Sveitarfélagið Skagaströnd eitt af "Sveitarfélögum ársins" 2023

feykir.is Skagafjörður, Austur-Húnavatnssýsla, Vestur-Húnavatnssýsla 13.10.2023 kl. 11.30 siggag@nyprent.is
Ólafur Þór Ólafsson staðgengill sveitarstjóra Sveitarfélagsins Skagastrandar, Ásta Stefánsdóttir, sveitarstjóri Bláskógarbyggðar og Gunnar Axel Axelsson bæjarstjóri Sveitarfélagsins Voga.
Ólafur Þór Ólafsson staðgengill sveitarstjóra Sveitarfélagsins Skagastrandar, Ásta Stefánsdóttir, sveitarstjóri Bláskógarbyggðar og Gunnar Axel Axelsson bæjarstjóri Sveitarfélagsins Voga.
Nú á dögunum voru kynntar niðurstöður úr könnun sem Gallup gerði meðal félagsfólks tíu bæjarstarfsmannafélaga innan BSRB. Þátttakendur voru talsvert fleiri en í fyrra og var mikill meðbyr með könnuninni í ár og nú er hægt að bera saman niðurstöður tveggja ára því þetta er í annað sinn sem þessi könnun er gerð. Sveitarfélagið Skagaströnd var eina sveitarfélagið á Norðurlandi vestra sem var gjaldgengt í þessa könnun og endaði í sjöunda sæti í fyrra en í því fjórða í ár. 
 
Samkvæmt þátttökuskilyrðum könnunarinnar þurfti svarhlutfall að vera að lágmarki 35% af útsendum spurningalistum til að sveitarfélag næði inn á lista, auk þess sem tíu svör þurftu að lágmarki að berast frá félagsfólki sem er starfandi í sveitarfélaginu. Tuttugu og eitt sveitarfélag uppfyllti þessi skilyrði, sex fleiri en í fyrra. Þau sveitarfélög sem verma fjögur efstu sætin og fá sæmdarheitið Sveitarfélag ársins 2023 eru Grímsnes- og Grafningshreppur,  sem endaði í fyrsta sæti, Bláskógabyggð, sem var í öðru sæti, Sveitarfélagið Vogar, var í því þriðja, og Sveitarfélagið Skagaströnd í því fjórða. Þess má geta að Grímsnes- og Grafningshreppur hrepptu einnig efsta sætið í fyrra. Bláskógabyggð var í því fjórða og stekkur því upp um tvö sæti í ár. Sveitarfélagið Vogar náði ekki inn á lista í fyrra og eins og áður hefur komið fram var Sveitarfélagið Skagaströnd í sjöunda sæti í fyrra og fór því upp um þrjú sæti í ár. 
 
Tilgangurinn með könnuninni er að hvetja stjórnendur sveitarfélaganna til að veita starfsumhverfinu meiri athygli og ráðast í umbótaverkefni þar sem þess er þörf. Einnig er ætlunin að niðurstöðurnar skapi almenna umræðu um starfsumhverfi og stjórnun á vinnustöðum, félagsfólki stéttarfélaganna til hagsbóta. Ekki síst er tilgangurinn að veita góðum vinnustöðum viðurkenningu fyrir að hlúa vel að starfsfólki.
 

Reiknuð var heildareinkunn út frá níu þáttum sem spurt var um í könnuninni en það voru stjórnun, starfsandi, launakjör, vinnuskilyrði, sveigjanleiki vinnu, sjálfstæði í starfi, ímynd vinnustaðar, ánægja og stolt og jafnrétti. Borið saman við niðurstöður könnunarinnar í fyrra fengu launakjörin lakari einkunn í ár en aukin ánægja var með sveigjanleika vinnu og jafnrétti. Mest er óánægja með launakjör á leikskólunum, sér í lagi hjá leikskólaliðum. Niðurstöðurnar leiða t.d. líka í ljós óánægju með hljóðvist hjá starfsfólki leikskóla og íþróttamannvirkja, matar- og kaffiaðstöðu telur starfsfólk í öryggis- og eftirlitsstofnunum ábótavant og sömuleiðis sýnir könnunin að veikleiki er í samskiptum og stjórnun í öldrunarþjónustu.

Alls uppfyllti 21 sveitarfélag skilyrði fyrir niðurstöðum til að komast á lista sveitarfélaga með heildareinkunn. Það er fjölgun um sex sveitarfélög frá fyrra ári. Líkt og í fyrra fékk Grímsnes- og Grafningshreppur flest stig í heildarniðurstöðunum, eða 4.403. Þar á eftir kom Bláskógabyggð með 4.349 stig, þá Sveitarfélagið Vogar með 4.236 stig og í fjórða sæti Sveitarfélagið Skagaströnd með 4.217 stig.  Grímsnes- og Grafningshreppur fékk hæstu einkunnir allra fyrir launakjör, vinnuskilyrði, jafnrétti og deildi efsta sætinu hvað varðar þáttinn sjálfstæði í starfi með Bláskógabyggð. Bláskógabyggð var auk þess með hæstu einkunn allra sveitarfélaganna fyrir stjórnun, starfsanda og ímynd. Sveitarfélagið Vogar fékk hæstu einkunn allra sveitarfélaganna í þáttunum sveigjanleiki vinnu og ánægja og stolt.

Sem fyrr segir stóðu tíu bæjarstarfsmannafélög að könnuninni í samstarfi við Gallup. Þau eru: Starfsmannafélag Mosfellsbæjar, Starfsmannafélag Vestmannaeyja, Starfsmannafélag Garðabæjar, Starfsmannafélag Suðurnesja, Starfsmannafélag Kópavogs, Starfsmannafélag Hafnarfjarðar, Kjölur stéttarfélag starfsmanna í almannaþjónustu, FOSS stéttarfélag í almannaþjónustu, Starfsmannafélag Húsavíkur og Félag opinberra starfsmanna á Austurlandi.

/Fréttatilkynning

 
 

 

Til baka

Athugasemdir eru á ábyrgð þeirra sem þær skrá.

Feykir áskilur sér þó rétt til að eyða ummælum sem metin verða sem ærumeiðandi eða ósæmileg.

Smelltu hér til að tilkynna óviðeigandi athugasemdir.

Fleiri fréttir

  • Arna Lára Jónsdóttir er oddviti Samfylkingarinnar. MYND AÐSEND

    Hefur gaman af því að tala og vera í félagsskap annarra

    feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01 oli@feykir.is
    Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.
    Meira
  • Hákon Hermannsson, Miðflokki. AÐSEND MYND

    Heilbrigðisþjónusta utan lögheimilis – Mismunun og kostnaður foreldra

    feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38 oli@feykir.is
    Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.
    Meira
  • Álfhildur lengst til vinstri, svo kemur, Bjarki Hjörleifsson og Sigríður Gísladóttir. MYND AÐSEND

    „Mamma vissi að ég yrði kennari“

    feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53 oli@feykir.is
    Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.
    Meira
  • Stefán Vagn er oddviti Framsóknarflokksins. AÐSEND MYND

    Fátt betra en að gleyma sér yfir sentimetrum og millimetrum

    feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27 oli@feykir.is
    Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).
    Meira

  • Vertu sól | Leiðari 44. tbl. Feykis

    feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04 oli@feykir.is
    Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.
    Meira
Yfirlit frétta