Högni Elfar tók sæti sem varaþingmaður á Alþingi í gær
Högni Elfar Gylfason, bóndi á Korná í Skagafirði, tók sæti á Alþingi í gær sem varaþingmaður Norðvesturkjördæmis fyrir Bergþór Ólason í Miðflokknum. Þar flutti hann m.a. jómfrúarræðu sína í óundirbúnum fyrirspurnartíma um aðgerðir í þágu kolefnishlutleysis og spurði forsætisráðherra m.a. út í landbúnaðarmál í því sambandi. Feykir hafði samband við Högna og spurði hann út í upplifun sína af fyrsta þingmannsdeginum.
„Já, það leggst alltaf eitthvað til í reynslubankann og þetta slær nú líklega flest annað út sem ég hef brallað um dagana,“ sagði Högni Elfar þegar Feykir forvitnaðist um stóra daginn og fyrstu þingreynsluna. Hann segir daginn hafa verið tekinn mjög snemma til að undirbúnings fyrir fund í Fjárlaganefnd um morguninn þar sem fjallað var um fjáraukalög.
„Þá þurfti ég líka að fínslípa það sem ég ætlaði að spyrja forsætisráðherra um í óundirbúnum fyrirspurnum á þingfundinum seinnipartinn. Það má vel nefna það að starfsfólk og þingmenn eru upp til hópa afar vinalegt fólk sem tekur vel á móti nýliðum og þar var forsætisráðherra engin undantekning,“ segir hann.
Auk vangaveltna um kolefnishlutleysi snérust spurningar Högna til Katrínar um landbúnaðarmál og stefnu ríkisstjórnarinnar í framleiðslu kjöts á Íslandi og stuðning við innlenda kjöt- og mjólkurframleiðslu. „Svörin hennar voru alveg ágæt, en þó ekki alveg nægilega skýr fyrir minn smekk, en það kallar bara á frekari fyrirspurnir um málefnið sem um ræddi.“
Aðspurður hvað hafi staðið upp úr frá deginum segir Högni það hafa verið hvað Alþingi er ólíkt því sem hann hafði gert sér í hugarlund. „Þarna er allt á fleygiferð og alltaf eitthvað að gerast. Mér segir svo hugur að alþingismaður sem vill standa sig í vinnunni þurfi að vinna langa daga og fylgjast vel með, því hraðinn er mikill á málum, en það kemur reyndar heim og saman við stöðuna hjá þeim sem ég þekki best. Núna sit ég uppi á hótelherbergi, klukkan komin fram yfir miðnætti og ég að lesa mér til gagns fyrir morgundaginn og æfa ræðustúf sem til stendur að flytja á þingfundi upp úr hádeginu.“
Högni segist þakklátur sínu fólki í Miðflokknum og kjósendum flokksins að fá þetta tækifæri til að reyna að hafa áhrif til góðs á Alþingi Íslendinga. „Það er hreint ekki sjálfgefið að komast í þá stöðu að geta látið í sér heyra í ræðustól þar á bæ. Vonandi kem ég einhverju til skila þar. Dropinn holar steininn.“
Hér fyrir neðan má sjá Högna Elfar í ræðustól á Alþingi, beina spurningum sínum til Katrínar Jakobsdóttur, forsætisráðherra.
Fleiri fréttir
-
Jólatónleikar Tónlistarskóla Austur-Húnvetninga
feykir.is Austur-Húnavatnssýsla, Listir og menning, Lokað efni 26.11.2024 kl. 16.07Tónlistarskóli Austur-Húnvetninga heldur sína árlegu jólatónleika í desember. Um er að ræða þrenna tónleika sem fara fram í Blönduóskirkju og Hólaneskirkju.Meira -
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira -
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.