Komum okkur á kortið!
SSNV atvinnuþróun hefur meðal annars það hlutverk að hjálpa fyrirtækjum, einstaklingum í rekstri, stofnunum og sveitarfélögum á starfssvæðinu að hjálpa sér sjálf. Eitt af þeim verkefnum sem atvinnuráðgjafar SSNV hafa verið að sýsla með undanfarið er að skoða skráningar fyrirtækja og rekstraraðila í gagnagrunna Google Maps. (maps.google.com ).
Stöðugt vaxandi útbreiðsla landakortaþjónustu Google í gegnum hvers kyns nettengd tæki með staðsetningarbúnaði, svo sem snjallsíma og spjaldtölvur, gerir það að verkum að rétt skráning í Google gagnagrunnanna verður æ mikilvægari. Þeir sem eitthvað eiga undir því að viðskiptavinir geti auðveldlega ratað til þeirra ættu að huga vel að því hvernig þeirra fyrirtæki birtist notendum Google Maps kortanna.
Hér á svæðinu er úrbóta þörf í þessu efni, þar sem upplýsingarnar sem Google hefur tínt saman úr ýmsum áttum til notkunar í kortakerfinu eru stundum úreltar. Sem betur fer er fremur auðvelt að koma réttum upplýsingum til skila. Google hefur opnað fyrir fulla þjónustu við Íslendinga á þessu sviði og er Street-view ferð þeirra um landið fyrr í haust ein birtingamynd þess. Hér má geta þess til gamans að Markaðsstofa Norðurlands ásamt fleirum hafa komið því til leiðar að unnt er að leita og skrá upplýsingar eftir landshlutum á Íslandi; þannig er Norðurland vestra nokkurn veginn rétt afmarkað á Google Maps.
Aðallega eru tvær leiðir til þess að koma skráningum á heimskort Google: annars vegar mapmaker.google.com fyrir alla sem vilja skrá nánast hvað sem er á kortið. Hins vegar places.google.com fyrir aðila sem vilja skrá fyrirtæki sitt og þjónustu beint og „eignast“ um leið skráninguna.
Algengt er að ferðaþjónustufyrirtæki birtist á Google kortinu í gegnum þriðja aðila, til dæmis bókunarvélar eða þess háttar. Slík fyrirtæki ættu engu að síður að stofna sína eigin skráningu hjá Google Maps og nýta sér þá ókeypis kynningarmöguleika sem því fylgja.
Fleiri fréttir
-
Rafrænt Sjónhorn kom út í dag
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2025 kl. 13.52Vegna mikillar eftirspurnar var tekin ákvörðun um að gefa út rafrænt eintak af Sjónhorni fyrir Sjónhornþyrsta fólkið á svæðinu. Þetta blað fer því ekki inn um lúgurnar í pappírsformi - það verður einungis hægt að skoða það á netinu. Ástæðan fyrir því að ekki var hægt að gefa út prentað blað er sú að frídagar í þessari viku gerðu það að verkum að ekki var hægt að setja blaðið upp né dreifa því á tilsettum tíma.Meira -
Landsnet með opinn fund í Eyvindarstofu á Blönduósi miðvikudaginn 30. apríl kl. 16
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2025 kl. 11.39Þann 30. apríl nk. verður Landsnet með opinn fund í Eyvindarstofu á Blönduósi kl. 16:00 þar sem farið verður yfir og kynnt hvernig þau ætla að byggja upp öflugt, sveigjanlegt og sjálfbært flutningskerfi fyrir framtíðina. Þessi fundur er einn af átta sem Landsnet verður með í ferð sinni um landið þar sem þau ætla að ræða við fólk, svara spurningum og hlusta. Þetta er opið samtal og þú ert hluti af því.Meira -
Vorfagnaður í Árgerði
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2025 kl. 11.30Laugardaginn 26. apríl nk.kl 20:00 verður vorinu fagnað í Árgarði. Til stendur að borða saman kótilettur með tilheyrandi meðlæti. Tala, syngja og dansa saman inn í nóttina.Meira -
Prjónagleði 2025 verður haldin frá 30. maí til 1. júní
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2025 kl. 11.12Helgina 30. maí til 1. júní verður Prjónagleðin haldin í níunda sinn á Blönduósi í Húnabyggð en þessi metnaðarfulla hátíð er ætluð áhugafólki um prjónaskap og handavinnu, byrjendum sem og lengra komnum. Undanfarin ár hefur Textílmiðstöð Íslands í samstarfi við heimamenn og ýmsa prjónasérfræðinga haldið utanum Prjónagleðina en í ár er skipulag og framkvæmd hátíðarinnar í umsjón Húnabyggðar.Meira -
Stóri plokkdagurinn á sunnudaginn, 27. apríl
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2025 kl. 09.30Stóri plokkdagurinn verður haldinn hátíðlegur sunnudaginn 27. apríl næstkomandi og þá plokka landsmenn sem aldrei fyrr. Eftir veturinn bíður okkar heilmikið verkefni við að hreinsa allt sem undan snjónum kom ásamt öllu öðru rusli sem finnst á víðavangi.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.