V-Húnavatnssýsla

Rétt í þessu kom tilkynning um að glæsilega fuglaskoðunarhúsið á Spákonufellshöfða væri tilbúið til notkunar en Feykis sagði frá því í lok október að uppsetning á nýju fuglaskoðunarhúsi á Spákonufellshöfða væri í fullum gangi. Það er því um að gera að gera sér ferð og skoða þetta fallega hús sem Auður Hreiðarsdóttir hjá ESJA Architecture hannaði en það var reist af Verk Lausnum á Skagaströnd með stuðningi úr Framkvæmdasjóði Ferðamannastaða. 

Ég var að uppgötva að það eru aðeins 6 dagar til jóla.... Ég er reyndar búin að kaupa allar jólagjafirnar og byrjuð að pakka inn en allt annað er ég ekki byrjuð á að gera og mun eflaust ekki hafa tíma í að gera þetta árið. Jólin koma, því miður eða á maður að segja frekar sem betur fer, þó ég sé ekki búin að skúra og skrúbba alla veggina heima hjá mér, baka allar smákökusortirnar og allt annað sem fylgir jólunum sem ég man ekki núna því stressið er að yfirtaka heilann í mér. Eigum við nokkuð að leyfa því að koma og setja bara í uppgjafargírinn og stilla á þetta reddast allt saman:) 

Hiti er nú víða um frostmark á Norðurlandi vestra. Í gær snjóaði en það hefur hlánað nokkuð í dag og því þurfa gangandi og akandi vegfarendur að fara að öllu með gát. Á vef Vegagerðarinnar er varað við því að flughált er í Langadal en hálka eða snjóþekja er á flestum öðrum leiðum eins og sjá má á myndinni sem hér fylgir sem er síðan um kl. 13:00 í dag.

Ungmennasamband Vestur-Húnvetninga fékk árið 2019 viðurkenningu sem Fyrirmyndarhérað ÍSÍ. Mánudaginn 11. desember síðastliðinn fékk USVH síðan endurnýjun þessarar viðurkenningar. Var það Viðar Sigurjónsson, sérfræðingur á stjórnsýslusviði Íþrótta- og Ólympíusambands Íslands (ÍSÍ) sem afhenti formanni íþróttahéraðsins, Guðrúnu Helgu Magnúsdóttur viðurkenninguna.

Í tilkynningu frá Lögreglunni á Norðurlandi vestra segir að athygli lögreglunnar hafi verið vakin á því að svikahrina sé í gangi á samfélagsmiðlum þar sem óskað er eftir skjáskoti (screenshot) af öryggiskóða. Sé skjáskotið sent á viðkomandi virðist vera sem viðkomandi nái yfirhönd yfir samfélagsmiðlum viðkomandi.

Guðbrandur Ægir Ásbjörnsson fékk í gær afhent framlag úr Menningarsjóði Kaupfélags Skagfirðinga fyrir mikið og gott starf um árabil, í þágu menningar og lista í Skagafirði. Í viðurkenningarskyni var honum afhent upphæð 500 þúsund krónur, sem þakklætisvott fyrir störf hans í þágu samfélagsins.

Hulda Þórey Halldórsdóttir fékk í dag afhentan afreksbikarinn, til minningar um Stefán Guðmundsson stjórnarmann Kaupfélags Skagfirðinga og konu hans Hrafnhildi Stefánsdóttur en með þessari úthlutun er einnig veittur 300.000 kr.- styrkur úr Menningarsjóði Kaupfélags Skagfirðinga.

9 dagar til jóla og í dag er alþjóðlegi ljóti jólapeysudagurinn.... eiga ekki allir eina slíka inni í skáp? Þá er um að gera að fara í hana í dag:) Svo er líka alþjóðlegi settu á þig perlur dagurinn í dag:) svakalega flott með ljótu jólapeysunni... hehe

Úfffff hvað það er dökkt yfir eitthvað núna og leiðinlegt veður.... Eru ekki allir búnir að ganga frá trampólínunum:) hehehe Þetta er allavega svona dagur sem að býður upp á að vera bara heima eftir vinnu undir teppi í ullarsokkum og þykkri peysu með heitt súkkulaði og piparkökur:)

Sunnudaginn 17. desember verða tónleikar Jólahúna í Félagsheimilinu á Blönduósi og annar hópu Jólahúna heldur tónleika í Félagsheimilinu á Hvammstanga þriðjudaginn 19. desember. Einkunnarorð tónleikanna voru og eru kærleikur og samstaða.