Samsett fiskileður í þróun
Nýsköpunarfyrirtækið AMC fékk nýverið tveggja ára Sprota styrk frá Rannís upp á samtals 20 milljónir til að þróa fyrsta samsetta fiskileðrið á Íslandi. Fyrirtækið er í eigu ungs frumkvöðlapars á Norðurlandi Maríu Dísar Ólafsdóttur, lífverkfræðings, og Leonard Jóhannssonar, vélfræðings. Áður hafði verkefnið fengið FRÆ styrk Rannís og vann titilinn Norðansprotinn í hugmyndasamkeppni síðastliðið vor.
Í framhaldi af keppninni tók teymið þátt í hraðlinum Vaxtarrými sem lauk fyrir skemmstu og er á vegum SSNE, SSNV, RATA og Eims. Að sögn Maríu Dísar fékk verkefnið nýverið endanlegt nafn og ber heitið Nanna Lín.
„Vinna hófst síðastliðið vor þó hugmyndin sé ári eldri. Nanna Lín er leður gert úr afgangs roði og mun lokaafurðin vera sterkt og gott leður í metravís. Með því að nýta hliðarafurðir til leðurgerðar má t.d. leysa ýmis gervi textílefni af hólmi og draga með því úr mengun og losun vegna þeirra,“ segir hún en varan er t.a.m. ætluð húsgagnaframleiðendum, bólstrurum og öðrum hönnuðum sem vinna með textíl.
„Þetta er mjög stórt og spennandi verkefni sem við eigum fyrir höndum. Með því að bjóða upp á stóra fleti af leðri má ná mun betri nýtni í framleiðslu á vörum, samanborið við leður sútað með hefðbundnum hætti,“ útskýrir María.
Þessa dagana er teymið að koma nýrri heimasíðu í loftið og láta endurteikna lógó og segir María að jólunum verði eytt í rólegheitunum, en svo fari allt á fullt eftir áramót.
„Ég hef alltaf haft óendanlegan áhuga á hliðarafurðum og því púsli sem því fylgir. Fyrir mér er þetta eitthvað sem þarf að gera, og þarf að fullreyna. Við höfum fengið mikinn stuðning og fólk er almennt mjög spennt fyrir verkefninu,“ segir María sem einmitt tók að sér þriggja mánaða verkefni hjá SSNV sumarið 2021. Var það í tengslum við glatvarmann frá gagnaverinu á Blönduósi og nýtingarmöguleika þeirrar hliðarafurðar og segir María það verkefni og það sem hún fæst við núna eiga það sameiginlegt að nýta hliðarafurðir eða kanna möguleika þeirra.
Aðspurð um sérstöðu sútunarinnar segir María hana liggja í því að Nanna Lín verður samsett eða endurmótað í stærri fleti en venja er og þess vegna er talað um metravís. Sú endurmótun fer fram áður en leðrið er sútað. „Að ná leðri í stærri fleti eykur nýtnina þegar verið er að framleiða varning úr því en það er einnig hægt að nýta afskurð til að búa til leðrið. Því er nýtingin á hráefnum aukin bæði í framleiðslu og áframhaldandi vinnslu. Það er mikil nýsköpun í verkefninu og sjáum við fram á að gera mjög mjög margar tilraunir.“
Fleiri fréttir
-
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira -
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira -
Björgunarsveitin Strönd aðstoðaði fasta ökumenn á Þverárfjalli
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 09.02Seint í gærkvöldi var björgunarsveitin Strönd á Skagaströnd kölluð út vegna sex bíla sem sátu fastir í snjó á Þverárfjalli. Í tilkynningu frá Landsbjörg segir að björgunarsveitarfólk hafi farið úr húsi rétt um hálf tólf og var búið að losa alla bíla um 50 mínútum síðar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.