V-Húnavatnssýsla

Farskólinn miðstöð símenntunar á Norðurlandi vestra bíður uppá mörg spennandi námskeið vorið 2024. Þessi námskeið eru blanda af vefnámskeiðum sem hægt er að sitja hvaðan sem er og staðnámskeiðum sem eru í boði á Hvammstanga, Blönduósi, Skagaströnd og Sauðárkróki.

"Fegrunarmörk" er listasýning sem ætlar að fagna hugmyndina um fegurð í öllum fjölbreytileika sínum. Við vonumst til að ögra hefðbundnum gildum um fegurð og skoða sérstaklega þau einkenni einstaklinga og listaverka sem gerir þau aðdáunarverð. Við vonumst til að sýna fjölbreytt verk frá listafólki í héraði, með þeirra eigin túlkunum á mannlegri fegurð. Málverk, ljósmyndir, blönduð tækni, þrívíð verk (skúlptúrar) og/eða innsetningar. Sýningin býður áhorfandanum að velta fyrir sér samfélagslega viðurkenndum gildum og umfaðma fegurðina sem býr í ófullkomleikanum.

Á heimasíðu Grunnskóla austan Vatna segir að nemendur á unglingastigi hafa haft umhverfisvæna skiptislá í stofunni hjá sér í að verða tvö skólaár. Nemendur koma með föt á slána og þar fær fatnaðurinn framhaldslíf í nýjum höndum og hjá öðrum eigendum. Upp kom sú hugmynd að útfæra þetta enn frekar og halda flóamarkað til styrktar nemendafélagi skólans.

Nýr kjarasamningur á milli Sjómannasambands Íslands og Samtaka fyrirtækja í sjávarútvegi (SFS) var undirritaður í dag, 6. febrúar, í húsnæði Ríkissáttasemjara. Samningar á milli aðila hafa verið lausir frá árinu 2019. Árið 2023 var nýr kjarasamningur felldur í atkvæðagreiðslu sjómanna. Samningaviðræður um nýjan samning hafa staðið yfir síðustu mánuði. Í þeim viðræðum var lögð mikil áhersla á að taka tillit til þeirra athugasemda og gagnrýni sem fram kom í umræðum um samninginn á síðasta ári og hefur það gengið eftir í helstu atriðum.

Á Facebook-síðu Lögreglunar á Norðurlandi vestra er fólki bent á að snjóþekja og éljagangur eða skafrenningur er á flestöllum leiðum á Norðurlandi vestra og fylgir því slæmt skyggni nokkuð víða. Mikilvægt er að kanna veður og færð áður en lagt er af stað í umsæminu. Þá benta þau á að hægt er að fá upplýsingar um veður og færð á umferð.is

Fyrsta mótið í Skagfirsku mótaröðinni var haldið sl. laugardag í Svaðastaðahöllinni á Króknum. Keppt var í B-flokki og boðið var upp á eftirfarandi flokka: 1.flokk (gæðingaflokkur 1), 2.flokk (gæðingaflokkur 2), 3.flokk, Ungmennaflokk, Unglingaflokki og Barnaflokk. Þátttakan var mjög góð og til gamans má geta að Pollaflokkurinn var á sínum stað þar sem yngstu knaparnir fengu að spreyta sig. Hér fyrir neðan má sjá úrslit mótsins. 

Rétt í þessu birti stjórn Björgunarsveitarinnar Skagfirðingasveitar á Facebook-síðu sinni eftirfarandi tilkynningu; "Björgunarsveitin Skagfirðingasveit landaði ákveðnum sigri fyrir rétt um ári síðan þegar félagar fengu styrk frá FISK-Seafood fyrir harðbotna báti, óskráningaskyldum. Mikil hátíð var hjá félögum og stofnaður hópur sem valdi bátinn og kom með tillögur að öllum aukabúnaði og slíkt. Fyrir valinu varð Aka Marine, undirtegund hjá Zodiak. Við fengum tilboð hjà Sportbátum (Knarrarvogur ehf) og pöntuðum bátinn. Við pöntun greiddum við helming kaupverðs, eða 7.500.000.-. Mánuði síðar greiddum við 1.544.000.- fyrir tæki í bátinn sem versla átti innanlands. Samtals greiddum við kr. 9.044.000.-

Dagur leikskólans er í dag, 6. febrúar, og er hann haldinn hátíðlegur hjá leikskólum landsins eins og vaninn er þennan dag. Veðrið er samt sem áður ekki að leika við okkur hér á Norðurlandi vestra og hefur skólahald t.d. raskast. Á heimasíðu Skagafjarðar segir að áætlað hafi verið að krakkarnir á eldra stigi leikskólans Ársala myndu syngi lög fyrir gesti og gangandi í Skagfirðingabúð kl. 10:15 en því hefur verið frestað vegna veðurs. En ef ég þekki rétt til þá verður eflaust húllumhæ á leikskólanum í staðinn fyrir krakkana. Á yngra stigi verður skólastarfið brotið upp með ýmis konar upplifun og skynjun fyrir börnin.

Á heimasíðu Sveitarfélagsins Skagastrandar segir að sveitarfélagið ætli að veita viðurkenninguna Eldhugi/eldhugar ársins 2023 og óska því eftir tilnefningum frá íbúum. Tilnefna má einstaklinga, félagasamtök og fyrirtæki og verður viðurkenningin veitt á Þorrablóti Kvenfélagsins Einingar í Fellsborg þann 17. febrúar.

Matgæðingar vikunnar í tbl 11, 2023, voru Pavel Ermolinski og konan hans Ragna Margrét Brynjarsdóttir en á þeim tíma voru þau nýflutt á Sauðárkrók úr Reykjavík. Pavel tók þá við þjálfun á karlaliði Tindastóls í körfubolta og Ragna Margrét starfaði þá sem verkefnastjóri hjá sálfræðideild Háskóla Reykjavíkur. Þau eiga saman tvo drengi, Emil, sem er þriggja ára og Anton sem verður eins árs á þessu ári. „Ég þakka fyrir áskorunina. Ég legg allt undir þegar ég fer í eldhúsið. Skil ekkert eftir á gólfinu, fyrir utan allt ruslið,“ segir Pavel.