Háskólaráðuneytið veitir 150 m.kr. til húsnæðis fyrir Háskólann á Hólum
Í fréttatilkynningu frá Háskólaráuneytinu segir að Háskólinn á Hólum er nú í viðræðum við Háskóla Íslands um aukið samstarf og mögulega sameiningu. Í viðræðunum er sérstaklega litið til þess með hvaða hætti er hægt að efla starfsemi skólans í sínu nærsamfélagi, hvort sem um er að ræða á Hólum eða í sveitarfélaginu Skagafirði. Í samvinnu við Háskólann á Hólum hefur háskóla-, iðnaðar- og nýsköpunarráðuneytið unnið að greiningu starfseminnar og þarfa skólans fyrir bætta aðstöðu og gagnsærri rekstur og hafa ráðuneytið og skólinn nú gert með sér viljayfirlýsingu til að treysta starfsemi skólans. Yfirlýsinguna undirrita Áslaug Arna Sigurbjörnsdóttir, háskóla-, iðnaðar- og nýsköpunarráðherra, og Hólmfríður Sveinsdóttir, rektor Háskólans á Hólum.
Uppbygging aðstöðu fyrir fiskeldisfræði og hestafræði
Stærstur hluti viljayfirlýsingarinnar snertir húsnæðismál og uppbyggingu háskólans. Í þessu felst að unnið verði að aðstöðu fyrir Fiskeldis- og fiskalíffræðideild Háskólans á Hólum á grundvelli þarfagreiningar háskólans og vilyrðis Skagafjarðar fyrir lóð undir starfsemina á Sauðárkróki, en skólinn hefur einn háskóla á landinu haldið úti rannsóknum og kennslu á sviði lagareldis. Áætlað er að fyrsti áfangi verði tilbúinn næsta sumar og leggur ráðuneytið allt að 130 m.kr. til verkefnisins. Þá verður leitast við að selja bleikjueldisstöðina Hólalax.
Háskólinn á Hólinn hefur lengi staðið framarlega í hestafræðum og segir í viljayfirlýsingunni að athugun á fýsileika þess að kaupa Brúnastaði að Hesthólum ehf. fyrir starfsemi námsbrautar í hestafræði fari fram. Auk þess verði vinna hafin við sameiginlegt húsnæði Hestafræðideildar og Ferðamáladeildar á Hólum. Ráðuneytið mun leggja til allt að 20 m.kr. framlag vegna þessa verkefnis.
Lausnir á húsnæðismálum forsenda sameiningar
Á grundvelli sameiginlegrar viljayfirlýsingar Háskóla Íslands og Háskólans á Hólum er nú unnið að sameiningu skólanna undir hugmyndafræði um háskólasamstæðu. Mikilvæg forsenda þess að af slíkri sameiningu geti orðið er að unnið verði að lausnum húsnæðismálum Háskólans á Hólum. Viljayfirlýsing um öflugri starfsemi skólans kveður á um að Framkvæmdasýsla ríkisins framkvæmi heildstæða úttekt og greiningu á húsnæðisþörf Háskólans á Hólum og að gert verði ráð fyrir niðurstöðu úttektarinnar í næstu fjármálaáætlun. Einnig verði skoðað að nýta söluvirði Hólalax og annarra eigna til byggingu nýs húsnæðis fyrir skólann.
Mikilvægt hlutverk Háskólans á Hólum
Utan húsnæðismála koma í viljayfirlýsingunni fram áherslur á sjálfstæðan fjárhag háskólans og viðræður við sveitarfélagið Skagafjörð. Þannig verður leitast við að aðgreina fjárhag skólans og tengdra stofnana frá óskyldum viðföngum á Hólastað. Samhliða því verði fundinn farvegur fyrir staðarhald á þjóðmenningarstaðnum Hólum í Hjaltadal. Loks er áhersla lögð á að vinna að áframhaldandi mikilvægi Háskólans á Hólum í nærsamfélagi í góðri sátt við Skagafjörð, en áætlað er að hefja viðræður við sveitarfélagið um aðkomu þess að frekari framþróun þéttbýlis á Hólum í samspili við framtíðarfyrirkomulag staðarhalds þar.
Fleiri fréttir
-
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira -
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.