Fór huldu höfði í skjóli bænda í Skagafirði :: Á flótta í 40 ár. Öðruvísi Íslandssaga
Út er komin bókin, Markús. Á flótta í 40 ár. Öðruvísi Íslandssaga, eftir sagnfræðinginn Jón Hjaltason. Markús þessi var Ívarsson, Eyfirðingur og nokkuð fyrir heiminn eða hvað á að segja um mann sem átti fimmtán börn með átta konum? Og til að bæta gráu ofan á svart komst hann upp á kant við lögin, sat þrjú ár í betrunarhúsi í Kaupmannahöfn og gerðist seinna flóttamaður, sá seigasti í því fagi sem Ísland hefur átt. Markús andaðist 1923 og hafði þá verið eftirlýstur síðan hann strauk úr tukthúsi á Akureyri árið 1881.
Það vakti forvitni Feykis að Skagafjörður tengist sögu Markúsar og því var höfundurinn, Jón Hjaltason, fenginn í örstutt spjall.
„Jú, það má kalla þetta spennusögu öðrum þræði en jafnframt gríp ég hvert tækifæri til að lýsa samfélaginu sem Markús þreifst í. Og þá ekki síst því er sneri að barneignum, hórdómi, legorði og faðernisprófi 19. aldar – sem var býsna magnað.“
Jón Hjaltason, sagnfræðingur og rithöfundur.
Jón segir prófast Skagfirðinga, séra Jón Hallsson, koma aðeins við þá sögu þar sem ein barnsmæðra Markúsar, Guðbjörg Sigurðardóttir, hafi verið um langt árabil ljósmóðir í Skagafirði en yfirvöld í Eyjafirði reyndu að kúga Skagfirðinga til að greiða meðlag með barninu.
„Ég segi sem betur fer því að tilraunin varpar fróðlegu ljósi á samfélag 19. aldar. Raunar kemst Skagafjörður, svo ég nefni það nú sérstaklega, oftar í brennidepil frásagnarinnar en Markús flýði hingað og fór huldu höfði í skjóli bænda. Af því er allmikil saga, fyrst þegar hann var handsamaður og síðar þegar hann, flóttamaðurinn, kom öðru sinni og enn tóku skagfirskir bændur við honum og földu, jafnvel vetrarlangt.“
En hvað varð þá um Markús, leikur okkur forvitni á að vita.
„Úr Skagafirði hvarf hann suður á land og það þrátt fyrir að sýslumaðurinn í Eyjafirði hafði þá sent hingað menn til að handsama hann. Og það á eigin kostnað en sýslumaður óttaðist embættismissi vegna flótta Markúsar. Allt kom þó fyrir ekki, Markús komst aldrei aftur undir mannahendur en endaði ævina á Litla-Hrauni á Snæfellsnesi og hafði þá verið eftirlýstur í tæp 40 ár.“
Fleiri fréttir
-
Flokkur fólksins vill efla byggð um land allt! | Lilja Rafney Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 18.08Það er sameiginlegur hagur allra landsmanna að halda landinu öllu í byggð svo það gangi upp verður að tryggja aðgang íbúa að fjölbreyttri grunnþjónustu óháð búsetu og efnahaga. Það verður að tryggja að allir landsmenn sitji við sama borð og hafi jöfn tækifæri. Það er grundvöllur þess að öflugt og fjölbreytt atvinnulífi sé til staðar á landsbyggðunum og að fólk velji sér þar framtíðar búsetu.Meira -
Hefur Sjálfstæðisflokkurinn hækkað eða lækkað skatta? | Kristófer Már Maronsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 15.51Sjálfstæðisflokkurinn hefur verið í ríkisstjórn frá árinu 2013 og lagt áherslu á að lækka skatta og styrkja velferðarkerfið. Þó eru til stjórnmálamenn sem reyna að halda öðru fram.Meira -
Áfram Hvöt!
feykir.is Austur-Húnavatnssýsla, Íþróttir, Mannlíf, Lokað efni 27.11.2024 kl. 14.50Afmælishátíð Ungmennafélagsins Hvatar, sem haldin var í Íþróttamiðstöðinni á Blönduósi, gekk vonum framar. Skaut formaður félagsins, Grímur Rúnar Lárusson, að um 250-300 manns hafi mætt á fyrri skemmtunina sem var stíluð inn á yngri kynslóðina og svo 90-100 manns á formlegu dagskránni seinni partinn.Meira -
Ilze tekur sæti Mélissu hjá Stólastúlkum
feykir.is Skagafjörður, Íþróttir, Lokað efni 27.11.2024 kl. 13.52Ákveðið hefur verið að gera breytingar á leikmannahópi kvennaliðs Tindastóls. Í fréttatilkynningu frá körfuknattleiksdeild Tindastóls segir að Melissa Diawkana hafi kvatt liðið og í hennar stað hafi verið samið við hina lettnesku Ilze Jakobsone. Ilze er mætt til landsins og verður klár fyrir næsta leik.Meira -
Niðurgreiðum raforku til grænmetisræktar | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 13.17Ísland er eyja í norður Atlantshafi. Sú staðsetning gerir það að verkum að þegar kemur að grænmeti þá höfum við tvo valkosti í boði. Við getum annaðhvort flutt það inn með skipum eða flugi, og borgað mikla álagningu fyrir vöru sem er ekki fersk, eða nýtt okkar grænu orku og hreina vatn til að rækta fyrsta flokks grænmeti á Íslandi.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.