Grunnskólahald á Húnavöllum lagt niður
Forsendur fyrir grunnskólahaldi á Húnavöllum eru ekki lengur fyrir hendi að mati fræðslunefndar Húnabyggðar. Ljóst sé að mikill meirihluti foreldra kýs að börn þeirra sæki skóla á Blönduósi fremur en á Húnavöllum, segir í fundargerð nefndarinnar. Hefur hún lagt til við sveitarstjórn að aðeins verði grunnskólahald á Blönduósi skólaárið 2022-2023. Með ákvörðuninni lýkur tæplega 53 ára sögu grunnskólahalds á Húnavöllum. Sveitarstjórn hefur ákveðið að grunnskólahald verði eingöngu á Blönduósi.
Í síðasta mánuði fól sveitarstjórn Húnabyggðar skólastjóra að kalla eftir endanlegri ákvörðun foreldra barna, sem stundað hafa nám í Húnavallaskóla, um val á starfstöð grunnskóla fyrir skólaárið 2022-2023 og voru niðurstöður þær að ekki yrðu nema fjórir nemendur eftir í Húnavallaskóla í vetur. Upphaflega var lagt með að grunnskólastarf yrði bæði á Blönduósi og Húnavöllum, en í ljósi þessarar niðurstöðu hefur verið ákveðið að grunnskólahald verði eingöngu á Blönduósi.
Í bókun sveitarstjórnar á fundi sínum 5. ágúst segir að Húnavallaskóli hafi í gegnum tíðina gegnt lykilhlutverki í samfélaginu og skipað stóran sess í sögu héraðsins. Með ákvörðun meirihluta sveitarstjórnar að hafa grunnskólahald eingöngu á Blönduósi sé á engan hátt verið að varpa rýrð á sögulega mikilvægi Húnavallaskóla sem menntastofnunar. „Meirihlutinn vill taka skýrt fram að ákvörðun þessi byggir fyrst og fremst á lýðræðislegri niðurstöðu foreldra barna í Húnavallaskóla um hvar þeir kjósa að börn þeirra stundi skóla,“ segir í bókuninni. Þá verði öllu starfsfólki skólanna tryggð störf innan nýs grunnskóla sveitarfélagsins, eða hjá öðrum stofnunum þess ef þeir það kjósa. Þá leggur meirihlutinn áherslu á að hann muni kappkosta að finna fasteignum sveitarfélagsins á Húnavöllum nýtt hlutverk svo blómleg starfsemi megi þrífast þar í náinni framtíð.
Minnihlutinn í sveitarstjórn Húnabyggðar mótmælti áætlunum fræðslunefndar harðlega. „Það er sorglegt að sjá nýja nefndarmenn hins sameinaða sveitarfélags ganga svo þverlega gegn loforðum sem gefin voru fyrir sameiningarkosningarnar og skýla sér á bak við lýðræðislegt vinnubrögð sem engin voru,“ segir í bókun minnihlutans. Minnihlutinn vill meina að sú óformlega könnun sem lögð var fyrir foreldra nemenda á Húnavöllum hafi í besta falli verið ólögleg og brjóti gegn jafnræðisreglu stjórnarskrárinnar. Þar sem um eitt skólasvæði sé að ræða hefðu allir foreldra á svæðinu átt að fá að taka þátt. Enginn skýr meirihluti foreldra hafi látið í ljós skoðun sína þar sem aðeins hluti þeirra hafi tekið þátt. Áskilur minnihlutinn sér rétt að fara með málið lengra, eins og segir í bókuninni.
/huni.is
Fleiri fréttir
-
Jólatónleikar Tónlistarskóla Austur-Húnvetninga
feykir.is Austur-Húnavatnssýsla, Listir og menning, Lokað efni 26.11.2024 kl. 16.07Tónlistarskóli Austur-Húnvetninga heldur sína árlegu jólatónleika í desember. Um er að ræða þrenna tónleika sem fara fram í Blönduóskirkju og Hólaneskirkju.Meira -
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira -
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.