Amber Christina Monroe hlaut önnur verðlaun í nýsköpunarhraðli fyrir konur
Frumkvöðlaverkefni sem snúa að umhverfissjónarmiðum, samgöngum, sjálfbærri ræktun, aðstoð við listamenn, umhverfisvæna verslun og veflausn sem snýr að forvörnum gegn ofbeldi urðu í efstu sætunum í nýsköpunarhraðli fyrir konur sem Háskóli Íslands stendur að í samstarfi við bandaríska sendiráðið á Íslandi. Hraðlinum lauk formlega sl. föstudag og voru vegleg peningaverðlaun að verðmæti 2,2 milljóna króna veitt vinningshöfunum. Isponica á Hólum í Hjaltadal hlaut önnur verðlaun í einstaklingsflokki.
Á heimasíðu Háskóla Íslands segir að konurnar geti nýtt verðlaunin t.a.m. til að koma vöru sinni eða þjónustu á markað eða taka sín fyrstu skref á þá leið. Í heild bárust hraðlinum umsóknir um 114 viðskiptahugmyndir en 37 urðu fyrir valinu.
Konurnar hafa notið leiðsagnar mentoranna Hólmfríðar Sveinsdóttur, stofnanda og framkvæmdastjóra Mergur Ráðgjöf og nýráðins rektors Háskólans á Hólum, Fidu Abu Libdeh, forstjóra og stofnanda GeoSilica og Söndru Mjallar Jónsdóttur Buch, framkvæmdastjóra Raunvísindastofnunar Háskóla Íslands. Að auki hafa gestaleiðbeinendur víðsvegar að úr atvinnulífinu verið með fyrirlestra og aðstoðað við hin ýmsu mál sem huga þarf að til að koma hugmynd áfram, stofnun fyrirtækja og markaðssetningu svo eitthvað sé nefnt. Þátttakendur luku einning Dreambuilder, vefnámskeiði á vegum Arizona State University.
Útskrift og verðlaunaafhending fór fram í Hátíðasal Háskóla Íslands að viðstöddum háskóla-, iðnaðar- og nýsköpunarráðherra Áslaugu Örnu Sigurbjörnsdóttur, Michelle Yerkin, starfandi sendiherra Bandaríkjanna og Chargé d´Affaires bandaríska sendiráðsins á Íslandi, og Jóni Atla Benediktssyni, rektor Háskóla Íslands.
Verðlaunum var skipt upp eftir því hvort verkefnið væri einstaklingsverkefni eða teymisverkefni og að auki voru veitt verðlaun fyrir bestu lyftukynninguna í formi myndbands.
Eins og fram kemur í inngangi hlaut viðskiptahugmyndin Isponica á Hólum í Hjaltadal önnur verðlaun í einstaklingsflokki að verðmæti 300.000 krónur. Amber Christina Monroe stendur að baki hugmyndinni en Isponica er gróðrarstöð fyrir sprotagrænmeti þar sem afgangsvatn frá fiskikörum er notað til að rækta grænmeti í hillum.
Fyrstu verðlaun í þeim flokki fóru hins vegar til Berglindar Baldursdóttur fyrir viðskiptahugmyndina Paladino sem gengur út á að þróa hugbúnað sem heldur utan um vottun á bakgrunni fólks sem vill vinna með börnum og skjólstæðingum í viðkvæmum hópum.
Sjá má aðra verðlauna hafa HÉR
Fleiri fréttir
-
Jólatónleikar Tónlistarskóla Austur-Húnvetninga
feykir.is Austur-Húnavatnssýsla, Listir og menning, Lokað efni 26.11.2024 kl. 16.07Tónlistarskóli Austur-Húnvetninga heldur sína árlegu jólatónleika í desember. Um er að ræða þrenna tónleika sem fara fram í Blönduóskirkju og Hólaneskirkju.Meira -
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira -
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.