Vaxtaverkir | Leiðari 38. tölublaðs Feykis
Það getur verið ágætis sport að setja saman sæmilega vísu. Kannski hefði einhver haldið að nú á tímum samfélagsmiðla þá dytti þessi gamla hugarleikfimi úr tísku en það virðist nú vera öðru nær. Margir hafa gaman af því að reyna sig við þetta púsl og birta sperrtir fram-leiðslu sína á Facebook. En ef menn eru ekki með leikreglurnar á hreinu þá geta þeir fengið yfir sig skammir eða umvandanir frá lærðum í faginu.
Stundum mættu þeir sem kunna til verka sýna nýgræðingum í sportinu örlítið meiri tillitssemi og lang-lundargeð og sömuleiðis mættu þeir sem eru snupraðir á stundum vera minna hörundsárir og stuðla að bætingu – því eins og Héddi Sig vinur minn sagði gjarnan: „Æfingin skapar meistarann.“ Og hafði þessi sannindi örugglega frá pabba sínum, Sigga Ágústs raf-veitustjóra.
Á Facebook eiga vísnasmiðir heimili undir hatti Boðnarmjaðar. Það eru jafnan gerðar kröfur til þeirra sem leggja inn vísur í þann gleðibanka og engin miskunn ef farið er út fyrir rammann. Þar eru sumir stórgóðir og bráð-snjallir að setja saman alls konar vísur, limrur, sonnettur og hvað þetta nú allt heitir og geta sett saman beittan og hnyttin kveðskap án þess að meiða. Sumir eru í náttúrulýsingumeða gríni og svo eru aðrir í pólitík og hitta mest í mark hjá sjálfum sér.
Stórtíðindi síðustu viku voru tvímælalaust lækkun vaxta hjá Seðlabanka Íslands sem telja má til meiri háttar fagn-aðarefna þjóðarinnar á þessari öld, þó svo flestir – og Seðlabankastjórinn frá Hólum þar á meðal – teldu lækk-unina, 0,25%, aumingjalega. En mjór er mikils vísir sagði einhver einhversstaðar.
Inni á Boðnarmiði mátti sjá allnokkra félaga tækla þessar fréttir og undirritaður fann sig meira að segja knúinn til að taka þátt í leiknum, þó hann hafi látið vera að setja meistaraverkið inn á Boðnarmjöð. Vísan fór því bara inn á einkavegginn á Facebook, enda vísnagerð hans frekar verið til heimabrúks og sjaldan hitt í mark hjá sprenglærðum gagnrýnendum. Ekki flaut nú vísan nógu lipurlega í fyrstu atrennu en eftir ágæta ábendingu frá meistara Gunnari Sandholt var orðaröðin í fyrstu línu löguð. Og af því að margir eru vísnasmiðir ánægðir með eigin hugverk þá fær vísan að birtast í Feyki ... enda efnið fréttnæmt.
Margur vill við krónu-drottinn deila,
dimmalimmalimm,
niður færir vexti nú um heila
0,25.
Óli Arnar Brynjarsson
ritstjóri og hagyrðing...
Fleiri fréttir
-
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira -
Mynd Óskars Páls, Árnar þagna, sýnd í Króksbíó
feykir.is Skagafjörður, Listir og menning, Lokað efni 22.11.2024 kl. 09.00Óskar Páll Sveinsson ætlar að koma á heimaslóðir og bjóða Skagfirðingum í bíó. Næstkomandi mánudag kl. 20. sýnir hann í Sauðárkróksbíói heimildamyndina Árnar þagna sem fjallar um áhrif sjókvíaeldis á laxi á lífríki og afkomu fjölskyldna í sveitum Íslands og Noregs sem hafa byggt lífsafkomu sína á hlunnindum af sjálfbærum stangveiðum í margar kynslóðir.Meira -
Þjóðarsátt um landbúnað til framtíðar | Guðmundur Hrafn Arngrímsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 08.30Landbúnaður og matvælaframleiðsla er elsta athafnasemi íbúa landsins og önnur af mikilvægustu atvinnugreinum þjóðarinnar, ásamt sjávarútvegi. Landbúnaður er í senn undirstaða byggðar í landinu, gríðarlega mikilvægur fyrir fæðuöryggi þjóðarinnar og lífstíll þeirra sem hann stunda. Þess vegna er mikilvægt að um landbúnað og matvælaframleiðslu ríki þjóðarsátt.Meira -
Á sterka minningu um boltaleik með langafa sínum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 16.33Ólafur Adolfsson er oddviti Sjálfstæðisflokksins í Norðvestur kjördæmi. Ólafur er í sambandi með Margréti Birgisdóttur lyfjafræðingi og á hann tvö uppkomin börn, tvö barnabörn og tvö stjúpbörn. Ólafur er alinn upp í Ólafsvík og hefur auk þess átt heima um skemmri eða lengri tíma á Akranesi, í Reykjavík og á Sauðárkróki og er í dag með lögheimili á Akranesi. Hann er lyfjafræðingur og lyfsali, á og rekur fjórar lyfjabúðir sem eru staðsettar á Akranesi, í Borgarnesi, í Ólafsvík og í Vesturbæ Reykjavíkur.Meira -
Rætt við Grím Rúnar í tilefni 100 ára afmælishátíðar Hvatar á laugardaginn
feykir.is Austur-Húnavatnssýsla, Listir og menning, Lokað efni 21.11.2024 kl. 14.46Það stendur mikið til á Blönduósi nú á laugardaginn því þá fagnar Ungmennafélagið Hvöt 100 ára afmæli sínu með pompi og prakt. Það er því við hæfi að leggja nokkrar spurningar fyrir formann félagsins en það er Grímur Rúnar Lárusson. Grímur er innfæddur Blönduósingar og býr þar, er löglærður fulltrúi sýslumanns að aðalstarfi en í hjáverkum er hann sveitarstjórnarfulltrúi í Húnabyggð og formaður Umf. Hvatar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.