Vel heppnað menningarkvöld NFNV
Hið árlega menningarkvöld nemendafélags Fjölbrautaskóla Norðurlands vestra, fór fram í íþróttahúsinu á Sauðárkróki, föstudaginn, 17. nóvember sl. Menningarkvöldið heppnaðist mjög vel en um 200 manns sóttu viðburðinn. Bodypaint keppnin var á sínum stað ásamt tónlistaratriðum en einnig var bryddað upp á nýjungum.
Kynnar kvöldsins voru þeir Egill Ploder og Arnar Þór Ólafsson, fjölmiðlamenn með meiru, en þeir héldu uppi stemmningunni á milli atriða. Dagskráin var mjög fjölbreytt, tónlistaratriði frá Heiðmari Gunnarssyni sigurvegara söngvakeppni NFNV frá því í fyrra og einnig kom Heiðdís Pála Áskelsdóttir fram en hún vann söngvakeppni Félagsmiðstöðvarinnar Friðar árið 2022.
Sex atriði tóku þátt í BodyPaint keppninni en veitt voru verðlaun fyrir frumlegasta atriðið og besta atriðið. Verðlaun fyrir frumlegasta atriðrið hlaut ,,The Siren“. Módel hópsins var Svanbjört Hrund og aðrir þátttakendur voru Ása María, Arna, Bil, Ísabella og Matti. Verðlaun fyrir besta atriðið hlaut ,,Skógarlíf “, módel hópsins var Sigríður Hrafnhildur (Lilla) en aðrir þátttakendur voru Arndís Katla, Agnes Nótt, Emelía Björk, Emma Karen, Elísa Bríet, Sunneva Dís og Steinunn Daníela. Bryddað var upp á þeirri nýjung í ár að halda keppni í varasöng, eða á ensku LipSync. Tvö lið öttu kappi en þau voru CandyZol sem tóku lag Reykjavíkurdætra, Tökum af stað, og Niceguys sem tóku lagið Krumla með strákabandinu Iceguys. Mikið var lagt upp úr búningum og dansi í atriðunum.
Að sögn Einars Ísfjörðs Sigurpálssonar, formanns nemendafélagsins, var viðburðurinn vel heppnaður. ,,Já, þetta var frábært kvöld, fullt af fólki, flott atriði og kynnarnir fóru á kostum.“ Það var ball í Ljósheimum eftir menningarkvöldið þar sem Dillsveit Dósa, Arnar og Egill komu fram og var það vel sótt. ,,Ég vil svo þakka þeim sem komu fram á Menningarkvöldinu fyrir, fyrirtækjunum sem styrktu okkur og þeim sem mættu kærlega fyrir“ sagði Einar að lokum.
Myndirnar tók Siggi Photography.
Fleiri fréttir
-
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira -
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.