Vilt þú spillingu?
Kjóstu þá núverandi stjórnarflokka. En ef þú ert hugsi yfir ástandinu á Íslandi, ættir þú að staldra við og skoða aðra valmöguleika. Hafðu einnig í huga að:
- Ísland er spilltasta landið af Norðurlöndunum!
- Spilling á Íslandi eykst, samkvæmt Transparency International’s Corruption Perceptions Index.
- Núverandi stjórnarflokkar eru tengdari Panama skjölunum en nokkrir aðrir flokkar.
- Tenging Bjarna Benediktssonar og Sigmundar Davíðs Gunnlaugssonar við Panama skjölin er heimsþekkt.
- Innanríkisráðherra hefur ekki heldur hreinan skjöld hvað Panama skjölin varðar.
- Fyrrverandi seðlabankastjóri og fyrrverandi forsætisráðherra, vissu eða töldu sig vita að tugmilljarða lán Seðlabanka Íslands fengist ekki endurgreitt. Samt var lánað.
- Óvenju margir kaupendur ríkiseigna virðast tengjast fjölskyldu fjármálaráðherra
- Núna, síðustu dagana fyrir kosningar, keppast ráðherrar framsóknar við að koma sínu fólki í stöður í ríkisstofnunum, óháð getu þeirra eða hugsanlegrar hæfni til að sitja í viðkomandi stjórn.
- O.fl o.fl.
Dæmin um spillingu, svik og siðleysi eru ótrúlega mörg á Íslandi og þeim fer fjölgandi. Mörgum virðist sem siðleysi sé í lagi, svo lengi sem gerningurinn er löglegur.
Ég spyr; hvar er stoltið ykkar? Erum við sátt við svona framgöngu þess fólks sem telst vera í forystu þessa lands? Hvar eru mörkin okkar sem þjóðar? Er okkur ennþá alveg sama um allt? Skiljum við ekki ennþá að stjórnkerfi þessa lands er gegnsýrt af spillingu, hagsmunagæslu og pólitískri samtryggingu? Ætla Íslendingar að viðhalda þessu með áframhaldandi stuðningi við Sjálfstæðisflokkinn og Framsóknarflokkinn?
Er ekki örugglega komið nóg!
Við verðum að hætta pólitískum ráðningum eða skipunum í stjórnunarstöður í stjórnkerfinu. Síðustu ríkisstjórnir voru með milli 70 og 80 opinberar ráðningar án auglýsinga. Hætta skipunum stjórnmálamanna sem eru að hætta í stjórnmálum í lykilstöður, t.d. sem sendiherrar, forstjórar stofnanna o.s.frv. Opna enn frekar fyrir aðgengi að upplýsingum um tengsl fyrirtækja, einstaklinga og stjórnmálaflokka. Efla viðurlög við hagsmunatengingum á þann hátt að það séu skýr viðurlög við því þegar menn í opinberu embætti, misnota stöðu sína í þágu annara.
Við eigum að leggja áherslu á og metnað í að byggja upp stjórnkerfi sem byggist á hæfni og getu fólks, en ekki pólitískum ferli þeirra.
Píratar vilja taka á spillingu. Þeir hafa ekki þá fjárhagslegu tengingu við efnafólk og atvinnulíf sem svo lengi hefur vafist fyrir núverandi stjórnarflokkum. Breytum Íslandi. Kjósum Pírata!
Þorgeir Pálsson
4. sæti á lista Pírata í Norðvestur kjördæmi.
Fleiri fréttir
-
Elís og Hafdís voru fyrst til að ná mynd af lóunni í ár
feykir.is Austur-Húnavatnssýsla, Vestur-Húnavatnssýsla, Lokað efni 22.04.2025 kl. 14.07Sveitarfélagið Skagaströnd efndi til ljósmyndasamkeppni þar sem leikskólabörn og krakkar í 1.-4. bekk í grunnskólanum á Skagaströnd voru hvött til þess leita að fyrstu lóunni og ná af henni mynd. Það er ekki annað að sjá en að lóan sé mætt í allri sinni dýrð á Skagaströnd, segir á heimasíðu sveitarfélagsins.Meira -
Ert þú í Verslunarmannafélagi Skagafjarðar?
feykir.is Skagafjörður, Austur-Húnavatnssýsla, Vestur-Húnavatnssýsla 22.04.2025 kl. 13.45Verslunarmannafélag Skagafjarðar hefur ákveðið að bjóða félagsfólki sínu á leiksýningu Leikfélags Sauðárkróks í Sæluvikunni. Sýndur verður farsinn FLÆKTUR Í NETINU sem er ærslafullur gamanleikur eftir Ray Cooney í leikstjórn Valgeirs Skagfjörð. Frumsýning verður sunnudaginn 27. apríl kl. 20:00 og er listi yfir félagsfólk Verslunarmannafélagsins í miðasölunni. Þeir sem ætla að nýta sér boðsmiðann þurfa að kaupa miða inni á tix.is en þegar þeir mæta á sýninguna þurfa þeir að tilkynna sig í miðasölunni og láta haka við sig. Stjórn Verslunarmannafélagsins verður svo í sambandi við þá aðila sem nýttu sér miðann til að endurgreiða miðakaupin.Meira -
Diskósúpa í Hlöðunni á Stórhóli
feykir.is Skagafjörður 22.04.2025 kl. 13.35Næstkomandi laugardag 26. apríl verður Diskósúpa í Hlöðunni á Stórhól í Skagafirði frá klukkan 12-15.Meira -
Karlakórinn Lóuþrælar með sína árlegu vortónleika
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.04.2025 kl. 13.15Það er komið að vortónleikum Karlakórsins Lóuþræla en þeir verða haldnir þann 23. apríl kl. 20:00 í Félagsheimilinu á Hvammstanga. Tónleikarnir eru orðnir fastur liður á vorin en kórinn var stofnaður í febrúar 1985 og eru því 40 ára á þessu ári.Meira -
Sumarhátíð á Hvammstanga
feykir.is Skagafjörður 22.04.2025 kl. 12.45Haldið verður upp á sumardaginn fyrsta á hefðbundinn hátt þann 24. apríl nk. á Hvammstanga. Hátíðin hefst með skrúðgöngu frá Félagsheimilinu á Hvammstanga klukkan 13:00. Farinn verður hefðbundinn hringur með viðkomu á Sjúkrahúsinu.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.