JólaFeykir kemur út í dag
Biðin eftir jólablaði Feykis er á enda því hnausþykkur doðrantur er á leiðinni til íbúa Norðurlands vestra í dag og næstu daga. Eins og lög gera ráð fyrir eru fjölmörg viðtöl, uppskriftir, andleg næring og besta myndagáta í heimi, að finna í blaðinu. Fljótlega verður það einni aðgengilegt á Netinu svo enginn ætti að þurfa að fara í jólafeykisköttinn.
Meðal efnis í blaðinu er jólahugvekja nýskipaðs vígslubiskups á Hólum, sr. Gísla Gunnarssonar; viðtal við Silla kokk, sem býr til besta borgarann í Evrópu; Björn Jóhann segir frá Skagfirskum skemmtisögum; Helga Möller svarar Tón-lystinni; kveðskapur frá Rúnari Kristjáns á Skagaströnd; jólalegir gæludýraþættir en einn örlítill dverghamsturshnoðri fær að prýða forsíðuna að þessu sinni; Íris Ösp Sveinbjörnsdóttir, hönnuður og ljósmyndari segir frá sínum hugðarefnum; kökuþáttur sem nú er í höndum Diskódísa í Húnaþingi vestra; vangaveltur um tengsl heimsfrægrar hljómsveitar norður í land; kafli úr bók Sölva Sveinssonar, Eilífð í sjónmáli; Bjarni Gaukur Sigurðsson segir frá uppbyggingu gamla bæjarins á Blönduósi; Einar Kárason, rithöfundur, svarar Bók-haldinu; Stefanía Ósk og Kjartan Erlendsson segja frá handverki sínu; börn í leikskólanum Barnabóli svara jólaspurningum; myndagátan víðfræga á sínum stað; umfjöllun um hátíðarmessu Sauðárkrókskirkju og nokkur smáviðtöl við fólk sem segir frá jólunum sínum.
Að sjálfsögðu eru einnig fjölmargar auglýsingar sem gerir okkur kleift að senda blaðið inn á öll heimili á Norðurlandi vestra.
Nú mega jólin koma fyrir mér! En þér?
Fleiri fréttir
-
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira -
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira -
Björgunarsveitin Strönd aðstoðaði fasta ökumenn á Þverárfjalli
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 09.02Seint í gærkvöldi var björgunarsveitin Strönd á Skagaströnd kölluð út vegna sex bíla sem sátu fastir í snjó á Þverárfjalli. Í tilkynningu frá Landsbjörg segir að björgunarsveitarfólk hafi farið úr húsi rétt um hálf tólf og var búið að losa alla bíla um 50 mínútum síðar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.