Ágæti kjósandi
Komandi sveitarstjórnarkosningar munu ráða því hverjir fara með þau málefni sem standa íbúum Skagafjarðar hvað næst í daglegu lífi og umhverfi. Sveitarstjórnir á Íslandi fara í ríkari mæli með þá heildarfjármuni sem eru okkar sameiginlegu sjóðir vegna þeirra fjölda verkefna sem ríkisvaldið hefur og vill færa yfir á sveitarfélögin. Sú ábyrgð sem færist á kjörna sveitarstjórnarfulltrúa fer því vaxandi. Þetta verður að hafa í huga kjósandi góður þegar þú velur hvort, eða hverja þú ætlar að kjósa á kjördag.
Við Skagfirðingar erum það lánsöm að búa yfir ríkulegum landgæðum og miklum mannauði í okkar sveitarfélagi. Það dylst hins vegar engum að fjárhagsstaða sveitarfélagsins er orðin mjög alvarleg. Skuldastaðan nálgast óðum þau þolmörk, sem rekstur sveitarfélagsins getur staðið undir. Það er dapurlegt að núverandi meirihluta í sveitarstjórn skuli hafa mistekist að nota góðærið á fyrri hluta kjörtímabilsins til þess að rétta af stöðu sveitarsjóðs í stað þess að safna sífellt meiri skuldum. Í raun er ekkert í þeim áætlunum sem lagðar hafa verið fram af þessum meirihluta, að snúa af þeirri braut. Þetta blasir við nú í umræðunni í aðdraganda sveitarstjórnarkosninganna og Skagfirðingar hafa vaxandi áhyggjur af þessari þróun. Lausn á fjárhagsstöðu sveitarfélagsins verður helsta verkefni næstu sveitarstjórnar.
Sjálfstæðisflokkurinn mun leggja ríka áherslu á það í næstu sveitarstjórn, að aðhalds verði gætt í rekstri sveitarfélagsins á sama tíma og allra leiða verður leitað til að auka tekjur með fjölgun starfa og eflingu atvinnulífs. Þetta kann að hljóma kunnuglega en staðreyndin er sú, að þetta eru þær lausnir sem eru í boði. Þær munu duga okkur ef skynsamlega er á málum haldið. Núverandi meirihluti sveitarstjórnar hefur sannað, að fyrirlestrar um atvinnuþróun og samræðustjórnmál leysa ekki vandamál morgundagsins.
Sjálfstæðisflokkurinn býður hins vegar fram kraftmikinn lista fyrir þessar kosningar, lista sem skipaður er fólki með reynslu úr mennta- og atvinnulífi okkar héraðs. Við höfum þekkingu á framkvæmdum, rekstri fyrirtækja og meðferð opinbers fjár. Þá þekkingu og krafta okkar viljum við bjóða fram til þess að vinna á tímabundnum erfiðleikum í rekstri sveitarfélagsins. Kjósandi góður, treystu okkur í Sjálfstæðisflokknum og við munum vinna saman að byggingu betra samfélags til framtíðar.
Jón Magnússon,
skipar 1. sæti á lista Sjálfstæðisflokksins í Skagafirði
Fleiri fréttir
-
Uppselt á tónleikana
feykir.is Skagafjörður, Austur-Húnavatnssýsla, Vestur-Húnavatnssýsla 24.04.2025 kl. 17.55Þann 23. október sl. hefði Stefán R. Gíslason tónlistarkennari, kórstjóri og organisti í Varmahlíð orðið sjötugur. Þann sama dag sagði sr. Gísli Gunnarsson á Hólum frá því á Facebook síðu sinni að hann hefði ákveðið, í samráði við fjölskyldu Stefáns, að stofna minningarsjóð í hans nafni. Minnigartónleikar verða haldnir í kvöld í fjáröflunarskyni fyrir sjóðinn og uppselt er á tónleikana.Meira -
„Jakkaföt, vesti og slaufa og að sjálfsögðu var maður með strípur“
feykir.is Skagafjörður, Vestur-Húnavatnssýsla, Mannlíf, Lokað efni 24.04.2025 kl. 15.13Ragnar Smári Helgason ólst upp í Dalatúninu á Króknum og Hamri í Hegranesi en býr í Lindarbergi á Hvammstangi í Vestur-Húnavatnsýslu ásamt Kolbrúnu konu sinni og þremur börnum. Ragnar Smári vinnur hjá Vinnumálastofnun/Fæðingarorlofs-sjóði á Hvammstanga. Hann sagði Feyki örlítið frá þessum degi í lífi hans.Meira -
Fermist í hvítum blúndukjól og Jordans skóm
feykir.is Austur-Húnavatnssýsla, Lokað efni 24.04.2025 kl. 13.00Arney Nadía Hrannarsdóttir býr á Skagaströnd og foreldrar hennar eru Alexandra Ósk Guðbjargardóttir og Hrannar Baldvinsson. Sr. Guðni Þór Ólafsson sér umferminguna sem verður í Hólaneskirkju þann 8. júní.Meira -
Myndi bjóða LeBron James í veisluna
feykir.is Skagafjörður, Lokað efni 24.04.2025 kl. 09.00Jón Karl Brynjarsson verður fermdur af sr. Höllu Rut Stefánsdóttur þann 24. apríl í Reynistaðarkirkju. Foreldrar Jóns Karls eru Brynjar Sindri Sigurðarson og Guðrún Helga Jónsdóttir í Miðhúsum í Akrahreppi.Meira -
Gleðilegt sumar!
feykir.is Skagafjörður, Austur-Húnavatnssýsla, Vestur-Húnavatnssýsla 24.04.2025 kl. 08.00Sumardagurinn fyrsti er í dag og óskar Feykir lesendum gleðilegs sumars. Þessi fallegi dagur virðist ætla að bjóða upp á ágætis veður, hitinn á Norðurlandi vestra víðast hvar milli 6-7 stig, hæg breytileg átt og bjartviðri, samkvæmt spá Veðurstofunnar. Það er því ekkert því til fyrirstöðu en að fagna komu sumars með því að stökkva í stuttbuxur eða hvað, kannski þeir allra hörðustu, og kíkja á þá viðburði sem eru á dagskrá sem eru reyndar ekki margir en nokkrir þó.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.