Íslandsmót í hrútadómum: 20 ár frá fyrstu keppni
Árlegt Íslandsmeistaramót í hrútadómum verður haldið á Sauðfjársetrinu í Sævangi á Ströndum þann 20. ágúst og hefst kl. 14. Á þessu ári eru liðin 20 ár síðan Strandamenn fundu upp þessa skringilegu keppnisgrein og verður því mikið um dýrðir.
Undirbúningur fyrir helgina gengur vel. Það er alltaf góð þátttaka í hrútadómunum, en keppt er í tveimur flokkum. Annars vegar er flokkur þaulreyndra hrútadómara og hins vegar flokkur fyrir óvana og hrædda hrútaþuklara sem kunna ekki stigakerfið. Venjulega eru keppendur um og yfir 50 og fjölmargir fleiri mæta til að horfa á keppendur sýna snilli sína.
Jón Viðar Jónmundsson er yfirdómari að þessu sinni og leiðir dómnefndina. Hún velur fjóra íturvaxna hrúta með nútíma tækjum og tólum og raðar þeim í gæðaröð fyrirfram. Þetta eru ekkert endilega bestu hrútarnir, heldur kannski aðeins misjafnir. Keppnin er nefnilega ekki milli hrútanna sjálfa, heldur eiga keppendur að meta hrútana með hendur og hyggjuvit að vopni og reyna að komast að sömu niðurstöðu og dómararnir.
Vanir keppendur gefa hrútunum stig fyrir einstaka þætti eins og t.d. bakbreidd, læri, útlit og samræmi og fara þá eftir stigakerfi sem bændur gjörþekkja. Óvanir kunna ekki þetta flókna stigakerfi og láta duga að raða hrútunum í sæti frá eitt til fjögur og segja hvernig þau fundu röðina út. Sá rökstuðningur getur skipt máli, ef mörg eru með rétta röð. Veglegir vinningar eru í boði fyrir sigurvegara í báðum flokkum.
Að venju verður kjötsúpa á boðstólum og kaffihlaðborð allan liðlangan daginn. Einnig er stórskemmtilegt happdrætti og eru líflömb frá bændum á Ströndum og í Reykhólasveit í vinning. Þau sem komast ekki á staðinn geta tekið þátt og keypt sér miða í gegnum Facebook síðu Sauðfjársetursins eða hjá Ester í síma 693-3474.
Á síðasta ári stóð Gunnar Steingrímsson á Stóra-Holti í Fljótum uppi sem sigurvegari og er núverandi Íslandsmeistari í hrútadómum. Strandamönnum þykir jafnan nokkuð verra þegar titillinn fer úr héraðinu og munu því væntanlega bíta í skjaldarrendur og þukla sem mest þeir mega á hrútadómunum að þessu sinni. Íslandsmeistarinn fær verðlaunagripinn Horft til himins til varðveislu í eitt ár, en hann var gerður til minningar um Brynjólf Sæmundsson héraðsráðunaut Strandamanna í áratugi. Þess utan eru margir veglegir vinningar.
/Fréttatilkynning
Fleiri fréttir
-
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.