Er sjálfsagt að sjúkraliðar hlaupi hraðar?
Síðustu ár hefur álag á sjúkraliða aukist mjög og valdið m.a stoðkerfisvandamálum og auknum veikindum. Vaktir eru undirmannaðar, öll rúm full og því alls ekki samræmi á milli mönnunar og hjúkrunarþyngdar. Það þykir því miður sjálfsagt að sjúkraliðar hlaupi hraðar, en er það sjálfsagt?
Sjúkraliðar hafa barist fyrir því að laun verði í samræmi við menntun, ábyrgð og álag með litlum árangri. Stéttin er gríðarlega mikilvægur hlekkur í starfsemi heilbrigðisstofnana og starfið er þrátt fyrir allt ótrúlega gefandi og skemmtilegt.
Ráðamenn þjóðarinnar átta sig ekki á mikilvægi stéttarinnar sem vinnur með fárveikt fólk og ber ábyrgð á velferð þeirra. Sjúkraliðar eins og aðrir þurfa laun sem duga til að lifa mannsæmandi lífi. Ráðamenn þjóðarinnar geta þurft eins og aðrir á þjónustu okkar að halda og eiga að hafa það í huga að ef slík stétt á að vera til þá er ekki nóg að hampa okkur á hátíðar- og tyllidögum og gleyma okkur svo eins og innantómum kosningaloforðum.
Það virðist vera til nóg af peningum í landinu sem sést best á því að ríkisstjórnin hefur afsalað þjóðinni milljörðum í niðurfellingum á sköttum af vildarvinum sínum og eyða hundruðum milljóna í bíla og aðstoðarmenn ráðherra.
Á sama tíma eru sjúkraliðar hýrudregnir, jafnvel fyrir vaktir sem þeir vinna milli verkfalla vegna rangtúlkunar fjármálaráðuneytisins á félagsdómi.
Það er neyðarbrauð fyrir sjúkraliða að vera í verkfalli því við vitum það best hve illa það bitnar á þeim sem síst eiga það skilið. Við erum fullsödd á hvernig traðkað hefur verið á okkur og berjumst eins og við þurfum og virðingarleysinu í okkar garð verður ekki gleymt í næstu kosningum.
Fyrir hönd Sjúkraliðadeildar Norðurlandsdeildar – vestra
Sigurlaug Dóra Ingimundardóttir varaformaður
Fleiri fréttir
-
Grunnskóli Húnaþings vestra tekur þátt í hæfileikakeppninni Fiðringurinn
feykir.is Austur-Húnavatnssýsla, Vestur-Húnavatnssýsla, Lokað efni 23.04.2025 kl. 09.05Þann 7. maí nk. fer fram hæfileikakeppnin Fiðringurinn á Norðurlandi sem er fyrir nemendur í 8.-10. bekk og er í anda Skrekks í Reykjavík og Skálftans á Suðurlandi. Er þetta í fjórða sinn sem þessi keppni fer fram og verður hún haldin í Hofi á Akureyri. Í ár taka tíu skólar þátt og er Grunnskóli Húnaþings vestra einn af þeim en þetta er í fyrsta skipti sem skólinn tekur þátt og einnig sá eini frá Norðurlandi vestra. Það eru Samtök sveitarfélaga á Norðulandi eystra og Menningarfélag Akureyrar sem styrkja þetta verkefni.Meira -
Styrkir til að fjölga óstaðbundnum opinberum störfum á landsbyggðinni
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.04.2025 kl. 08.32Byggðastofnun auglýsir styrki til að fjölga óstaðbundnum opinberum störfum á landsbyggðinni. Í tilkynningunni segir að aðgerð B.7. á byggðaáætlun hefur það markmið að búsetufrelsi verði eflt með fjölgun atvinnutækifæra og auknum fjölbreytileika starfa á landsbyggðinni. Þannig geta ríkisstofnanir nú sótt um styrki til að fjölga óstaðbundnum opinberum störfum.Meira -
Elís og Hafdís voru fyrst til að ná mynd af lóunni í ár
feykir.is Austur-Húnavatnssýsla, Vestur-Húnavatnssýsla, Lokað efni 22.04.2025 kl. 14.07Sveitarfélagið Skagaströnd efndi til ljósmyndasamkeppni þar sem leikskólabörn og krakkar í 1.-4. bekk í grunnskólanum á Skagaströnd voru hvött til þess leita að fyrstu lóunni og ná af henni mynd. Það er ekki annað að sjá en að lóan sé mætt í allri sinni dýrð á Skagaströnd, segir á heimasíðu sveitarfélagsins.Meira -
Ert þú í Verslunarmannafélagi Skagafjarðar?
feykir.is Skagafjörður, Austur-Húnavatnssýsla, Vestur-Húnavatnssýsla 22.04.2025 kl. 13.45Verslunarmannafélag Skagafjarðar hefur ákveðið að bjóða félagsfólki sínu á leiksýningu Leikfélags Sauðárkróks í Sæluvikunni. Sýndur verður farsinn FLÆKTUR Í NETINU sem er ærslafullur gamanleikur eftir Ray Cooney í leikstjórn Valgeirs Skagfjörð. Frumsýning verður sunnudaginn 27. apríl kl. 20:00 og er listi yfir félagsfólk Verslunarmannafélagsins í miðasölunni. Þeir sem ætla að nýta sér boðsmiðann þurfa að kaupa miða inni á tix.is en þegar þeir mæta á sýninguna þurfa þeir að tilkynna sig í miðasölunni og láta haka við sig. Stjórn Verslunarmannafélagsins verður svo í sambandi við þá aðila sem nýttu sér miðann til að endurgreiða miðakaupin.Meira -
Diskósúpa í Hlöðunni á Stórhóli
feykir.is Skagafjörður 22.04.2025 kl. 13.35Næstkomandi laugardag 26. apríl verður Diskósúpa í Hlöðunni á Stórhól í Skagafirði frá klukkan 12-15.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.