsbyggðarfólki í neyðartilfellum sjúkraflugs með lokun brautarinnar“.
Bent hefur verið ítrekað á að lending á neyðarbrautinni svokölluðu, sem er NA/SV flugbrautin á Reykjavíkurflugvelli, hafi skipt sköpum varðandi sjúkraflug utan af landi og oft í erfiðum tilfellum þar sem um líf og dauða sé að tefla.
Með því að draga saman læknisþjónustu á landsbyggðinni eykst álagið á sjúkraflutninga bæði með sjúkrabílum og sjúkraflugi. Æ stærri hluti læknisþjónustu og bráðaviðbragða hefur verið þjappað saman á Landspítalanum í Reykjavík. Meginhluti opinberar þjónustu og stjórnsýslu er í Reykjavík. Hins vegar er verð á fargjöldum í innanlandsflugi allt of hátt og mikilvægt að stjórnvöld endurskoði hlut sinn í kostnaði við þær almenningsamgöngur sem flugið er.
Greiðar, öruggar og hraðar flugsamgöngur milli höfuðborgar og landsbyggðar skipta miklu máli í að jafna aðstöðumun fólks eftir búsetu í landinu.
Bjarni Jónsson
Býð mig fram til að leiða lista VG í Norðvesturkjördæmi
Fleiri fréttir
-
Elís og Hafdís voru fyrst til að ná mynd af lóunni í ár
feykir.is Austur-Húnavatnssýsla, Vestur-Húnavatnssýsla, Lokað efni 22.04.2025 kl. 14.07Sveitarfélagið Skagaströnd efndi til ljósmyndasamkeppni þar sem leikskólabörn og krakkar í 1.-4. bekk í grunnskólanum á Skagaströnd voru hvött til þess leita að fyrstu lóunni og ná af henni mynd. Það er ekki annað að sjá en að lóan sé mætt í allri sinni dýrð á Skagaströnd, segir á heimasíðu sveitarfélagsins.Meira -
Ert þú í Verslunarmannafélagi Skagafjarðar?
feykir.is Skagafjörður, Austur-Húnavatnssýsla, Vestur-Húnavatnssýsla 22.04.2025 kl. 13.45Verslunarmannafélag Skagafjarðar hefur ákveðið að bjóða félagsfólki sínu á leiksýningu Leikfélags Sauðárkróks í Sæluvikunni. Sýndur verður farsinn FLÆKTUR Í NETINU sem er ærslafullur gamanleikur eftir Ray Cooney í leikstjórn Valgeirs Skagfjörð. Frumsýning verður sunnudaginn 27. apríl kl. 20:00 og er listi yfir félagsfólk Verslunarmannafélagsins í miðasölunni. Þeir sem ætla að nýta sér boðsmiðann þurfa að kaupa miða inni á tix.is en þegar þeir mæta á sýninguna þurfa þeir að tilkynna sig í miðasölunni og láta haka við sig. Stjórn Verslunarmannafélagsins verður svo í sambandi við þá aðila sem nýttu sér miðann til að endurgreiða miðakaupin.Meira -
Diskósúpa í Hlöðunni á Stórhóli
feykir.is Skagafjörður 22.04.2025 kl. 13.35Næstkomandi laugardag 26. apríl verður Diskósúpa í Hlöðunni á Stórhól í Skagafirði frá klukkan 12-15.Meira -
Karlakórinn Lóuþrælar með sína árlegu vortónleika
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.04.2025 kl. 13.15Það er komið að vortónleikum Karlakórsins Lóuþræla en þeir verða haldnir þann 23. apríl kl. 20:00 í Félagsheimilinu á Hvammstanga. Tónleikarnir eru orðnir fastur liður á vorin en kórinn var stofnaður í febrúar 1985 og eru því 40 ára á þessu ári.Meira -
Sumarhátíð á Hvammstanga
feykir.is Skagafjörður 22.04.2025 kl. 12.45Haldið verður upp á sumardaginn fyrsta á hefðbundinn hátt þann 24. apríl nk. á Hvammstanga. Hátíðin hefst með skrúðgöngu frá Félagsheimilinu á Hvammstanga klukkan 13:00. Farinn verður hefðbundinn hringur með viðkomu á Sjúkrahúsinu.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.