Ný tegund lögfræðiþjónustu á Íslandi – skjalagerð á netinu
Á sunnudaginn voru formlega opnaðar þrjár nýjar vefsíður, skilja.is, kaupmáli.is og erfðaskrá.is. Á síðunum gefst þeim eru að skilja, vilja gera erfðaskrá eða kaupmála kostur á að leggja fram allar nauðsynlegar upplýsingar á aðgengilegan hátt, sem lögfræðingur vinnur svo úr og útbýr tilskilin skjöl. Viðskiptavinurinn fær svo skjölin send tilbúin til undirritunar. Þetta mun vera í fyrsta skiptið sem slík þjónusta er í boði á Íslandi, svo vitað sé til, og segja má að með þessu sé brotið blað í lögfræðiþjónustu á Íslandi.
Verslun og þjónusta á netinu hefur vaxið hratt á undanförnum árum. Á það jafnt við um verslun og þjónustu sem rekin er samhliða hefðbundnum verslunarrekstri sem og netverslun sem er sérstaklega sett á fót með það að markmiði að stunda einungis slíkan verslunarmáta. Lögfræðiþjónusta á netinu er hér ekki undanskilin og sem dæmi má nefna að á Englandi og í Wales er fjórði hver skilnaðarsamningur gerður á netinu í gegnum stærstu lögfræðiþjónustu Bretlands sem sérhæfir sig í skilnaði.
Lögfræðisamningar á netinu hafa ekki einungis aukin þægindi í för með sér heldur má segja að með slíku hafi aukist gegnsæi í gjaldtöku á lögfræðiþjónustu en engin sameiginleg gjaldskrá gildir yfir lögfræðiþjónustu á Íslandi . Oftast er um tímagjald að ræða þegar lögfræðingar verðleggja þjónustu sína til einstaklinga en gera má ráð fyrir að tímagjald lögfræðinga sé um 15 – 20 þúsund kr.
Þrátt fyrir að lögfræðingar þurfi að gera skjólstæðingum grein fyrir áætluðum verkkostnaði áður en þeir taka mál að sér er ekki óalgengt að verkkostnaður verði ívið en hærri við verklok en í byrjun. Með lögfræðinetþjónustu eins og opnuð var á sunnudaginn er hins vegar hægt að ganga að verkkostnaði vísum eftir því hvaða þjónusta er valin.
Þjónusta sem síðurnar skilja.is, kaupmáli.is og erfðaskrá.is bjóða upp á eru af þeim toga að flestir, sem þurfa á slíkri þjónustu að halda, geta nýtt sér hana. Hins vegar geta notendur sem eru með viðameiri og flóknari mál engu að síður pantað tíma hjá lögfræðistofunni og fengið hefðbundari lögfræðiþjónustu.
Fyrirspurnum svarar Jóhannes Árnason, hjá JÁS-Lögmönnum, í síma 561-5700 eða 698-4165, johannes@jas.is. Klapparstígur 16, 101 RVK.
Fleiri fréttir
-
Uppselt á tónleikana
feykir.is Skagafjörður, Austur-Húnavatnssýsla, Vestur-Húnavatnssýsla 24.04.2025 kl. 17.55Þann 23. október sl. hefði Stefán R. Gíslason tónlistarkennari, kórstjóri og organisti í Varmahlíð orðið sjötugur. Þann sama dag sagði sr. Gísli Gunnarsson á Hólum frá því á Facebook síðu sinni að hann hefði ákveðið, í samráði við fjölskyldu Stefáns, að stofna minningarsjóð í hans nafni. Minnigartónleikar verða haldnir í kvöld í fjáröflunarskyni fyrir sjóðinn og uppselt er á tónleikana.Meira -
„Jakkaföt, vesti og slaufa og að sjálfsögðu var maður með strípur“
feykir.is Skagafjörður, Vestur-Húnavatnssýsla, Mannlíf, Lokað efni 24.04.2025 kl. 15.13Ragnar Smári Helgason ólst upp í Dalatúninu á Króknum og Hamri í Hegranesi en býr í Lindarbergi á Hvammstangi í Vestur-Húnavatnsýslu ásamt Kolbrúnu konu sinni og þremur börnum. Ragnar Smári vinnur hjá Vinnumálastofnun/Fæðingarorlofs-sjóði á Hvammstanga. Hann sagði Feyki örlítið frá þessum degi í lífi hans.Meira -
Fermist í hvítum blúndukjól og Jordans skóm
feykir.is Austur-Húnavatnssýsla, Lokað efni 24.04.2025 kl. 13.00Arney Nadía Hrannarsdóttir býr á Skagaströnd og foreldrar hennar eru Alexandra Ósk Guðbjargardóttir og Hrannar Baldvinsson. Sr. Guðni Þór Ólafsson sér umferminguna sem verður í Hólaneskirkju þann 8. júní.Meira -
Myndi bjóða LeBron James í veisluna
feykir.is Skagafjörður, Lokað efni 24.04.2025 kl. 09.00Jón Karl Brynjarsson verður fermdur af sr. Höllu Rut Stefánsdóttur þann 24. apríl í Reynistaðarkirkju. Foreldrar Jóns Karls eru Brynjar Sindri Sigurðarson og Guðrún Helga Jónsdóttir í Miðhúsum í Akrahreppi.Meira -
Gleðilegt sumar!
feykir.is Skagafjörður, Austur-Húnavatnssýsla, Vestur-Húnavatnssýsla 24.04.2025 kl. 08.00Sumardagurinn fyrsti er í dag og óskar Feykir lesendum gleðilegs sumars. Þessi fallegi dagur virðist ætla að bjóða upp á ágætis veður, hitinn á Norðurlandi vestra víðast hvar milli 6-7 stig, hæg breytileg átt og bjartviðri, samkvæmt spá Veðurstofunnar. Það er því ekkert því til fyrirstöðu en að fagna komu sumars með því að stökkva í stuttbuxur eða hvað, kannski þeir allra hörðustu, og kíkja á þá viðburði sem eru á dagskrá sem eru reyndar ekki margir en nokkrir þó.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.