Vonast til að afköst hitaveitunnar á Sauðárkróki aukist um 35-40%
„Borun hefur gengið vel en holan er staðsett 15 metrum vestan við holu BM-10 í Borgarmýrum,“ sagði Gunnar Björn Rögnvaldsson, verkefnastjóri Skagafjarðarveitna, þegar Feykir spurði hann hvernig borun eftir heitu vatni hefði gengið á Sauðárkróki.
Hann segir borholuna bera einkennið BM-14 en búið er að fóðra holuna með 10“ stálfóðringu niður á 194 metra. „Svo er boruð opin hola þar fyrir neðan niður á um 800 metra, þvermál í opnu holunni er 97/8“ tommur fyrir neðan stálfóðringuna,“ segir Gunnar Björn.
Hvað er reiknað með að afköst hitaveitunnar aukist mikið með tilkomu nýrrar holu? „Vonast er eftir að afköst veitunnar aukist um 35-40% ef aðgerðin heppnast vel.“
Hefur verið vöntun á heitu vatni á svæðinu? „Já, það hefur verið vöntun á heitu vatni undanfarin ár vegna stækkandi byggðar og stækkun og fjölgun fyrirtækja. Vonandi verður nægjanlegt vatn úr þessari holu til þess að tryggja okkur næstu árin. Til framtíðar þá þarf að fara í enn frekari rannsóknir á svæðinu í kringum virkjunarsvæðið á Sauðárkróki til að kanna hvar sé heppilegast að bora næstu vinnsluholu sem er nauðsynlegt fyrir veitukerfið.“
Hvernig er staðan í vatnsmálum almennt í Skagafirði? „Staðan er almennt góð, fyrir utan Sauðárkróksveituna.“
Það hafa staðið yfir framkvæmdir í Varmahlíð, hvað hefur verið gert? „Þar erum við að endurvirkja borholu við Norðurbrún 9B í Varmahlíð VH-03 og við vonumst til að geta byrjað að dæla úr þeirri holu um og upp úr miðjum október við vonumst til að þessi hola geti skilað okkur 35-40 l/sek. af 90°C heitu vatni. Svo er búið að endurnýja allar lagnir í Laugaveginum í Varmahlíð og gatan endurbyggð,“ segir Gunnar Björn og bætir við að stefnt sé að því að leggja nýtt malbik á götuna núna í september.
Fleiri fréttir
-
Samfylkingin og ég ... | Bryndís Kristín Williams Þráinsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 20.07Ég trúi því að Samfylkingin sé með gott plan og ætli að fylgja því eftir komist hún í ríkisstjórn. Samfylkingin sem slík gerir þó ekki marga hluti, heldur fólkið sem hefur ákveðið að starfa undir hennar hatti. Þessi hópur, undir forystu Kristrúnar Frostadóttur, hefur sett sér markmið um ýmsa málaflokka sem sjá má á heimasíðu flokksins. Skoðum örfá alvöru dæmi.Meira -
Jólatvenna í Lýtó á laugardegi
feykir.is Skagafjörður, Listir og menning, Lokað efni 22.11.2024 kl. 19.26Það verður jólastemning í Lýtó á morgun, laugardag 23. nóvember, en þá stendur Sigrún á Stólhóli fyrir Jólamarkaði Rúnalistar í Hlöðunni og Rúnalist Gallerí. Opið verður frá 13-17 og sama dag verið Kaffihúsið Starrastöðum opið frá 14-18. Þessu má enginn missa af enda alltaf gaman að renna fram í Lýtó.Meira -
Þráði að verða ballettdansari
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 18.16Guðmundur Hrafn Arngrímsson er 51 árs, faðir fimm barna á aldrinum 6-26 ára. Er frá Seljanesi við Ingólfsfjörð og ólst upp í Bolungarvík. Guðmundur er oddviti Sósíalista í Norðvestur kjördæmi. Guðmundur hefur haldið heimili í Reykjavík og búið þar að mestu leyti frá því hann flutti heim úr námi árið 2007. Síðustu 15 árin hefur hann starfað við landslagshönnun, torf- og grjóthleðslur og fræðslu og kennslu í útinámi, samhliða því hef hann undanfarin þrjú ár verið for-maður Leigjendasamtakana.Meira -
Miðflokkurinn opnar kosningaskrifstofu á Sauðárkróki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 15.49Miðflokkurinn opnar kosningaskrifstofu á Mælifelli ,Aðalgötu 7 Sauðarkroki, laugardaginn 23. nóvember kl. 20.00. Allir eru velkomnir.Meira -
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.