„Fátt óskemmtilegra en vond diskótónlist“ / ÁRNI GUNN
Að þessu sinni er það Króksarinn Árni Gunnarsson, kvikmyndagerðamaður og fyrrverandi ritstjóri Feykis (með miklu meiru), sem svarar Tón-lystinni. Áhugasvið Árna er ansi breytt og meðal þess sem hann hefur föndrað við í gegnum árin er að búa til tónlist. Árni er fæddur árið 1967, ólst upp í Flatatungu á Kjálka, sonur heiðurshjónanna Gunnars heitins Oddssonar frá Flatatungu og Helgu Árnadóttur frá Akranesi.
Yfirleitt er það gítarinn sem Árni notast við í músíkinni en aðspurður segir hann að rokksöngleikurinn Hei, þú! sé sennilega hans mesta afrek í tónlistinni. „ Það var líka gaman að koma Austurdalnum á söngskrá Karlakórsins Heimis,“ segir Árni en hann hefur einnig verið áberandi í tónlistarflutningi á hinum ágætu og árlegu VSOT-tónleikum sem haldnir hafa verið í Bifröst síðustu árin.
Hvaða lag varstu að hlusta á? Love of my life með Queen.
Uppáhalds tónlistartímabil? 1970-1980.
Hvaða tónlist fær þig til að sperra eyrun þessa dagana? Kaleo eru að gera góða mússík, Ásgeir Bragi líka. Annars er ég líka að hlusta gamla blússlagara með Stones, Clapton og fleirum.
Hvers konar tónlist var hlustað á á þínu heimili? Aðallega kóra og klassík. Pabbi söng líka í bílnum og afi spilaði á orgelið þegar vel lá á houm.
Hver var fyrsta platan/diskurinn/kasettan/niðurhalið sem þú keyptir þér? The Roling Stones - Tattoo You, 1981 minnir mig.
Hvaða græjur varstu þá með? Þetta var spilað á Dual vínilspilara með steríó hátölurum. Annars átti ég segulband sem hægt var að nota til að taka upp lög úr útvarpinu.
Hver var fyrsta lagið sem þú mannst eftir að hafa fílað í botn? Start me up og “Hang fire” með Stones
Hvaða lag getur eyðilagt fyrir þér daginn (eða fer óstjórnlega í taugarnar á þér)? Fátt óskemmtilegra en vond diskótónlist.
Þú heldur dúndurpartí í kvöld, hvað læturðu hljóma í græjunum til að koma öllum í stuð? Leifi gestunum að ráða. Ekki víst að þeir hafi sama tónlistarsmekk og ég.
Þú vaknar í rólegheitum á sunnudagsmorgni, hvað viltu helst heyra? Ótrúlega blá með Geira. Snilldin ein.
Þú átt þess kost að fara hvert sem er í heiminum og skella þér á tónleika. Hvert færirðu, á hvaða tónleika og hvern tækirðu með þér? Til Bandaríkjana á Stones og tæki Ægi Ásbjörns með (þegar og ef Jagger er búinn að jafna sig af hjartaaðgerðinni).
Hvað músík var helst blastað í bílnum þegar þú varst nýkominn með bílpróf? Á því tímabili hlustaði ég mest á U2, Megas og Stuðmenn.
Hvaða tónlistarmaður hefur þig dreymt um að vera? Aldrei látið mig dreyma um að vera annar en ég, en Lou Reed hafði mikil áhirf á mig á sínum tíma. Bæði lögin hans og textarnir.
Hver er að þínu mati besta plata sem gefin hefur verið út? Loftmynd með Megasi er meistarastykki en besta plata sem ég hef hlustað á er The Velvet underground live songs frá 1969.
Sex vinsælustu lögin á Playlistanum þínum?
