Álft og gæs ágeng í kornökrum
Áhættan við kornrækt getur verið þó nokkur og ekki bara sökum misjafnra veðurskila á Fróninu, heldur blasir það nú við bændum að kornið er orðið að hlaðborði villibráðarinnar.
Álftin hefur sest að í korninu í Vallhólma fyrir neðan Varmahlíð í Skagafirði og unir vel við sitt. Álftin er ekki eini fuglinn sem gerir sig heimakominn í ökrunum heldur er gæsin líka á ferðinni. Eitthvað hefur verið setið fyrir gæsinni, enda skotleyfi á henni en ekki álftinni. Það virðist ekki vera nóg til að halda þeim fjarri. Bændur búa ekki í Vallhólmi og ef vel ætti að vera þyrfti að standa sólahringsvakt til að hrekja fuglinn úr ökrunum, segir Bessi Freyr Vésteinsson sem á kornið í Vallhóla sem fuglinn er farinn að gæða sér á.
„Ágangur fugla er alltaf eitt af vandamálunum sem þarf að kljást við þegar maður fer út í kornrækt,“ segir Bessi sem ber sig þó vel og vill helst ekki vera að barma sér mikið yfir vandamálinu, það sé bara partur af þessu en segir jafnframt að þær séu að minnsta kosti ekki í korninu hjá einhverjum öðrum á meðan.
Fyrr í sumar tók Bessi þá ákvörðun í samráði við fagmenn að slá og rúlla hluta af kornökrunum þegar ljóst var að sprettan væri hæg og þroski seinn sökum kulda. Þeir skildu eftir 15 hektara af korni sem þeir sjá fyrir sér að þreskja. „Ætli álftin sé ekki búin með svona einn hektara af því,“ áætlar Bessi.
Það eru þrjár þreskivélar sem kornbændur í Skagafirði eiga í sameiningu og það er akkúrat um þessar mundir sem kornið er að verða tilbúið til þreskingar. „Það er bara núna í þessum þurrki sem bændur eru að byrja að þreskja og þá fara þeir í röðina,“ segir Bessi.
Að lokum var ekki hægt að sleppa því að spurja Bessa út í kartöfluuppskeruna, því þau eru jú byrjuð að taka upp kartöflur á Hofsstöðum. Hann segir eftir sínu fólki, sem byrjað er að taka upp, að uppskeran sé betri en þau þorðu að vona miðað við tíðarfarið, hún sé alveg vel viðunandi.
Fleiri fréttir
-
Björgunarsveitin Strönd aðstoðaði fasta ökumenn á Þverárfjalli
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 09.02Seint í gærkvöldi var björgunarsveitin Strönd á Skagaströnd kölluð út vegna sex bíla sem sátu fastir í snjó á Þverárfjalli. Í tilkynningu frá Landsbjörg segir að björgunarsveitarfólk hafi farið úr húsi rétt um hálf tólf og var búið að losa alla bíla um 50 mínútum síðar.Meira -
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira -
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.