Dalbæingar spá áframhaldandi rólegheitaveðri
Þann 6. desember hélt veðurklúbbur Dalbæjar sinn mánaðarlega fund sem að þessu sinni var fámennur þar sem til hans var boðað án fyrirvara af óviðráðanlegum ástæðum, eins og segir í skeyti spámanna til fjölmiðla. Það ber helst til tíðinda að Veðurklúbburinn er kominn á Facebook.
Mikill kynjahalli var á fundinum en þeir sem mættu voru Haukur Haraldsson, Hörður Kristgeirsson, Kristján Loftur Jónsson og Bergur Þór Jónsson, sem skrifaði fundargerð.
„Eins og á öllum fundum okkar hingað til var fyrst og fremst rætt um veður næsta mánuðinn, en í framhaldi af því fréttum við af kveðju frá aðilum tengdum Vegagerðinni sem vildu endilega hvetja klúbbinn til áframhaldandi dáða við notkun á gömlum og gildum leiðum til veðurspár, eins og meðal annars tunglkoma, drauma, lestur í skýjafar og margt fleira.
Einnig höfðu þessir sömu aðilar ásamt fleirum í gegnum tíðina óskað eftir að geta skoðað nýjar og eldri spár klúbbsins á aðgengilegum stað og tókum við því ákvörðun um að búa okkur til Andlitsbókarsíðu/Facebook sem heitir núna Veðurklúbbur Dalbæjar.
Endilega sendið klúbbnum vinabeiðni til að geta fylgst betur með öllu sem þar fer fram ásamt því að geta með tímanum skoðað eldri spár og mögulega fleiri upplýsingar.“
En snúum okkur þá að veðurspá desember mánaðar: Í skeyti klúbbsins segir að eftir skoðun á tunglkomu, draumum og tilfinningu félaga þá líti út fyrir rólegheitaveður á norðurhluta landsins á svipaðan hátt og undanfarna tvo mánuði en þó með meira frosti. Ekki búast spámenn við miklum snjó í desember en þó má gera ráð fyrir hvítum jólum þó ekki með verulega þykku snjólagi. „Við búumst ekki við miklum stormum í desember þar sem eftirminnilegir hestar í draumum voru frekar rólegir að þessu sinni, en auðvitað mun eitthvað aðeins blása stöku sinnum. Sem sagt, fínasti desember hérna á Stór-Dalvíkursvæðinu.
Að venju er kvatt með hinum fínasta kveðskap.
Landið var fagurt og frítt og fannhvítir jöklanna tindar,
himinninn heiður og blár, hafið var skínandi bjart.
Þá komu feðurnir frægu og frjálsræðis hetjurnar góðu
austan um hyldýpis haf hingað í sælunnar reit.
/Höf. Jónas Hallgrímsson
----
Með tunglkomu trú þú það
og tem þér gætni slíka:
Veðrabrigða von er að,
víst með fullu líka.
/Höf. Ólafur Guðmundsson í Sauðanesi
----
Það vonandi verður vel metið
og fróðleik þið fundið þar getið.
Með þrýstingi frá
fólki á skjá
er klúbburinn kominn í netið.
/Höf. Bjór
Fleiri fréttir
-
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira -
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira -
Björgunarsveitin Strönd aðstoðaði fasta ökumenn á Þverárfjalli
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 09.02Seint í gærkvöldi var björgunarsveitin Strönd á Skagaströnd kölluð út vegna sex bíla sem sátu fastir í snjó á Þverárfjalli. Í tilkynningu frá Landsbjörg segir að björgunarsveitarfólk hafi farið úr húsi rétt um hálf tólf og var búið að losa alla bíla um 50 mínútum síðar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.