Nafn óskast á nýjan grunnskóla Húnabyggðar
Á Facebooksíðunni Grunnskóli Húnabyggðar er því velt upp að bráðnauðsynlegt sé að nafn komi á nýjan grunnskóla sem fyrst en hann varð til með sameiningu Blönduskóla og Húnavallaskóla með nýju sveitarfélagi Húnabyggðar í vor. Eins og er gengur skólinn undir vinnuheitinu Grunnskóli Húnabyggðar enda eini grunnskóli Húnabyggðar. Fram kemur að á fyrsta fundi skólaráðs nú í lok september hafi verið ákveðið vinnuferli varðandi nafngiftina og mun það vera fyrst á dagskrá að kalla eftir tillögum.
„Verkefnið verður kynnt í öllum námshópum skólans, starfsfólk og foreldrar fá póst um verkefnið og frétt sett á Húnahornið og á Facebook. Hugmyndum skal skila inn með tölvupósti á netfangið blonduskoli@blonduskoli.is og skal pósturinn heita „Nafn á skólann“, en einnig er hægt að koma í skólann og setja miða með tillögu að nafni í þar til gerðan kassa sem er hjá ritara sem er staðsettur í Nýja skóla. Loka skil á nafnahugmyndum er föstudaginn 14. október. Þá fer skólaráð yfir tillögurnar og velur nokkur nöfn úr,“ segir í færslu skólans en kosning um þau nöfn sem koma helst til greina verður síðan í framhaldinu.
Jafnframt kemur fram að kosningin verði bæði rafræn þ.e. þeir sem tengjast skólanum með netföngum hafa möguleika á að kjósa þannig en aðrir sem vilja kjósa geta gert það með því að skila miða með einu af þeim nöfnum sem til greina koma og skila í þar til gerðan kassa hjá ritara. Kosningu mun svo ljúka um næstu mánaðamót og verður nánar auglýst síðar. Tillögu að nýju nafni á skólann verður síðan lögð fyrir sveitarstjórn til samþykktar í byrjun nóvember.
„Vonandi eru margir sem hafa áhuga á þessu verkefni og eru tilbúnir að leggjast í smá hugmyndavinnu. Viljum við hafa nafnið stutt? Viljum við hafa nafnið lýsandi? Viljum við að nafnið tengist staðháttum? Viljum við að nafnið tengist sögu svæðisins? Eða viljum við eitthvað allt annað? Við hvetjum alla til að vera með og senda inn sínar hugmyndir,“ segir í tilkynningu skólans.
Fleiri fréttir
-
Jólatónleikar Tónlistarskóla Austur-Húnvetninga
feykir.is Austur-Húnavatnssýsla, Listir og menning, Lokað efni 26.11.2024 kl. 16.07Tónlistarskóli Austur-Húnvetninga heldur sína árlegu jólatónleika í desember. Um er að ræða þrenna tónleika sem fara fram í Blönduóskirkju og Hólaneskirkju.Meira -
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira -
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.