Skagafjörður

Skíðasvæði Tindastóls verður opið í dag, laugardaginn 17. febrúar frá kl. 11-16 og á morgun, sunnudaginn 18. febrúar. Þá er bæði efri (útsýnisleið og sturlungaslóð) og neðri lyftan (norður- og suðurbrekkan) opin ásamt töfrateppinu og 4 km göngubraut. Veðrið er gott, aðeins -3 gráður, og því tilvalið að skella sér í brekkurnar í dag.

Á Facebook-síðunni Sundlaugar í Skagafirði segir að sundlaugarnar verða opnar lengur í dag, laugardaginn 17. febrúar, vegna vetrarfrís í skólum í Skagafirði. Opnunartími sundlauganna verður sem hér segir: Sundlaug Sauðárkróks - 10:00 - 18:00, Sundlaugin í Varmahlíð - 10:00 - 18:00 og Sundlaugin á Hofsósi - 11:00 - 18:00.

Matgæðingar vikunnar í tbl 13, 2023 voru Magnús Freyr Gíslason, arkitekt hjá Verkfræðistofunni Stoð ehf. og húsgagnasmiður, og Kolbrún Dögg Sigurðardóttir, kennari í Árskóla. Þau búa í Barmahlíðinni á Króknum og eiga saman þrjú börn, Kötlu, Hinrik og Jöklu. Maggi og Kolbrún áttu einnig veitingastaðinn Sauðá þegar þessi matgæðingaþáttur fór í birtingu en hann er staðsettur í brekkunni við hliðina á FNV. „Eftir þennann djúpa þrist frá Pavel ákvað ég að fara í öruggt tveggja stiga layup með þessum tveim réttum,“ segir Maggi.

Drög að frumvarpi vegna endurskoðunar örorkulífeyriskerfisins hafa verið birt í samráðsgátt stjórnvalda. Breytingarnar fela í sér bætta þjónustu, mikilvæga hvata til atvinnuþátttöku og bætt kjör með betra og einfaldara greiðslukerfi – sérstaklega fyrir þau sem einungis fá greiðslur frá almannatryggingum eða eru með litlar aðrar tekjur en frá ríkinu.

Á Facebook-síðunni Lögreglan á Norðurlandi vestra segir að nú séu öll börn á fimm ára aldursári búin að fá heimsókn frá lögreglunni. Tilgangurinn með þessari heimsókn var að spjalla við þau um mikilvægi þess að nota öryggisbelti og endurskinsmerki. En frá ýmsu segja blessuð börnin og þau hafa greinilega verið vitni af að einhverjir í kringum þau noti hvorki endurskinsmerki né bílbelti sem er mjög alvarlegt mál ef eitthvað kemur upp á. Lögreglan vill því minna á að þeir sem eldri eru eru fyrirmyndir þeirra yngir og ávallt á að nota öryggisbelti og annan öryggisbúnað í bílum sem hæfir aldri og þorska barna, slysin gera ekki boð á undan sér þó svo viðkomandi sé jafnvel að aka á heimatúninu eða rétt úr í fjós.

Það komu gleðitíðindi frá Austurberginu í Reykjavík í gær, föstudaginn 16. febrúar, þegar Stólastúlkur unnu Aþenu í framlengdum leik 86 - 87. Fyrir leikinn voru stelpurnar í 3. sæti en sitja nú í því 4. en eiga leik til góða. Á Facebook-síðu Körfuknattleiksdeildar Tindastóls segir að leikurinn hafi byrjaði vel og var jafn og fór fyrsti leikhluti 24 - 25 fyrir Tindastól. Annar leikhluti var ekki jafn góður fyrir Stólastúlkur og vann Aþena hann 18 - 8 og staðan 42 - 33 fyrir Aþenu í hálfleik.

Á Facebooksíðu Lögreglan á Norðurlandi vestra segir frá því að síðastliðin miðvikudag afhenti Lögreglan á Norðurlandi vestra Tollgæslunni fíkniefnaleitarhundinn Olly. Olly kemur frá Englandi og er af tegundinni Enskur Springer Spaniel.

Á Aðdáendasíðu Kormáks/Hvatar segir að varnarjaxlinn reyndi Fannar Örn Kolbeinsson er genginn til liðs við Kormák Hvöt frá Hvíta Riddarnum í Mosfellsbæ. Fannar ættu margir glöggir knattspyrnuunnendur á Norðurlandi vestra að þekkja vel því hann lék á árum áður næstum 200 leiki með Tindastóli.

Vísir.is frumsýndi í dag myndband við lagið Myndi Falla af nýjustu plötu sveitarinnar, Hamfarapopp. Platan er fjórða plata rappdúettsins en hana skipa Skagfirðingarnir Arnar Freyr og Helgi Sæmundur Guðmundsson. Í samtali við vísir.is segir Arnar Freyr „Við höfum gert nokkur helvíti góð myndbönd með Magga Leifs en þetta er okkar besta verk hingað til, ekki spurning,“  Leikstjóri myndbandsins er Magnús Leifsson en hann á heiðurinn af eftirminnilegum myndböndum strákanna, meðal annars við lögin Tarantúlur, Brennum Allt og Bróðir.

Á heimasíðu KKÍ segir að landslið karla hefur verið kallað saman til æfinga og undirbúnings en framundan eru tveir landsleikir í nýrri undankeppni EM, EuroBasket 2025, sem hefst í næstu viku. Landsliðsglugginn stendur yfir dagana 19.-26. febrúar og leikur Ísland sinn fyrri leik í Laugardalshöllinni gegn Ungverjalandi fimmtudaginn 22. febrúar kl. 19:30 og þann síðari í Istanbúl gegn Tyrklandi sunnudaginn 25. febrúar kl. 13:00 að íslenskum tíma (16:00 að staðartíma ytra). RÚV mun sýna báða leikina beint.