A-Húnavatnssýsla

Ó þú jörð, sem er yndi þúsunda, blessuð jörð sem ber blómstafi grunda sárt er að þú sekkur undir mér. Hef ég mér frá þér hér og hníg til þín aftur, mold sem mannsins er magngjafi skaptur sárt er að þú sekkur undir mér (Jónas Hallgrímsson, 1844)

Í kjölfar nýlegrar endurskoðunar á framtíðarsýn Háskólans á Hólum og stefnumótun fyrir árin 2021-2025 hafa verið ráðnir tveir nýir sviðsstjórar sem taka munu sæti í framkvæmdaráði skólans. Báðar stöðurnar eru nýjar í skipuriti skólans og munu vinna sérstaklega með framtíðarsýn hans um að vera þekkt sem framúrskarandi fjölþjóðlegt lærdómssamfélag, eftir því sem fram kemur á Holar.is. Þar kemur ennfremur fram að sviðsstjórunum sé einnig ætlað að styrkja innra starf skólans og tengsl við atvinnulíf og samfélag.

Meðalhraðaeftirlit á tveimur vegarköflum verður gangsett á morgun, 16. nóvember 2021 kl. 12:00. Í fyrsta sinn á Íslandi verður sú aðferð notuð að reikna út meðalhraða bifreiða á milli tveggja punkta á sjálfvirkan hátt. Í tilkynningu frá Vegagerðinni segir að rannsóknir sýni að sjálfvirkt hraðaeftirlit virki vel til að halda niðri umferðarhraða og fækka slysum. Þar á bæ er vonast til að hægt verði að fjölga meðalhraðaköflum á næstu misserum.

Samkvæmt lögum nr. 113/1990, um tryggingagjald er gjaldinu ætlað að fjármagna ákveðna þætti sem eiga það að mestu sammerkt að verja fyrir tekjufalli vinnandi fólk og þá sem fallið hafa út af vinnumarkaði vegna óvinnufærni. Undir þetta falla til dæmis starfsendurhæfingarsjóðir, Atvinnuleysistryggingasjóður, Fæðingarorlofssjóður, TR og fleira, auk framlags til lífeyrissjóða til að jafna örorkubyrði.

Markaðsstofa Norðurlands var tilnefnd til Nýsköpunarverðlauna ferðaþjónustunnar í ár, en verðlaunin voru veitt við hátíðlega athöfn á Bessastöðum í fyrradag. Tilnefninguna hlaut MN vegna Norðurstrandarleiðar – Arctic Coast Way, sem opnaði við hátíðlega athöfn árið 2019 og hefur orðið að stórum segli í ferðaþjónustu á Norðurlandi.

Út er komin bókin, Markús. Á flótta í 40 ár. Öðruvísi Íslandssaga, eftir sagnfræðinginn Jón Hjaltason. Markús þessi var Ívarsson, Eyfirðingur og nokkuð fyrir heiminn eða hvað á að segja um mann sem átti fimmtán börn með átta konum? Og til að bæta gráu ofan á svart komst hann upp á kant við lögin, sat þrjú ár í betrunarhúsi í Kaupmannahöfn og gerðist seinna flóttamaður, sá seigasti í því fagi sem Ísland hefur átt. Markús andaðist 1923 og hafði þá verið eftirlýstur síðan hann strauk úr tukthúsi á Akureyri árið 1881.

Haustdagur ferðaþjónustunnar á Norðurlandi vestra var haldinn miðvikudaginn 10. nóvember og fór fram á Zoom. Á vef SSNV segir að þetta hafi verið í sjötta sinn sem dagurinn er haldinn og voru netgestir um 40 talsins. Flutt voru fimm áhugaverð erindi sem öll tæptu á efni tengdu greininni í ljósi núverandi stöðu og framtíðarhorfa að því leyti sem hægt er að ráða í þær.

Foreldrafélag Barnabæjar gaf leikskólanum Barnabæ alls 220 segulkubba nú á dögunum. Í frétt á vef Blönduósbæjar segir að um sé að ræða Magna Tiles kubba sem eru mjög vinsælir hjá 3ja ára og eldri en segulkubbarnir eru tilvaldir til að efla sköpunargáfu barnanna, vísindi, tilraunir, stærðfræði og fleira.

Húnahornið segir frá því að nýlega var undirritaður samningur milli Ámundakinnar ehf. og Trésmiðjunnar Stíganda ehf. um kaup Stíganda á húsinu að Húnabraut 29 á Blönduósi. Viðskiptin eiga sér nokkurn aðdraganda og eru hugsuð til að treysta rekstrargrundvöll fyrirtækisins enn betur. Rekstur Stíganda flest undanfarin ár hefur skilað jákvæðri niðurstöðu og er verkefnastaðan góð um þessar mundir og horfur eru á að svo verði áfram næstu misserin.

Enn förum við halloka í baráttunni við vágestinn Covid-19 og í morgun ákvað ríkisstjórnin, í samráði við sóttvarnaryfirvöld, að herða þyrfti enn frekar á samkomutakmörkunum. Frá og með miðnætti verða almennar fjöldatakmarkanir miðaðar við 50 manns en með notkun hraðprófa verður heimilt að efna til viðburða með að hámarki 500 manns í sóttvarnahólfi.