Aðventuhátíð í Hólaneskirkju á Skagaströnd og bóklestur í Bjarmanesi
Skagstrendingar eru byrjaðir að jólast. Í kvöld, miðvikudaginn 30. nóvember kl. 18:00, verður aðventuhátíð Bergsstaða-, Bólstaðarhlíðar, Hofs-, Holtastaða-, Höfða- og Höskuldsstaðasóknar í Hólaneskirkju á Skagaströnd. Við það tilefni flytur Kirkjukór Hólaneskirkju jólasöngva og leiðir safnaðarsöng undir stjórn Hugrúnar Sifjar Hallgrímsdóttur organista og kórstjóra.
Fermingardrengir vorsins 2023 taka þátt í stundinni með lestri og bænum. NTT og TTT börn 9-12 ára flytja helgileik og syngja með Sunnudagaskólabörnunum.
Þorgerður Þóra Hlynsdóttir okkar yndislega Gigga verður með hugleiðingu um aðventuna og jólin. Bryndís Valbjarnardóttir prestur leiðir stundina. Allir eru hjartanlega velkomnir að eiga saman hátíðlega stund í ljósi aðventunnar.
Á morgun, 1. desember, verður síðan upplestrarkvöld í Bjarmanesi á Skagaströnd þar sem kafað verður í jólabókaflóðið og lesið úr nokkrum völdum bókum.
Ævintýri á aðventunni
Þá má geta þess að í gærmorgun heimsótti sviðslistahópurinn Hnoðri í norðri nemendur á yngsta stigi í Höfðaskóla á Skagaströnd. Þau léku og sungu jólasýninguna Ævintýri á aðventunni. Verkið er nýr gleðilegur jólasöngleikur sem hópurinn setti saman og er sniðinn að börnum á 6-10 ára aldri en ætti að koma öllum aldurshópum í jólaskap.
„Í sýningunni skarast skáldskapur, ópera, söngleikur og gamanleikhús á stórskemmtilegan hátt. Höfundur og tónskáld er Þórunn Guðmundsdóttir, en aðalsmerki hennar eru frábærlega fyndnir og hnittnir textar með orðaleikjum auk þess sem tónlist hennar er mjög aðgengileg og yndisleg áheyrnar," segir í frétt á vef Höfðaskóla.
Heimildir: Skagaströnd.is og heimasíða Höfðaskóla
Fleiri fréttir
-
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira -
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira -
Björgunarsveitin Strönd aðstoðaði fasta ökumenn á Þverárfjalli
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 09.02Seint í gærkvöldi var björgunarsveitin Strönd á Skagaströnd kölluð út vegna sex bíla sem sátu fastir í snjó á Þverárfjalli. Í tilkynningu frá Landsbjörg segir að björgunarsveitarfólk hafi farið úr húsi rétt um hálf tólf og var búið að losa alla bíla um 50 mínútum síðar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.