Umsjónarmaður með Málmey í Skagafirði
Páll Magnússon hefur látið af störfum sem umsjónarmaður með Málmey. Skagafjörður auglýsir því eftir umsjónarmanni með Málmey á Skagafirði. Málmey er stærsta eyjan á Skagafirði, um 160 ha að stærð. Hún er fremur láglend en hækkar til norðurs. Sunnanvert er eyjan úr móbergi en norðurhlutinn er hraundyngja. Náttúrufræðistofnun Íslands hefur lagt til að Málmey verði sett á framkvæmdaáætlun (B-hluta) náttúruminjaskrár, sbr. 33. gr. laga um náttúruvernd. Útbreiðsla hvannar er mikil í eyjunni. Mikilvæg sjófuglabyggð er á Málmey og þar kæpa um 90% af útselum Norðvesturlands og um 6,5% af heildarstofninum.
Núverandi viti í Málmey var byggður árið 1937 en vitinn er í eigu og umsjón Vegagerðarinnar. Talsverðar minjar eru í Málmey og eru þær m.a. skráðar í byggðasögurannsókn sem unnin var á vegum Byggðasafns Skagfirðinga frá árinu 2013.
Umsjónarmaður með eyjunni skal fylgjast með og standa vörð um fuglalíf Málmeyjar og öðru náttúrufari eyjarinnar. Veiðar í eyjunni skulu aðeins heimilar í samræmi við gildandi lög og reglugerðir hverju sinni og eingöngu leyfðar undir ströngu eftirliti umsjónarmanns þar sem tekið verður tillit til náttúrusjónarmiða umfram annað. Umsjónarmaður skal leitast við að gefa ferðafólki kost á að komast til eyjarinnar og njóta þar friðsældar og fylgjast með fuglalífi og öðru náttúrufari. Umsjónarmaður skal hafa eftirlit með öllum ferðum í Málmey. Umsjónarmaður skal hafa eftirlit með að umgengni um minjar eyjarinnar sé góð og að þeim stafi ekki hætta af átroðningi af manna völdum.
Það gjald sem umsjónarmaður fær fyrir að hafa umsjón með Málmey er að nýta þau hlunnindi sem eyjan gefur af sér.
Nánari upplýsingar veitir Sigfús Ingi Sigfússon sveitarstjóri í síma 455-6000 eða á netfangið sigfus@skagafjordur.is.
Fleiri fréttir
-
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.