Nauðsynlegar leiðréttingar | Friðbjörn Ásbjörnsson skrifar
Síst af öllu vill FISK Seafood troða illsakir við eigendur smábáta í Skagafirði enda er fjölbreytileikinn í sjósókn okkar, eins og raunar allra landsmanna, afar mikilvægur. Þess vegna olli grein Magnúsar Jónssonar, formanns Drangeyjar, í Feyki í gær vonbrigðum. Bæði hallaði hann þar réttu máli og skautaði framhjá augljósum aðalatriðum. Til viðbótar hengir hann bakara fyrir smið þegar hann gerir FISK Seafood ábyrgt fyrir því að tillögur sveitarfélagsins um dreifingu byggðakvótans fáist ekki samþykktar af stjórnvöldum.
Nauðsynlegt er að leiðrétta nokkur atriði í grein Magnúsar. Aðallega er samt fyrir löngu orðið tímabært og nauðsynlegt að leiðrétta vinnulag sem í langan tíma hefur viðgengist hér á Sauðárkróki en stenst í raun ekki skoðun. Í þeim efnum vegur þyngst að í mörg ár hefur grundvallarreglan um að byggðakvóta sé úthlutað með skilyrðum um að aflanum sé landað til vinnslu heima í héraði verið brotin. Ekki einungis þarf að landa aflanum í heimahöfn heldur einnig vinna hann á heima í héraði sé fiskvinnsla á annað borð til staðar. Tilgangur og markmið byggðakvótans er þannig að efla fiskvinnsluna en ekki fyrst og fremst útgerðina. Þess vegna stingur það í augun, enda þótt það sé hárrétt, að sjá það í ályktun Drangeyjar að „á liðnum árum hefur [byggðakvótinn] að mestu leyti farið til útgerða smábáta á Sauðárkróki.“
Staðreyndin er sú að FISK Seafood hefur af tillitssemi við smábátaútgerðina sætt sig við sérreglur sveitarstjórnarinnar síðustu árin um dreifingu byggðakvótans. Hins vegar verður ekki lengur við það unað að afli smábátanna sé ekki settur í vinnslu hér á Sauðárkróki eins og skýr krafa er gerð um í lögum um byggðakvótann. Á þessa alvarlegu brotalöm var ráðuneytinu bent. Sú ábending hefur kallað á umræðu á milli sveitarfélagsins og ráðuneytisins sem er FISK Seafood í raun óviðkomandi.
Það er ekki rétt hjá formanni Drangeyjar að FISK Seafood sækist eftir óskiptum skýlausum rétti sínum til byggðakvótans. Þvert á móti höfum við rétt út sáttahönd og tilkynnt fulltrúum sveitarfélagsins Skagafjarðar að við séum reiðubúin til þess að gefa eftir u.þ.b. helming þeirra þorskígildistonna sem við eigum rétt á svo byggðakvótinn nýtist smábátaeigendum að hinum helmingnum til. Við gerum hins vegar kröfu um að öllum aflanum verði landað til vinnslu á Sauðárkróki sbr. ákvæði 10. gr. laga nr. 116/2006 um stjórn fiskveiða en þar segir m.a. að fiskiskipum sé „... skylt að landa til vinnslu innan hlutaðeigandi byggðarlaga afla sem nemur í þorskígildum talið tvöföldu magni þeirra aflaheimilda sem þau fá úthlutað skv. 2. tölul. 1. mgr. og skal úthlutun þeirra ekki fara fram nema að því leyti sem það skilyrði er uppfyllt skv. nánari reglum sem ráðherra setur.“
Reglurnar eru skýrar og eftir þeim er farið í hvívetna víðast um land. Enda þótt FISK Seafood sé reiðubúið til þess að koma til móts við eigendur smábáta verður það að rúmast innan þeirra laga og reglna sem um byggðakvótann gilda. Annað er einfaldlega útilokað.
Friðbjörn Ásbjörnsson
Framkvæmdastjóri FISK Seafood
Fleiri fréttir
-
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira -
Mynd Óskars Páls, Árnar þagna, sýnd í Króksbíó
feykir.is Skagafjörður, Listir og menning, Lokað efni 22.11.2024 kl. 09.00Óskar Páll Sveinsson ætlar að koma á heimaslóðir og bjóða Skagfirðingum í bíó. Næstkomandi mánudag kl. 20. sýnir hann í Sauðárkróksbíói heimildamyndina Árnar þagna sem fjallar um áhrif sjókvíaeldis á laxi á lífríki og afkomu fjölskyldna í sveitum Íslands og Noregs sem hafa byggt lífsafkomu sína á hlunnindum af sjálfbærum stangveiðum í margar kynslóðir.Meira -
Þjóðarsátt um landbúnað til framtíðar | Guðmundur Hrafn Arngrímsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 08.30Landbúnaður og matvælaframleiðsla er elsta athafnasemi íbúa landsins og önnur af mikilvægustu atvinnugreinum þjóðarinnar, ásamt sjávarútvegi. Landbúnaður er í senn undirstaða byggðar í landinu, gríðarlega mikilvægur fyrir fæðuöryggi þjóðarinnar og lífstíll þeirra sem hann stunda. Þess vegna er mikilvægt að um landbúnað og matvælaframleiðslu ríki þjóðarsátt.Meira -
Á sterka minningu um boltaleik með langafa sínum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 16.33Ólafur Adolfsson er oddviti Sjálfstæðisflokksins í Norðvestur kjördæmi. Ólafur er í sambandi með Margréti Birgisdóttur lyfjafræðingi og á hann tvö uppkomin börn, tvö barnabörn og tvö stjúpbörn. Ólafur er alinn upp í Ólafsvík og hefur auk þess átt heima um skemmri eða lengri tíma á Akranesi, í Reykjavík og á Sauðárkróki og er í dag með lögheimili á Akranesi. Hann er lyfjafræðingur og lyfsali, á og rekur fjórar lyfjabúðir sem eru staðsettar á Akranesi, í Borgarnesi, í Ólafsvík og í Vesturbæ Reykjavíkur.Meira -
Rætt við Grím Rúnar í tilefni 100 ára afmælishátíðar Hvatar á laugardaginn
feykir.is Austur-Húnavatnssýsla, Listir og menning, Lokað efni 21.11.2024 kl. 14.46Það stendur mikið til á Blönduósi nú á laugardaginn því þá fagnar Ungmennafélagið Hvöt 100 ára afmæli sínu með pompi og prakt. Það er því við hæfi að leggja nokkrar spurningar fyrir formann félagsins en það er Grímur Rúnar Lárusson. Grímur er innfæddur Blönduósingar og býr þar, er löglærður fulltrúi sýslumanns að aðalstarfi en í hjáverkum er hann sveitarstjórnarfulltrúi í Húnabyggð og formaður Umf. Hvatar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.