Honkey Tonk Woman - The Roling Stones
I can’t Go on Without You - Kaleo
Sweet Jane - The Velvet underground
Famous Blue Raincoat - Leonard Choen
Vorsól - Óskar Pétursson
Fílahirðirinn frá Súrín - Megas
Fleiri fréttir
-
Á sterka minningu um boltaleik með langafa sínum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 16.33Ólafur Adolfsson er oddviti Sjálfstæðisflokksins í Norðvestur kjördæmi. Ólafur er í sambandi með Margréti Birgisdóttur lyfjafræðingi og á hann tvö uppkomin börn, tvö barnabörn og tvö stjúpbörn. Ólafur er alinn upp í Ólafsvík og hefur auk þess átt heima um skemmri eða lengri tíma á Akranesi, í Reykjavík og á Sauðárkróki og er í dag með lögheimili á Akranesi. Hann er lyfjafræðingur og lyfsali, á og rekur fjórar lyfjabúðir sem eru staðsettar á Akranesi, í Borgarnesi, í Ólafsvík og í Vesturbæ Reykjavíkur.Meira -
Rætt við Grím Rúnar í tilefni 100 ára afmælishátíðar Hvatar á laugardaginn
feykir.is Austur-Húnavatnssýsla, Listir og menning, Lokað efni 21.11.2024 kl. 14.46Það stendur mikið til á Blönduósi nú á laugardaginn því þá fagnar Ungmennafélagið Hvöt 100 ára afmæli sínu með pompi og prakt. Það er því við hæfi að leggja nokkrar spurningar fyrir formann félagsins en það er Grímur Rúnar Lárusson. Grímur er innfæddur Blönduósingar og býr þar, er löglærður fulltrúi sýslumanns að aðalstarfi en í hjáverkum er hann sveitarstjórnarfulltrúi í Húnabyggð og formaður Umf. Hvatar.Meira -
Rótarýklúbburinn býður til ókeypis jólahlaðborðs í tíunda sinn
feykir.is Skagafjörður, Austur-Húnavatnssýsla, Lokað efni 21.11.2024 kl. 13.55Það styttist í aðventuna og í Skagafirði verða ljós tendruð á jólatrénu á Kirkjutorgi laugardaginn 30. nóvember. Sama dag standa Rótarýfélagar fyrir jólahlaðborði í íþróttahúsinu en þangað er öllum boðið og borða saman hangikjöt eða hamborgarhrygg og annað sem nauðsynlegt er. „Okkur Rótarýfélögum finnst þetta afskaplega gefandi, skemmtilegt og mikilvægt verkefni þar sem við sýnum í verki að við viljum láta gott af okkur leiða fyrir samfélagið,“ segir Ómar Bragi Stefánsson, forseti Rótarýklúbbs Sauðárkróks, í spjalli við Feyki.Meira -
Óvissa í kjölfar niðurstöðu héraðsdóms varðandi undanþágu frá samkeppnislögum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 11.28Héraðsdómur Reykjavíkur komst að þeirri niðurstöðu sl. mánudag að breytingar á búvörulögum, þar sem framleiðendafélögum var veitt undanþága frá ákvæðum samkeppnislaga, sem samþykktar voru á Alþingi í mars síðastliðnum, hefðu strítt gegn áskildum fjölda umræðna á Alþingi og hafi af þeim sökum ekki lagagildi. Eins og greint hefur verið frá þá keypti Kaupfélag Skagfirðinga í kjölfarið Kjarnafæði - Norðlenska og var langt komið með að kaupa B.Jensen í Eyjafirði.Meira -
Horfði á alþingisrásina eftir skóla
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 10.29María Rut Kristinsdóttir er oddviti Viðreisnar í Norðvestur kjördæmi. María er gift Ingileif Friðriksdóttur, eiga þær saman þrjú börn og einn hund. Búsettar í Reykjavík en alltaf með annan fótinn á Flateyri og Ísafirði. María hef starfað sem aðstoðarmaður formanns Viðreisnar síðan 2017 (með stuttu hléi).Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.