Í hamingjunnar bænum | Leiðari 25. tölublaðs Feykis
Hamingjan er pínu milli tannanna á fólki þessa dagana eftir að í ljós kom í íbúakönnun landshlutanna að Skagfirðingar, ásamt íbúum á Snæfellsnesi og á Héraði, eru öðrum Íslendingum hamingjusamari að meðaltali. Þegar þessi íbúakönnun er skoðuð má einnig sjá að það er talsverður munur á hamingju fólks eftir því hvort það býr í Skagafirði eða Húnavatnssýslum. Hvernig má það vera?
Og hvað er nú hamingja? Ætli hún sé kennd, kemur hún með móðurmjólkinni? Hefur hún nokkuð að gera með hversu mikla peninga maður geymir í banka eða hversu mörg hlutabréf þú átt í Icelandair? Eða í hversu mörgum ástarsamböndum maður er eða hefur verið, nú eða eftir fjölda barnabarna eða hversu oft maður skreppur til Tene?
„Hamingja er val, ekki afleiðing. Ekkert mun gleðja þig fyrr en þú velur að vera hamingjusamur. Engin manneskja mun gleðja þig nema þú ákveðir að vera hamingjusamur. Hamingja þín mun ekki koma til þín, hún getur bara komið frá þér,“ er haft eftir Ralph Marston sem er eins konar kvótaeigandi. Hann semsagt framleiðir kvót eða tilvitnanir og heldur úti netsíðunni Hin daglega hvatning (The Daily Motivator). Þar birtir hann daglega hvatningu til lesenda. Ég veit ekki hvort það er eitthvað vit í þessu en kannski gerir þetta hann hamingjusaman.
Heimspekingurinn Immanuel Kant kom upp með þrjár reglur til að öðlast hamingju; að hafa eitthvað að gera, einhvern til að elska og eitthvað til að vonast eftir. Dalai Lama segir tilgang lífs okkar að öðlast hamingju á meðan Gabriel Garcia Marquez sagði ekkert lyf geta læknað það sem hamingjan geti ekki læknað. Bítlarnir sungu hins vegar um að hamingjan væri heit byssa (Happiness is a Warm Gun) en það er einhver annar sannleikur.
Hamingjan er ekki einfalt hugtak því mörgum vefst tunga um tönn þegar spurt er hvað hamingja sé. Gísli Einarsson minntist á það í uppistandi í Gránu í byrjun árs að þeir ferðafélagar, Eggert og Bjarni, sem túruðu Ísland fyrir um 270 árum, hefðu talið Skagfirðinga góða með sig og glaðsinna á meðan Húnvetningar væru rólegri og yfirvegaðri.
Kannski er það þá ein niðurstaða Íbúakönnunar landshlutanna að persónueinkenni Skagfirðinga og Húnvetninga hafi lítið breyst í gegnum aldirnar – Skagfirðingar séu sem fyrr snöggir til svars en Húnvetningar hugsi sig betur um?
Óli Arnar Brynjarsson,
Sauðárkróki
Fleiri fréttir
-
Fjórar Feykiflottar semja við Tindastól
feykir.is Skagafjörður, Íþróttir 08.07.2024 kl. 08.33Á Facebook-síðu Körfuknattleiksdeildar Tindastóls segir að félagið hafi gengið frá samningum við þær Brynju Líf, Emmu Katrínu, Klöru Sólveigu og Rannveigu um að spila fyrir Tindastól í Subway deildinni á komandi tímabili. Israel Martin þjálfari segir það góðar fréttir fyrir félagið í heild „Það er mjög mikilvægt að tryggja samfellu í þessu uppbyggingarverkefni sem liðið er í, halda í það góða sem byggt hefur verið upp og horfa til framtíðar“Meira -
Samúel Rósinkrans Kristjánsson ráðinn umsjónarmaður Eignasjóðs
feykir.is Skagafjörður 08.07.2024 kl. 08.27Á heimasíðu Skagafjarðar segir að Samúel Rósinkrans Kristjánsson var ráðinn í starf umsjónarmanns Eignasjóðs á Veitu- og framkvæmdasviði hjá sveitarfélaginu Skagafirði. Eignasjóður Skagafjarðar leigir út fasteignir til stofnana og einstaklinga. Eignasjóður leggur áherslu á gott samstarf og þjónustu við viðskiptavini sína og hefur að leiðarljósi fagleg vinnubrögð við hönnun, framkvæmd og viðhald húsnæðis.Meira -
Kaupfélag Skagfirðinga kaupir Kjarnafæði Norðlenska
feykir.is Skagafjörður 07.07.2024 kl. 23.47Mbl.is segir frá því að hluthafar í Kjarnafæði Norðlenska hf. hafi samþykkt tilboð Kaupfélags Skagfirðinga um kaup á allt að 100% hlutafjár í Kjarnafæði Norðlenska hf. en þetta kemur fram í tilkynningu frá Kjarnafæði Norðlenska hf. Fram kemur að hluthafar Búsældar ehf., félags bænda sem er eigandi rúmlega 43% hlutafjár, munu ákveða hver fyrir sig hvort þeir selji sína hluti en Eiður Gunnlaugsson og Hreinn Gunnlaugsson, sem hvor um sig eiga rúmlega 28% hlutafjár, munu selja allt sitt hlutafé.Meira -
Erfið ferð Húnvetninga austur á Reyðarfjörð
feykir.is Austur-Húnavatnssýsla, Íþróttir, Vestur-Húnavatnssýsla 07.07.2024 kl. 20.04Húnvetningar spiluðu á Reyðarfirði í dag og eitthvað lagðist ferðalagið þungt í menn því heimamenn höfðu gert þrjú mörk í fyrri hálfleik í Fjarðabyggðarhöllinni og þar við sat. Lið Kormáks/Hvatar færðist þar með niður í níunda sæti 2. deildar en getur huggað sig við að liðin í deildinni eru tólf. Lokatölur 3-0 fyrir KFA.Meira -
Ostasalat og kjúklingur með pestó og paprikusnakki
feykir.is Skagafjörður, Austur-Húnavatnssýsla, Vestur-Húnavatnssýsla, Í matinn er þetta helst 07.07.2024 kl. 15.00Matgæðingar þessa vikuna eru Freyja Rut Emilsdóttir og Helgi Jóhannesson en þau búa á Króknum ásamt börnum sínum; Emmu Katrínu 16 ára, Júlíu Marín alveg að verða 13 ára og tvíburunum Aroni Elmari og Jóel Darra sem eru 7 ára. Sú elsta, Laufey Helga, býr í Reykjavík.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.