Betra samband og bættar samgöngur á Vatnsnesi :: Áskorandinn Eygló Hrund Guðmundsdóttir Vatnsnesi
Þegar ég var lítil hefði mér sennilega aldrei dottið í hug að ég myndi búa í sveit þegar ég yrði stór. Í dag er ég búsett á Ásbjarnarstöðum á Vatnsnesi og er ásamt Guðmundi kærasta mínum að byggja íbúðarhús. Við höfum verið mjög lánsöm með alla hjálp við bygginguna og það er gaman að fylgjast með framtíðarheimilinu verða að veruleika.
Þegar ég kom hingað fyrst var notast við ADSL nettengingu og heimasíminn tengdur í koparlínu. Síðan þá hefur margt breyst og í dag erum við komin með ljósleiðara. Einnig stendur til árið 2024 að Rarik leggi þriggja fasa rafmagn hingað sem verður til mikilla bóta. Það sem háir okkur hérna á utanverðu Vatnsnesi er hins vegar farsímasamband. Hér í dalnum er mjög stopult símasamband sem hefur sína kosti og galla. Kostur að síminn hringir ekki og eiginlega einungis þeir sem þekkja þig kunna að ná á þig í síma. Eins og það getur verið kostur að vera ekki að fá óþarfa símtöl að þá er líka ókostur að fólk nái ekki á mann þegar þess þarf. Það sem er verst við þetta stopula símasamband er öryggisleysið hér í dalnum eins og t.d. við smalamennskur og skólaakstur.
Síðustu fjóra vetur höfum við séð um skólaakstur á vestanverðu Vatnsnesi. Ein af ástæðunum fyrir því að við buðum í þessa leið var að við búum næstum því á byrjunarreit, fyrsta stopp er á næsta bæ. Húnaþing vestra býður einnig upp á skólaakstur fyrir elstu tvo árgangana í leikskólanum ef pláss er í bílunum. Við höfum góða reynslu af því að aka leikskólabörnum og sveitarfélagið á hrós skilið fyrir þetta fyrirkomulag. Skólaakstur er frekar bindandi starf, getur verið krefjandi en að sama skapi finnst mér það mjög gefandi.
Ég er ein af þeim sem leyfi mér að dreyma um betri veg um Vatnsnesið og að hann Magnús Örn okkar, sem er á þriðja ári, fái ferðast á vegi með bundnu slitlagi mestan hluta leiðarinnar í skólann.
Ég skora á Ragnheiði Sjöfn Jóhannsdóttur að koma með pistil í Feyki.
Áður birst í 9. tbl. Feykis 2023
Fleiri fréttir
-
Samfylkingin og ég ... | Bryndís Kristín Williams Þráinsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 20.07Ég trúi því að Samfylkingin sé með gott plan og ætli að fylgja því eftir komist hún í ríkisstjórn. Samfylkingin sem slík gerir þó ekki marga hluti, heldur fólkið sem hefur ákveðið að starfa undir hennar hatti. Þessi hópur, undir forystu Kristrúnar Frostadóttur, hefur sett sér markmið um ýmsa málaflokka sem sjá má á heimasíðu flokksins. Skoðum örfá alvöru dæmi.Meira -
Jólatvenna í Lýtó á laugardegi
feykir.is Skagafjörður, Listir og menning, Lokað efni 22.11.2024 kl. 19.26Það verður jólastemning í Lýtó á morgun, laugardag 23. nóvember, en þá stendur Sigrún á Stólhóli fyrir Jólamarkaði Rúnalistar í Hlöðunni og Rúnalist Gallerí. Opið verður frá 13-17 og sama dag verið Kaffihúsið Starrastöðum opið frá 14-18. Þessu má enginn missa af enda alltaf gaman að renna fram í Lýtó.Meira -
Þráði að verða ballettdansari
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 18.16Guðmundur Hrafn Arngrímsson er 51 árs, faðir fimm barna á aldrinum 6-26 ára. Er frá Seljanesi við Ingólfsfjörð og ólst upp í Bolungarvík. Guðmundur er oddviti Sósíalista í Norðvestur kjördæmi. Guðmundur hefur haldið heimili í Reykjavík og búið þar að mestu leyti frá því hann flutti heim úr námi árið 2007. Síðustu 15 árin hefur hann starfað við landslagshönnun, torf- og grjóthleðslur og fræðslu og kennslu í útinámi, samhliða því hef hann undanfarin þrjú ár verið for-maður Leigjendasamtakana.Meira -
Miðflokkurinn opnar kosningaskrifstofu á Sauðárkróki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 15.49Miðflokkurinn opnar kosningaskrifstofu á Mælifelli ,Aðalgötu 7 Sauðarkroki, laugardaginn 23. nóvember kl. 20.00. Allir eru velkomnir.Meira -
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.