Skagaströnd fékk flest stig á félagssvæði Kjalar
Kjölur stéttarfélag stóð ásamt níu öðrum bæjarstarfsmannafélögum að gerð könnunarinnar Sveitarfélag ársins síðastliðið vor en spurningar í könnuninni voru lagðar fyrir félagsfólk stéttarfélaganna í strörfum hjá sveitarfélögum. Könnunin var gerð í samstarfi við Gallup og byggð upp með hliðstæðum hætti og útnefningar fyrirtækis ársins og stofnunar ársins byggja á. Á starfssvæði Kjalar ríkti mest ánægja meðal starfsmanna Skagastrandar en minnst í Skagafirði.
Raunar komust aðeins 15 sveitarfélög á lista en samkvæmt þátttökuskilyrðum könnunarinnar þurfti svarhlutfall að vera að lágmarki 35% af útsendum spurningalistum til að sveitarfélag næði inn á stigalista. Auk þess þurftu tíu svör að lágmarki að berast frá félagsmönnum sem eru starfandi í sveitarfélaginu.
Þeir níu þættir sem könnunin náði til voru stjórnun, starfsandi, launakjör, vinnuskilyrði, sveigjanleiki vinnu, sjálfstæði í starfi, ímynd stofnunar, ánægja og stolt og jafnfrétti. Sveitarfélögin á félagssvæði Kjalar stéttarfélags raðast þannig að Skagaströnd varð í 7. sæti með 4.037 stig, þá kom Akureyrarbæjar í 8. sæti og Dalvíkurbyggð í 9. sæti. Ísafjarðarbær varð í 11. sæti og Borgarbyggð í 12. sæti. Loks varð Skagafjörður í 14. sæti með 3.758 stig. Stigafjöldi í könnuninni var að meðaltali 3.982.
Í frétt á vef Skagastrandar er bent á að Skagaströnd var eina sveitarfélagið af þessum sex sem var yfir meðaltali í heildareinkunn. Hæsta einkunn fékk sveitarfélagið hjá starfsmönnum sínum fyrir sveigjanleika í starfi og var það raunar hæsta einkunnin í þeim flokki hjá öllum sveitarfélögunum.
„Almennt má segja að þessi frumraun í gerð könnunarinnar Sveitarfélag ársins sýni jákvætt viðhorf félagsfólks í störfum hjá sveitarfélögunum. Áberandi óánægja er þó með launin og er áhugavert að sjá hversu miklu munar á mati starfsfólks sveitarfélaganna á launakjörum og þeirra sem starfa á almennum markaði. Þá er áberandi hve illa leikskólarnir koma út í mati á launakjörum miðað við aðra starfsemi,“ segir í lokaorðum skýrslunnar þar sem niðurstaða könnunarinnar er kynnt en skýrsluna má sjá hér >
Grímsnes- og Grafningshreppur fékk flest stig í könnuninni, eða 4346 stig, og telst því Sveitarfélag ársins. Útnefning sveitarfélags ársins verður hér eftir árleg.
Heimild: Skagaströnd.is og Sveitarfelagarsins.is
Fleiri fréttir
-
Jólatónleikar Tónlistarskóla Austur-Húnvetninga
feykir.is Austur-Húnavatnssýsla, Listir og menning, Lokað efni 26.11.2024 kl. 16.07Tónlistarskóli Austur-Húnvetninga heldur sína árlegu jólatónleika í desember. Um er að ræða þrenna tónleika sem fara fram í Blönduóskirkju og Hólaneskirkju.Meira -
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira -
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.