Gefum pólitíkinni frí | Leiðari 29. tölublaðs Feykis
Þá eru Olympíuleikarnir í París komnir í gang og á meðan fellur hanaslagurinn um bandaríska forsetaeimbættið örlítið í skuggann. Sem er alveg ágætt því það getur vart talist mannbætandi að fylgjast með töktum Trumps sem seint getur talist okkur Íslendingum að skapi.
Einhverjum tókst loks að benda Biden, forseta Bandaríkjanna, á að hann hefði ekki lengur það sem þarf til að sinna því sem má segja að sé valdamesta embætti heims. Í raun ekki lengur í toppformi eða landsliðsflokki. Það verður væntanlega varaforsetinn Kamala Harris sem fer fram sem fulltrúi Demókrata en þó það væri örugglega ekki að valda okkur Íslendingum flestum hugarangri hvorn frambjóðandann við kysum þá er það kannski ekki eins borðleggjandi fyrir Kanann. Þegar þetta er skrifað er talað um að 49% ætli að kjósa Trump en 47% Harris. Það þýðir auðvitað ekki að 49% kjósenda séu asnar heldur að um helmingur Bandaríkjamanna sé óánægður með þá sem stjórna og það má ekki gera lítið úr því.
Það er sömuleiðis barist á Ólympíuleikunum. Þvílíkt snilldar sjónarspil sem leikarnir eru; holskefla af drama, gleði, tárum og fegurð sem margir frábærustu iþróttamenn heims bera á borð fyrir okkur. Því miður eigum við Íslendingar ekki marga keppendur á leikunum að þessu sinni og vonir um verðlaun eru langsóttar. En á Ólympíuleikum er aðalatriðið að vera með – og þannig er það einmitt.
Ólympíuleikarnir skilja eftir margar fallegar og bjartar minningar sem við áhorfendur tengjum við um aldur og ævi. Þó hefur pólitíkin lengi litað sögu þeirra dekkri litum sem því miður lifa einnig í minningunni.
Fyrsti og kannski mesti sigurvegari Ólympíuleikanna í París, að fyrstu þremur dögunum liðnum, var að öðrum ólöstuðum söngkonan Celine Dion sem heillaði heimsbyggðina með hreint mögnuði flutningi á óði til ástarinnar. Hvernig væri að gefa pólitíkinni örlítið frí og meðtaka fegurð Ólympíuleikanna og mannlífsins?
Óli Arnar Brynjarsson,
ritstjóri
Fleiri fréttir
-
Ungmennaþing SSNV 2024 fer fram 11. september
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 09.09.2024 kl. 15.25Á vef SSNV segir að þann 11. september fer fram ungmennaþing SSNV í Félagsheimilinu á Blönduósi, er þetta annað árið í röð sem þingið er haldið. Ungmennaþingið er hluti af áhersluverkefninu Ungt fólk á Norðurlandi vestra og er markmið þess að skapa vettvang fyrir ungt fólk til að tjá skoðanir sínar og ræða málefni sem brennur á því, valdefla og efla tengslanet þessa hóps. Jafnframt að kynna menningu landshlutans fyrir ungu fólki og fá þeirra sýn inn í samráðsvettvang sóknaráætlunar. Ungmennaþingið á þess vegna þátt í að gefa krökkum á svæðinu rödd og tækifæri til þess að hafa áhrif í landshlutanum, en við ætlum líka að skemmta okkur.Meira -
Það harðnar á dalnum hjá Húnvetningum
feykir.is Austur-Húnavatnssýsla, Íþróttir, Vestur-Húnavatnssýsla 08.09.2024 kl. 22.03Það var spilað á Sjávarborgarvelli á Hvammstanga í dag í 21. umferð 2. deildarinnar í knattspyrnu. Þá tók Kormákur/Hvöt á móti Knattspyrnufélagi Austurlands sem hefur verið í toppbaráttunni í mest allt sumar en var rétt búið að missa af lest þeirra liða sem vilja fylgja liði Selfoss upp í Lengjudeildina. Leikurinn var því kannski ekki mikilvægur fyrir gestina en hann var það sannarlega fyrir lið Húnvetninga sem berst fyrir lífi sínu í deildinni. Það var lið KFA sem hafði betur, vann leikinn 1-3.Meira -
Appelsínugul viðvörun og norðanhvellur í kortunum
feykir.is Skagafjörður, Austur-Húnavatnssýsla, Vestur-Húnavatnssýsla 08.09.2024 kl. 15.49Í tilkynningu frá almannavörnum á Norðurlandi vestra er vakin athygli á slæmri veðurspá fram á seinni hluta þriðjudags. Búið er að gefa út af Veðurstofu að frá og með seinnipartinum á morgun, mánudegi, verði gefin út appelsínugul veðurviðvörun sem að nær langt fram á þriðjudag.Meira -
Allt er gott sem endar vel
feykir.is Skagafjörður 08.09.2024 kl. 15.06Feykir sagði frá því undarlega máli á föstudag að húseigandi við Sæmundargötu á Sauðárkróki næði ekki að afhenda nýjum eiganda húsið þar sem leigjandi hans neitaði að yfirgefa húsið. Nú hefur þetta málið fengið farsælan endi þar sem félagsmálayfirvöld í Skagafirði gripu í taumana og komu manninum fyrir á gistihúsi.Meira -
Íslenskar göngudrottningar taka Kóngaveginn með trompi
feykir.is Skagafjörður, Ljósmyndavefur, Mannlíf, Lokað efni 08.09.2024 kl. 11.40Fyrr í sumar hélt gönguhópur sem kallar sig Föruneyti Írisar í vikuferð til Noregs, með það að markmiði að ganga hluta af gamalli póst-og þjóðleið sem kallast Kongeveien over Filefjellet á tungu þarlendra. Skemmst er frá að segja að ferðin heppnaðist vel og göngu-dagarnir þrír, ásamt dvöl í einstaklega fallegu umhverfi í Lærdal, Aasane og Bergen, heppn-uðust vel. Komu konurnar þrettán sem tóku þátt endurnærðar til síns heima viku síðar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.