Slökkvilið Skagastrandar breyttist úr áhugamannaliði í hlutastarfandi
„Nú þegar árið 2022 er senn á enda er ekki úr vegi að líta um öxl og fara stuttlega yfir starf slökkviliðs Skagastrandar á árinu,“ segir í færslu Slökkviliðs Skagastrandar á Facebookaíðu þess en liðið samanstendur af fimmtán einstaklingum. Endurnýjun mannskaps hefur átt sér stað á undanförnu ári og fyrsta konan gekk í raðir slökkviliðsmanna.
„Töluverð endurnýjun mannskaps hefur átt sér stað á undanförnu ári, menn hafa hætt sökum aldurs og annarra ástæðna og langar mig að nota þetta tækifæri til að þakka þeim kærlega fyrir sitt starf í þágu liðsins. Sumir hafa verið á útkallsskrá í yfir 40 ár og eiga allir þessir kappar hrós skilið. Einnig er vert að minnast á að fyrsta konan gekk í okkar raðir í langan tíma og verður hún vonandi ekki sú síðasta.
Breytingar hafa orðið á þeirri línu sem minni slökkvilið eiga að starfa eftir. Það sem áður voru svokölluð áhugamannalið eru nú í dag slökkvilið með hlutastarfandi mannskap og skal helst eitt yfir alla ganga hvað varðar æfingar, menntun og líkamlegt heilbrigði. Því hefur verið tekið þétt á málunum hvað þetta varðar og nú í vetur útskrifuðust t.d 5 einstaklingar úr 120 klst námi sem hlutastarfandi slökkviliðsmenn. Auk þess var nokkuð um að menn ættu eftir hluta námskeiða sem reynt var að klára eftir fremsta megni. Einnig sat slökkviliðsstjóri námskeið í Stjórnun slökkviliða, Þjálfunarstjóranámskeið og námskeið sem eldvarnareftirlitsmaður.
Verkefni liðsins hafa verið fjölbreytt á árinu. Ráðist var í að mæla rennsli og þrýsting allra brunahana á Skagaströnd, froðurennibraut, skrúðganga og forvarnaverkefnið Logi og Glóð settu meðal annars svip sinn á árið ásamt mörgu fleira,“ segir í færslunni en í lokin er fólk hvatt til að fara varlega með eld og flugelda.
„Að lokum langar mig að minna á eldurinn getur verið bæði blessun og böl, farið því varlega um áramótin og munum að nota hlífðargleraugu og hanska við meðhöndlun flugelda. Slökkvilið Skagastrandar óskar öllum gleðilegra jóla og farsæls nýs árs.“
Myndir frá starfsemi Slökkviliðsins og fylgdu áramótapistli þess má finna á Facebooksíðu HÉR
Fleiri fréttir
-
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira -
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira -
Björgunarsveitin Strönd aðstoðaði fasta ökumenn á Þverárfjalli
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 09.02Seint í gærkvöldi var björgunarsveitin Strönd á Skagaströnd kölluð út vegna sex bíla sem sátu fastir í snjó á Þverárfjalli. Í tilkynningu frá Landsbjörg segir að björgunarsveitarfólk hafi farið úr húsi rétt um hálf tólf og var búið að losa alla bíla um 50 mínútum síðar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.