Varnarleikur Stólanna flottur í öruggum sigri á Hetti
Tindastóll og Höttur mættust í 10. umferð Subway-deildarinnar í Síkinu í gærkvöldi. Liðin voru með jafn mörg stig fyrir leikinn en Stólarnir náðu upp hörkuvörn og þó svo að þeir hafi aldrei náð að stinga Austlendingana af þá ógnuðu gestirnir ekki forystu heimamanna verulega. Eftir að hafa leitt með 15 stigum í hálfleik þá urðu lokatölur 83-71.
Jafnræði var með liðunum framan af en staðan var 10-10 eftir tæplega fimm mínútna leik en þá komu þristar frá Pétri og Tóta og Stólarnir náðu undirtökunum. Staðan var 20-18 að loknum fyrsta leikhluta en heimamenn byrjuðu annan leikhluta vel og náðu níu stiga forystu, 27-18. Lið Hattar jafnaði leikinn, 29-29, þegar tæpar fjórar mínútur voru til hálfleiks en þá fengu allir leikmenn Tindastóls smá túrbó sem skilaði sér með 13-0 kafla sem í raun skóp sigur liðsins. Staðan í hálfleik 45-30.
Þristur frá Geks snemma í þriðja leikhluta kom muninum í 20 stig, 52-32, en eftir það náðu leikmenn Hattar að klóra sig inn í leikinn á ný, smátt og smátt. Munurin var kominn niður í níu stig þegar þriðja leikhluta lauk, 61-52, og Buskey skellti í þrist í upphafi fjórða leikhluta og munurinn þá kominn niður í sex stig. Stólarnir skrúfuðu þá fyrir lekann, fyrst setti Drungilas niður þrist og síðan gerði Geks átta stig á skömmum tíma og staðan 72-59. Síðustu sex mínúturnar var munurinn yfirleitt þetta 12 til 16 stig og gestirnir náðu lítið að ógna forystu Stólanna.
Góður sigur því staðreynd en Stólarnir voru enn án Arnars og Calloway. Geks átti stjörnuleik í liði Tindastóls í gær, gerði 27 stig og þar af sex þrista en kappinn spilaði einnig fína vörn, eins og liðið í heild. Þá var Tóti með 20 stig, Lawson 14 og Drungilas 12 en hann tók flest fráköst eða níu stykki. Liðið skipti reyndar frákastatöku nokkuð jafnt og vann þá baráttu 45-37.
Pavel þjálfari var sáttur við sitt lið að leik loknum og fannst liðið vera komið á rétta braut og búið að finna sinn stíl.
Fleiri fréttir
-
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira -
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.