Skólasókn í öðru skólahverfi innan Skagafjarðar og skólaakstur
Á heimasíðu Skagafjarðar er ítarleg samantekt á skólasókn í öðru skólahverfi og skólaakstri. Skólaakstur í Sveitarfélaginu Skagafirði var boðinn út í sumar og var tekið mið af skólahverfum eins og reglur Sveitarfélagsins segja til um. Breyting frá fyrra útboði hafði þær afleiðingar að leiðir sem áður voru eknar duttu út og aðrar komu inn í staðinn.
„Sveitarfélög landsins bera ábyrgð á skipulagi skólaaksturs samkvæmt gildandi lögum um grunnskóla. Í Skagafirði eins og í öðrum sveitarfélögum er skipulag skólaaksturs í samræmi við skólahverfi og sækja börn alla jafna skóla innan sinna skólahverfa, sbr. skilgreiningu skólahverfa á meðfylgjandi mynd.
Heimilt er að veita undanþágu frá skólasókn innan skólahverfis ef rík málefnaleg sjónarmið, fagleg eða félagsleg, liggja fyrir, sjá reglur hér á heimasíðu Skagafjarðar. Beiðni foreldra um flutning skal vera skrifleg og rökstudd og hafa borist fræðslustjóra sveitarfélagsins eigi síðar en 10. júní. Fræðslunefnd afgreiðir umsóknir að fengnu áliti sérfræðinga, skóla- og / eða félagsþjónustu sem og skólastjóra beggja skóla. Umsókn er einungis samþykkt ef:
- talin eru fullnægjandi fagleg eða félagsleg rök fyrir beiðninni
- kostnaður vegna breytinganna er óverulegur (skólaakstur, launakostnaður o.s.frv.)
- breyting veldur ekki umtalsverðri röskun á starfsemi hlutaðeigandi skóla
Á skólaárinu 2023 – 2024 eru 22 börn, sem sækja skóla utan síns skólahverfis og hefur formlega verið sótt um undanþágu fyrir meirihluta þeirra barna og það fengist samþykkt í fræðslunefnd. Akstur er ekki samþykktur samhliða námsvist enda taka akstursleiðir mið af skólahverfum og er foreldrum og forráðamönnum gert það fyrirkomulag ljóst þegar undanþága er veitt fyrir skólasókn í öðru skólahverfi. Dæmi eru um að foreldrar hafi samið við bílstjóra, sem ekur viðkomandi leið, en slíkt samkomulag er undir hverjum og einum bílstjóra komið. Sveitarfélagið hefur ekki milligöngu um og ber ekki ábyrgð á slíkum samningaviðræðum.
Í útboði á skólaakstri í sumar var tekið mið af skólahverfum eins og reglur sveitarfélagsins segja til um. Breyting frá fyrra útboði hafði það í för með sér að leiðir sem áður voru eknar duttu út og aðrar komu inn í staðinn. Breytingarnar hafa það jafnframt í för með sér að sum þeirra barna, sem sækja skóla utan skólahverfis og gátu nýtt skólaakstur á síðasta útboðstímabili, hafa ekki kost á því lengur. Vert er að benda á að ekki öll börn, sem sækja námsvist utan skólahverfis, gátu nýtt þann akstur sem fyrir var á síðasta útboðstímabili og hafa foreldrar alfarið séð um að aka þeim börnum í skólann á sinn kostnað. Sveitarfélögum landsins ber að gæta jafnræðis gagnvart íbúum sínum og því ekki hægt að veita sumum börnum akstur á milli skólahverfa en öðrum ekki. Almennt hafa sveitarfélög landsins ekki boðið upp á fljótandi skólahverfi enda myndi slíkt kalla á mikla skipulagningu, mjög breytilegan akstur og akstursleiðir á milli skólahverfa og mjög verulega aukinn kostnað við þá þjónustu. Þess má geta að skólaakstur í dreifbýli í Skagafjarðar kostaði á síðasta ári 137 m.kr. og mótframlög úr Jöfnunarsjóði við þann akstur nam 92 m.kr.“
Fleiri fréttir
-
Björgunarsveitin Strönd aðstoðaði fasta ökumenn á Þverárfjalli
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 09.02Seint í gærkvöldi var björgunarsveitin Strönd á Skagaströnd kölluð út vegna sex bíla sem sátu fastir í snjó á Þverárfjalli. Í tilkynningu frá Landsbjörg segir að björgunarsveitarfólk hafi farið úr húsi rétt um hálf tólf og var búið að losa alla bíla um 50 mínútum síðar.Meira -
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira -
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.