Útskrifast úr húsasmíðanámi um áramótin
Í Fjölbrautaskóla Norðurlands vestra er nítján ára drengur, Sigurjón Heiðar Sigurbjörnsson, sem er sonur Sigfríðar Sigurjónsdóttur og Sigurbjörns Hreiðars Magnússonar í Litla Garði í Hegranesinu, en hann sækir nám í húsasmíði. Um áramótin nær hann þeim merka áfanga að útskrifast úr húsasmíðanáminu en það hefur því miður gengið ýmislegt á í hans lífi og því ekki sjálfgefið að það sé að takast hjá honum.
Þegar Sigurjón var búinn með tvær annir af náminu og nýbyrjaður á þeirri þriðju lenti hann í bílslysi sem hafði þær afleiðingar að í dag notast hann við hjólastól. Þegar hugur hans fór að leita aftur á skólabekkinn eftir slysið taldi hann þann möguleika að halda áfram í húsasmíðanáminu ekki gerlegan og ætlaði sér að skipta yfir í bóklegt nám. En þegar húsasmíðakennarinn hans, Óskar Atlason, frétti af því náði hann að sannfæra Sigurjón um að halda áfram sínu striki og klára námið sem hann var byrjaður á, skólinn myndi aðlaga sig að hans þörfum, svo hann gæti útskrifast. Það var svo niðurstaðan og farið var í að festa kaup á tækjabúnaði við hæfi. Það sem skipti mestu máli fyrir Sigurjón var smíðabekkurinn en hann er með hæðastillingu sem gerir það að verkum að Sigurjón er alltaf að vinna í sinni réttri hæð. Aðspurður hvort aðstaðan í skólanum sé góð fyrir fólk í hjólastól segir hann að hún sé mjög góð en það er alltaf hægt að gera betur. „Spurningin er samt ekki alltaf hvað þarf að breyta heldur er það hugafarið hvernig get ég reddað mér við hinar og þessar aðstæður, sú hugsun hefur komið mér langt ekki bara í náminu heldur í lífinu, segir Sigurjón.
Feykir spurði Sigurjón einnig að því hvort hann mæli með húsasmíðanáminu í Fjölbrautaskóla Norðurlands vestra og svaraði hann snöggt og örugglega „Já, hér eru frábærir kennarar, góður mórall og mikill stuðningur frá smíðafyrirtækjum í Skagafirði sem eru alltaf að búa til verkefni fyrir okkur og gefa okkur vinnufatnað.“ Þá sagði Sigurjón að hann sé ekki alveg búinn að ákveða hvað hann ætlar að gera eftir útskriftina en hann langar mikið til að prufa að vinna á gröfu. Að lokum vildi Sigurjón senda kveðju á Óskar Atlason fyrir að koma sér aftur í að smíða og er hann honum mjög þakklátur fyrir það.
Feykir þakkar Sigurjóni kærlega fyrir spjallið og óskar honum velfarnaðar í þeim verkefnum sem hann tekur sér fyrir hendur eftir námið.
Fleiri fréttir
-
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira -
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.