Reynir og Bjarni Gaukur menn ársins að mati Valla
Sá sem gerir upp árið 2022 að þessu sinni lenti í þeim hremmingum að þurfa að breyta um nafn á Facebook og geri aðrir betur. Hér erum við að sjálfsögðu að tala um bjartsýnismanninn Valdimar Guðmannsson, áður Valla Blönduósing en nú Valla Húnabyggð, en sennilega er enginn jafn duglegur að hampa því góða sem gert hefur verið við Blöndubakka og næsta nágrenni.
Hver er maður ársins? Þeir eru tveir í mínum huga; Reynir Grétarsson og Bjarni Gaukur Sigurðsson. Þeir eru burtfluttir heimamenn og eru búnir að fjárfesta í Hótel Blöndu og fleiri húsum í gamla bænum og stefna á að endurbygga sem mest í upphaflegu útliti í góðu samstarfi við fleiri aðila, Sem sagt; við erum komin með alvöru fjáfesta sem okkur hefur lengi vantað.
Hver var uppgötvun ársins? Fyrir suma virtist það koma á óvart að það væri flugvöllur í Reykjavík en það varð til þess að flogið var frá Keflavík til Reykjavíkur og aftur til baka þegar Reykjanesbrautin var lokuð.
Hvað var lag ársins? Húnabyggð eftir Guðmann Hjálmarsson. Lít á þetta lag sem héraðssöng hjá okkar frábæra nýja sveitarfélag, i Húnabyggð.
Hvað var broslegast á árinu? Brosi oft að stjórnarandstöðunni og hef gert í rúm fimm ár.
Hvers er eftirminnilegast frá árinu 2022 – eða best? Sameining Húnavatnshrepps og Blönduós er bæði eftirminnilegast og best á árinu 2022.
Varp ársins? Rás 2.
Hverju viltu skella á brennuna og hvers vegna? Svona 50% af því sem er í garðhúsinu svo ég geti fundið það sem vantar.
Hvað viltu sjá gerast árið 2023? Fólksfjölgun og mikla uppbyggingu í Húnabyggð, Skagabyggð, Skagaströnd og Húnaþingi vestra.
Fleiri fréttir
-
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira -
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira -
Björgunarsveitin Strönd aðstoðaði fasta ökumenn á Þverárfjalli
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 09.02Seint í gærkvöldi var björgunarsveitin Strönd á Skagaströnd kölluð út vegna sex bíla sem sátu fastir í snjó á Þverárfjalli. Í tilkynningu frá Landsbjörg segir að björgunarsveitarfólk hafi farið úr húsi rétt um hálf tólf og var búið að losa alla bíla um 50 mínútum síðar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.