Stefán Pedersen látinn
Stefán Pedersen ljósmyndari og listamaður lést á Heilbrigðisstofnun Norðurlands á Sauðárkróki laugardaginn 9. september. Eftir hann liggur fjöldi frábærra ljósmynda sem skrásetja lista- og mannlífið á Sauðárkróki og í Skagafirði í rúma hálfa öld. Ekki síst voru myndir hans fyrir Leikfélag Sauðárkróks hrein listaverk.
Stefán fæddist á Sauðárkróki 7. desember 1936 en foreldrar hans hétu Sigríður Sigurlína Halldórsdóttir og Johan Pedersen. Hann kvæntist Ingibjörgu Lúðvíksdóttur árið 1966 og eignaðist með henni soninn Árna Ragnar. Ingibjörg lést fyrir tæpum 20 árum.
Hann hóf ungur nám í bakaraiðn en veiktist skömmu síðar af berklum og var ár á Kristnesi. Þegar heim kom varð hann að finna sér annan starfsvettvang og í sumarbyrjun árið 1955 komst hann á samning hjá Sigurði Guðmundssyni ljósmyndara í Reykjavík. Hann opnaði síðan ljósmyndastofu á Sauðárkróki 1958 og starfaði við ljósmyndun alla tíð síðan.
Stefán var mikill golfari, hann var flinkur málari en það var músíkin sem var áhugamál númer eitt. Hann var bráðsnjall á harmoníku og píanó og var einn af stofnendum Jazzklúbbs Sauðárkróks seint á síðustu öld.
Þá var Stefán fyrsti Skagfirðingurinn sem varð þess heiðurs aðnjótandi að hljóta Samfélagsverðlaun Skagafjarðar árið 2016. Heiðurinn hlaut hann ekki síst vegna þess að hann stundaði það að heimsækja sjúkrahúsið á Króknum og lesa fyrir fólkið. Í JólaFeyki sem kom út árið 2014 segir í viðtali við Stefán: Síðustu árin dvaldi Ingibjörg [kona Stefáns] á Heilbrigðisstofnun Sauðárkróks og Stefán vandi komur sínar þangað á hverju kvöldi til að lesa fyrir hana og fleiri vini sína sem þar voru. „Hún hafði kannski minnst gaman af þessu en ég var að lesa fyrir fólkið, þetta voru allt vinir mínir. Eftir að hún dó þá hef ég farið þrisvar í viku. Fólk bíður eftir þessu.“ Ekki lét Stebbi duga að lesa fyrir fólkið. „Þetta er meiriháttar, við syngjum og ég spila stundum á nikkuna fyrir þau, og við erum að fletta í Skagfirskum æviskrám.“ Hann gefur fólkinu nokkrar vísbendingar og svo eiga þau að giska um hvern er verið að tala. „Þau hafa voðalega gaman af því, þau eru ótrúlega dugleg og það er sjaldan sem þau standa á gati,“ sagði Stefán í viðtali við Berglindi Þorsteinsdóttur í Feyki.
Nú er unnið að því á Héraðsskjalasafni Skagfirðinga að skrásetja myndasafn Stefáns Pedersen sem er mikið að vöxtum og segir mikla og langa sögu.
Fleiri fréttir
-
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira -
Björgunarsveitin Strönd aðstoðaði fasta ökumenn á Þverárfjalli
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 09.02Seint í gærkvöldi var björgunarsveitin Strönd á Skagaströnd kölluð út vegna sex bíla sem sátu fastir í snjó á Þverárfjalli. Í tilkynningu frá Landsbjörg segir að björgunarsveitarfólk hafi farið úr húsi rétt um hálf tólf og var búið að losa alla bíla um 50 mínútum síðar.Meira -
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira -
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.