Að girnast uxa eða asna náunga síns :: Leiðari Feykis
Ég brosti í kampinn þegar ég las frétt Vísis um það að nú væru börnum í Vídalínskirkju í Garðabæ ekki lengur kennd boðorðin tíu eins og venja hefur verið á Íslandi. Það síðasta var klippt af svo boðorðin eru þar núna einungis níu.
Samkvæmt fræðunum eru boðorðin tíu listi yfir trúarlegar og siðferðilegar reglur sem samkvæmt Biblíu kristinna manna og Torah Gyðinga voru opinberuð af Guði fyrir Móses á fjallinu Sínaí og Móses hjó á tvær steintöflur. Á Wikipedia segir að þau séu grundvallaratriði í kristinni trú og gyðingdómi. Boðorðin séu sett upp sem samningur Guðs og þjóðar hans og eiga sér hliðstæðu í fornsögulegum samningum og lagabálkum stórkonunga við undirkonunga.
Hvað sem segja má um boðorðin tíu sem Guð gyðinga opinberaði fyrir árþúsundum þegar fólk leit heiminn öðrum augum en nú, má að mínu mati má alveg uppfæra þau og hafa nútímalegri þó annað standist vel tímans tönn. Þú skalt ekki morð fremja, þú skalt ekki drýgja hór og þú skalt ekki stela eða bera ljúgvitni gegn náunga þínum eru ágætis heilræði. Spurning bara hvort unga fólkið hafi nægan málskilning fyrir þessar orðsendingar. Hver drýgir hór í dag?
Breyskleiki mannsins hefur líklega lítið breyst í gegnum aldirnar og hefur Jahve þótt ástæða til að reyna að siða lýðinn örlítið til. „Þú skalt ekki girnast hús náunga þíns,“ stendur fyllilega fyrir sínu. Eflaust má dást að húsum eða íbúðum annarra líkt og Stöð2 hefur gert í sérþáttum en ekki girnast húsið, heyrið það fermingarbörn!
Þriðja boðorðið hvetur lýðinn til að halda hvíldardaginn heilagan og er líklega fyrsta skrefið í átt að bættum kjörum verkamanna, sem á þessum tímum nefndust ambáttir eða þrælar og þá er komið að tíunda boðorðinu sem fermingarbörnin í Garðabæ þurfa ekki að læra: „Þú skalt ekki girnast konu náunga þíns, ekki þræl hans eða ambátt, ekki uxa hans eða asna né nokkuð það sem náungi þinn á.“
Þetta minnir mig á konu eina sem ég vann með fyrir löngu en boðorðin tíu voru rædd í einni pásunni og hvernig gengi fyrir viðstadda að halda þau. Hún sagðist hafa brotið þau öll nema það tíunda því hún girntist ekki konu náunga síns.
Góðar stundir!
Páll Friðriksson,
ritstjóri
Fleiri fréttir
-
Jólatónleikar Tónlistarskóla Austur-Húnvetninga
feykir.is Austur-Húnavatnssýsla, Listir og menning, Lokað efni 26.11.2024 kl. 16.07Tónlistarskóli Austur-Húnvetninga heldur sína árlegu jólatónleika í desember. Um er að ræða þrenna tónleika sem fara fram í Blönduóskirkju og Hólaneskirkju.Meira -
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira -
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.