Ríkidæmi þjóðar :: Áskorandapenninn Hörður Ríkharðsson Blönduósi
Mér finnst áberandi hve það kemur flatt upp á ýmsa nemendur mína þegar ég segi að Ísland sé í hópi ríkustu samfélaga í heimi. Sýni ég þeim gjarnan einhverja lista þar sem við kannski rólum í kringum fimmtánda sæti og eftir að búið er að taka út einhvers konar borgríki, sjálfstjórnarsvæði og jafnvel olíuríki með mikla sérstöðu blasir við að við erum á topp tíu ef ekki topp fimm meðal samfélaga sem við viljum bera okkur saman við þ.e. Vestræn lýðræðisríki.
Ef litið er til samanburðar sem tekur til fleiri lífskjaraþátta heldur en tekna, þá komum við alla jafna nokkuð vel út þegar litið er til ungbarnadauða, lífaldurs, heilsu, jafnréttis, friðsældar, mannréttinda, menntunar o.fl. slíkra þátta. Í framhaldinu er gott að ræða það hvort sjálfsmynd okkar sem samfélags/þjóðfélags sé með þeim hætti. Erum við alla daga meðvituð um það hvað við höfum það gott?
Þjóðfélagsumræðan, jafnt í hefðbundnum fjölmiðlum sem og samfélagsmiðlum, speglar samfélag sem glímir við ýmis vandamál. Ungt fólk glímir við kvíða, sjálfsmyndarvanda, þunglyndi, óljósa framtíðarsýn, loftslagskvíða og einkum drengir falla frá námi ungir og finna sig ekki heldur á vinnumarkaði. Skortur á getu til að takast á við mótlæti, minni þrautseigja, samfara miklum hraða á öllu og mikilli samfélagsmiðlanotkun orsakar vanlíðan og brottfall úr námi, segja sérfræðingar. Á sama tíma og mörgum fyrirtækjum gengur illa að fá fólk til starfa og þrýstingur er á að flytja inn vinnuafl þurfa stjórnvöld að fjárfesta nokkur hundruð milljónum í verkefni til að ná til ungs fólks sem hvorki er í vinnu, námi eða starfsþjálfun.
Í fréttum hafa einnig verið fregnir af auknu ofbeldi eða kannski frekar alvarlegu ofbeldi þar sem gerendur eru sérstaklega ungir. Fíkniefnanotkun virðist síst í rénum þar sem stóralvarlegar afleiðingar ópíóðafíknar hafa blasað við. Þessu til viðbótar má nefna húsnæðisvanda ungs fólks þar sem verðbólguskot það sem geisar um þessar mundir hefur leitt til þess að færri standast greiðslumat og vaxtabyrði hvetur ekki beinlínis til lántöku. Leiguhúsnæði er sem fyrr afar dýrt fyrir flesta m.a. vegna þess að fasteignaeigendur margir hverjir geta nú á nýjan leik leigt ferðamönnum eftir tímabundið hlé á covid-tímabilinu. Þrátt fyrir mikla auðlegð samfélagsins, borið saman við hin tæplega 200 ríkin á jörðinni, þá er það svo að mörg sveitarfélög berjast nú í bökkum og jafnvel er rætt um að höfuðborgin sé á vonarvöl.
Það hlýtur að vera stærsta verkefni okkar allra að reyna með einhverjum hætti að skapa meiri sátt, ró og farsæld í samfélaginu. Eitthvað í samfélagsháttum okkar, menningu og kannski skipting verðmætanna milli íbúanna hlýtur að þarfnast endurskoðunar og ígrundunar. Gildismatið þarf að breytast, fjölskyldan verður að hafa tíma til að ræða lífsgildi, hafa á þeim skoðun og njóta samveru. Skrúfa þarf niður um nokkrar gráður í samkeppnis-, fullkomnunar- og neyslusamfélaginu.
Ég skora á Kristínu Jónu Sigurðardóttur, kennara á Blönduósi, að taka við keflinu.
Fleiri fréttir
-
Samfylkingin og ég ... | Bryndís Kristín Williams Þráinsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 20.07Ég trúi því að Samfylkingin sé með gott plan og ætli að fylgja því eftir komist hún í ríkisstjórn. Samfylkingin sem slík gerir þó ekki marga hluti, heldur fólkið sem hefur ákveðið að starfa undir hennar hatti. Þessi hópur, undir forystu Kristrúnar Frostadóttur, hefur sett sér markmið um ýmsa málaflokka sem sjá má á heimasíðu flokksins. Skoðum örfá alvöru dæmi.Meira -
Jólatvenna í Lýtó á laugardegi
feykir.is Skagafjörður, Listir og menning, Lokað efni 22.11.2024 kl. 19.26Það verður jólastemning í Lýtó á morgun, laugardag 23. nóvember, en þá stendur Sigrún á Stólhóli fyrir Jólamarkaði Rúnalistar í Hlöðunni og Rúnalist Gallerí. Opið verður frá 13-17 og sama dag verið Kaffihúsið Starrastöðum opið frá 14-18. Þessu má enginn missa af enda alltaf gaman að renna fram í Lýtó.Meira -
Þráði að verða ballettdansari
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 18.16Guðmundur Hrafn Arngrímsson er 51 árs, faðir fimm barna á aldrinum 6-26 ára. Er frá Seljanesi við Ingólfsfjörð og ólst upp í Bolungarvík. Guðmundur er oddviti Sósíalista í Norðvestur kjördæmi. Guðmundur hefur haldið heimili í Reykjavík og búið þar að mestu leyti frá því hann flutti heim úr námi árið 2007. Síðustu 15 árin hefur hann starfað við landslagshönnun, torf- og grjóthleðslur og fræðslu og kennslu í útinámi, samhliða því hef hann undanfarin þrjú ár verið for-maður Leigjendasamtakana.Meira -
Miðflokkurinn opnar kosningaskrifstofu á Sauðárkróki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 15.49Miðflokkurinn opnar kosningaskrifstofu á Mælifelli ,Aðalgötu 7 Sauðarkroki, laugardaginn 23. nóvember kl. 20.00. Allir eru velkomnir.Meira -
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.