Mynd um meistaravetur Stólanna í vinnslu hjá Skottu
Það voru margir sem glöddust óendanlega í vor þegar lið Tindastóls varð Íslandsmeistari í körfubolta og hafa jafnvel horft á sigursöguna ítrekað í allt sumar, enda veislan endursýnd á Stöð2Sport að því er virðist daglega. Ef svo ólíklega vill til að einhver sé að verða leiður á endurtekningunni þá er gaman og gott að segja frá því að nú vinna Árni Gunnarsson, kvikmyndagerðarmaður hjá Skottu, og samverkafólk hans að mynd um meistaratímabilið og hefur hún þegar hlotið nafnið Velkomnir í Síkið.
„Það er rétt, við erum að gera mynd sem heitir Velkomnir í Síkið og hún er um stuðningsmannasveit meistaradeildarliðs Tindastóls í körfubolta og Íslandsmeistaratímabil Stólanna,“ segir Árni þegar Feykir spyr út í verkefnið en það er Skotta sem framleiðir myndina. „Við Elenóra konan mín vorum að mynda leiki í fyrravetur ásamt því að taka viðtöl. Myndin er gerð í samvinnu við körfuknattleiksdeildina; Ágúst Ingi Ágústsson, sagnfræðingur og kennari, hefur veitt okkur lið í handritsgerðinni og einnig hefur Davíð Már Sigurðsson, myndsmiður og grafíker, unnið með okkur að verkefninu,“ segir Árni en að auki verður notast við myndefni frá Gunna Trausta og TindastóllTV og Stöð2Sport.
„Hins vegar snýst þessi saga um miklu meira en bara körfubolta. Hún segir frá því hvernig nærsamfélagið þjappar sér á bak við meistaradeildarliðið og hverju þannig stemning og samstaða getur skilað þegar vel tekst til,“ bætir Árni við en stefnt er að því að koma myndinni á koppinn sem fyrst, helst fyrir árslok. Nánar verður rætt við Árna í Feyki í næstu viku.
Fleiri fréttir
-
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira -
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.