V-Húnavatnssýsla

Í lok nóvember auglýsti Kaupfélag Skagfirðinga eftir verslunarstjóra fyrir Byggingavöruverslunina Eyrin og hefur Helgi Svanur Einarsson verið ráðinn í starfið og mun hefja störf 2. janúar.  

Stúdíó Handbendi verður með prjónapartý í húsnæði sínu að Eyrarlandi 1 á Hvammstanga á morgun, 29. desember, frá kl. 21:00 - 23.59. Aðgangur er ókeypis en alls konar góðgæti er til sölu á staðnum. Það sem gerir þeim kleift að bjóða upp á ókeypis viðburði allt árið um kring hjá Handbendi er veitingasalan og er því um að gera að mæta og njóta samverunnar með annað hvort nýtt eða núverandi prjónaverkefni. 

Það er stundum sagt að mikið sé að gera á stórum heimilum og það má svo sem til sanns vegar færa með sveitarfélagið að þetta ár hefur verið ansi annasamt. Hvort að þetta sé stórt heimili er síðan spurning um hvað miðað er við. En þó við séum ekki mörg erum við víðfemt sveitarfélag og það er í mörg horn að líta svo mikið er víst.

"Ég hitti þig" er fimmta plata söngkonunnar Kristjönu Arngrímsdóttur og sú fyrsta sem eingöngu inniheldur hennar eigin tónsmíðar, en hér hefur hún samið lög við ljóð fimm íslenskra kvenna auk Davíðs Stefánssonar. Tónlistin er í senn bæði seiðandi og dramatísk og svolítið í ætt við portúgalska Fado tónlist, en öll lögin bera engu að síður sterkt og þjóðlegt yfirbragð sem hefur verið einkenni Kristjönu allt frá því hún hóf sinn sólóferil.

Á huni.is segir að nú sé komið í ljós hvaða hús í Húnabyggð hafi verið tilnefnd sem Jólahús ársins 2023. Er þetta í 22. skiptið sem þessi kosning fer fram en í þetta skiptið enduðu þrjú hús í efsta sætinu með jafnmargar tilnefningar.

Föstudaginn 15. desember byrjaði kosning um jólalegasta húsið og jólalegustu götuna í Sveitarfélaginu Skagaströnd og stóð hún til 26. desember en þetta var í annað sinn sem þessi kosning fór fram. Í ár var hins vegar sú breyting á að íbúum gafst kostur á að senda inn tilnefningar en í fyrra var dómnefnd sem stóð fyrir valinu.

Það er þungt yfir á Norðurlandi vestra og víða snjókoma. Langflestir vegir eru færir á svæðinu en sem stendur er snjóþekja eða hálka á vegum í Húnavatnssýslum og Skagafirði. Lögreglan á Norðurlandi vestra beinir því til vegfarenda að fara varlega. „Munum að hreinsa allan snjó af bílum og fylgjumst vel með gangandi vegfarendum. Víða eru gangstéttar á kafi í snjó svo hætta er á að fólk freistist til að ganga á akbrautum,“ segir í skilaboðum lögreglunnar.

Karlakórinn Heimir stendur á tímamótum, en afgerandi kaflaskil urðu í sögu kórsins nú í haust við sviplegt andlát Stefáns Reynis Gíslasonar, stjórnanda kórsins til áratuga. Það varð Heimismönnum hins vegar strax ljóst að ekki þýddi að leggja árar í bát, þó höggið hafi verið þungt, og tekin var sú ákvörðun að ljúka afmælistónleikaröð Óskars Péturssonar, sem var hálfnuð þegar þarna var komið sögu.Ákvörðunin um að ljúka þeirri tónleikaröð var ekki auðveld, að sögn Atla Gunnar Arnórssonar formanns kórsins, „en það tókst að ljúka því verkefni með sóma, þar sem byggt var á því veganesti sem Stefán hafði látið okkur í té og hann var nú einu sinni þannig gerður að uppgjöf var ekki til í hans orðabók“ segir Atli.

Margrét Ólöf Stefánsdóttir er fjögurra barna móðir og amma, lyfjatæknir að mennt og starfar á dvalarheimilinu á Sauðárkróki. Hún er fædd og uppalin á Króknum en fluttist til Keflavíkur þegar hún var 13 ára með foreldrum sínum þeim Stefáni Valdimarssyni og Guðnýju Björnsdóttur. Þau fluttu aftur norður að þremur árum liðnum en Margrét varð eftir þar sem hún hafði kynnst strák sem síðar varð maðurinn hennar og saman eiga þau, tvær stelpur og tvo stráka.