Mjög alvarlegt umferðarslys sunnan Blönduóss
Mbl.is greinir frá því að þyrla landhelgisgæslunnar og allir tiltækir viðbragðsaðilar hafi verið kallaðir út upp úr klukkan fimm í morgun þegar tilkynnt var um mjög alvarlegt umferðarslys á þjóðveginum rétt sunnan við Blönduós en rúta með á þriðja tug farþega hafði farið út af veginum. Í frétt frá því skömmu fyrir sjö í morgun er sagt að þyrlan hafi flutt þrjá slasaða farþega suður.
Þá kemur fram að þyrlan hafi lent rétt fyrir klukkan sjö á Blönduósi. Ekki var reiknað með að hún færi aftur norður. Upplýsingar um tildrög slyssins eða meiðsl á fólki liggja ekki fyrir en slysið er sem fyrr segir talið mjög alvarlegt.
Allt tiltækt lið sjúkraflutningamanna og slökkviliðsmanna á Blönduósi, Hvammstanga, Sauðárkróki og Búðardal var kallað út ásamt tækjabílum sem eru fyrir hendi á svæðinu auk liðsauka frá björgunarsveitum.
UPPFÆRT kl. 9:10
Mbl.is greinir frá því að auk þeirra þriggja sem fluttir voru með þyrlu frá Blönduósi séu nokkrir hinna slösuðu fluttir með sjúkraflugi frá Akureyri til Reykjavíkur. Sjúkrahúsið á Akureyri mun einnig taka við nokkrum slösuðum sem fluttir hafa verið með sjúkrabílum af slysstað. Haft er eftir Hjördísi Guðmundsdóttur að nú ríði á að koma fólkinu undir læknishendur.
Þjóðvegurinn hefur verið lokaður fyrir umferð stórra bíla en öðrum er stýrt í gegn.
UPPFÆRT kl. 10:40
Vísir og mbl.is segja frá því að rútan sem valt í morgun hafi verið frá SBA Norðurleiðum og hafi verið að flytja 23 starfsmenn á vegum Akureyrarbæjar frá Keflavíkurflugvelli heim til Akureyrar.
Í samtali Vísis við Steinar Gunnarsson hjá Lögreglunni á Norðurlandi vestra segir hann of snemmt að segja til um á þessari stundu hvað olli slysinu. Hann segir engan hafa látist í slysinu og þá viti hann ekki til þess að nokkur sé í lífshættu. „Aðgerðir á vettvangi hafa gengið vel og greiðlega. Þyrlan kom þarna og flutti þrjá suður í Fossvoginn. Svo voru aðrir fluttir með sjúkraflugi frá Blönduósi. Aðgerðir hafa gengið vel og það komu bjargir úr öllum áttum,“ segir Steinar.
Fleiri fréttir
-
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.