Gleðilegt sumar!

feykir.is Skagafjörður, Austur-Húnavatnssýsla, Vestur-Húnavatnssýsla 24.04.2025 kl. 08.00 siggag@nyprent.is

Sumardagurinn fyrsti er í dag og óskar Feykir lesendum gleðilegs sumars. Þessi fallegi dagur virðist ætla að bjóða upp á ágætis veður, hitinn á Norðurlandi vestra víðast hvar milli 6-7 stig, hæg breytileg átt og bjartviðri, samkvæmt spá Veðurstofunnar. Það er því ekkert því til fyrirstöðu en að fagna komu sumars með því að stökkva í stuttbuxur eða hvað, kannski þeir allra hörðustu, og kíkja á þá viðburði sem eru á dagskrá sem eru reyndar ekki margir en nokkrir þó.

Kvenfélag Lýtingsstaðahrepps verður með kaffihlaðborð í félagsheimilinu Árgarði frá kl. 14-17. Það kostar 2.500 kr. á mann og enginn posi á staðnum, muna að taka með pening. Firmakeppni Hestamannafélagsins Skagfirðings verður í Svaðastaðahöllinni og byrjar kl. 14. Að endingu verða Minningartónleikar um Stefán R. Gíslason tónlistarkennara, organista og kórstjóra í menningarhúsinu Miðgarði kl. 20 sem enginn má missa af og eins og staðan er þegar þetta var skrifað voru örfáir miðar eftir.

Hér áður fyrr var þetta einn mesti gleðidagur ársins og mikil og flott dagskrá venjan en það er ekki raunin í dag en gleðidagur enga að síður fyrir þá krakka sem hafa fengið sumargjafir frá foreldrum sínum. Hér áður fyrr þyrptist fólk hins vegar í skrúðgöngu og á eftir fylgdi talsverð dagskrá sem margir sóttu. Nú hefur dregið að miklu leyti úr hátíðarhöldum á þessum góða degi en það á aldeilis ekki við um Húnaþingi vestra sem hefur haldið í þá hefð að taka daginn með trompi. 

Samkvæmt heimasíðu Húnaþings vestra verður haldið upp á sumardaginn fyrsta á hefðbundinn hátt. Hátíðin hefst með skrúðgöngu frá Félagsheimilinu á Hvammstanga klukkan 13:00. Farinn verður hefðbundinn hringur með viðkomu á Sjúkrahúsinu. Að lokinni skrúðgöngu verður boðið til hátíðar í Félagsheimilinu. Þar afhendir m.a. Vetur konungur Sumardísinni veldissprota sinn. Börn úr fyrsta og öðrum bekk grunnskólans skemmta með söng. Öllum er svo boðið upp á vöfflur og kakó. Á eftir verða spilaðar nokkrar umferðir í bingó þar sem glæsilegir vinningar verða í boði. Foreldrafélag Leikskólans Ásgarðs eru umsjónaraðilar hátíðarinnar í ár. Öll dagskráin er ókeypis og eru allir hjartanlega velkomnir.
Til baka

Athugasemdir eru á ábyrgð þeirra sem þær skrá.

Feykir áskilur sér þó rétt til að eyða ummælum sem metin verða sem ærumeiðandi eða ósæmileg.

Smelltu hér til að tilkynna óviðeigandi athugasemdir.

Fleiri fréttir

  • Jón Karl Brynjarsson. MYND AÐSEND

    Myndi bjóða LeBron James í veisluna

    feykir.is Skagafjörður, Lokað efni 24.04.2025 kl. 09.00 gunnhildur@feykir.is
    Jón Karl Brynjarsson verður fermdur af sr. Höllu Rut Stefánsdóttur þann 24. apríl í Reynistaðarkirkju. Foreldrar Jóns Karls eru Brynjar Sindri Sigurðarson og Guðrún Helga Jónsdóttir í Miðhúsum í Akrahreppi.
    Meira
  • Saga Sjöfn Ragnarsdóttir í hlutverki Barböru Smith. MYND gg

    Miðasalan hefst í dag

    feykir.is Skagafjörður, Lokað efni 23.04.2025 kl. 15.00 gunnhildur@feykir.is
    Leikfélag Sauðárkróks frumsýnir nú næskomandi sunnudag 27.apríl leikritið „Flæktur í netinu“ í leikstjórn Valgeirs Skagfjörð. Miðasala hefst í dag, miðvikudag á tix.is.
    Meira
  • MYND Sigfús Ingi Sigfússon.

    Faxi er kominn heim

    feykir.is Skagafjörður 23.04.2025 kl. 14.22 gunnhildur@feykir.is
    Að morgni dags 21. júlí 2023, sagði Feykir frá því að Faxi hafi tekið á flug á vit nýrra ævintýra. Næsti áfangastaður var Reykjavík þar sem hann var gerður sýningarhæfur og hafður á sýningu á Korpúlfsstöðum. Þegar þeirri sýningu lauk hélt hann til Þýskalands þar sem færa átti kappann í brons áður en hann kæmi aftur heim á Sauðárkrók. 
    Meira

  • Rafrænt Sjónhorn kom út í dag

    feykir.is Skagafjörður, Austur-Húnavatnssýsla, Vestur-Húnavatnssýsla 23.04.2025 kl. 13.52 siggag@nyprent.is
    Vegna mikillar eftirspurnar var tekin ákvörðun um að gefa út rafrænt eintak af Sjónhorni fyrir Sjónhornþyrsta fólkið á svæðinu. Þetta blað fer því ekki inn um lúgurnar í pappírsformi - það verður einungis hægt að skoða það á netinu. Ástæðan fyrir því að ekki var hægt að gefa út prentað blað er sú að frídagar í þessari viku gerðu það að verkum að ekki var hægt að setja blaðið upp né dreifa því á tilsettum tíma.
    Meira
Yfirlit frétta