Ýmislegt í boði frá Stórhóli í Lýtingsstaðahreppi
Það eru allmargir smáframleiðendur sem hafa verið að bjóða upp á afurð í verkefninu Smáframleiðendur á ferðinni en það er verkefni þar sem framleiðendur geta verið með vörur sínar til sölu í sendibíl sem ferðast um Norðurland vestra á tilteknum tímum á tilteknum stöðum.
Feyki langaði til að kynna þá sem hafa verið að bjóða upp á afurðir sínar í þessum bíl og byrjum við á þeim hjónum á Stórhóli í Lýtingsstaðahreppi, Sigrúnu Indriðadóttur og Þórarni Sverrissyni. Þau eru með sauðfé, geitur og hross með meiru en einnig er staðsett lítil verslun á bænum sem heitir Rúnalist Gallerí. Þar selja þau vörur úr afurðum dýranna og bjóða m.a. upp á geita- og kiðlingakjöt, ær- og lambakjöt, andaregg, geitastökur, geitafiðu (kasmír), sauða- og lambaband. Í Vörusmiðju BioPol á Skagaströnd vinna þau allar sínar vörur sjálf en Sláturhús SAH á Blönduósi sér um að slátra fyrir þau.
„Hjá okkur á Stórhóli er hægt að komast í snertingu við íslensku landnámsgeitina, heyra um hana fróðleik og sögur.“ En í Rúnalist Gallerí eru einnig gamlir munir og verkfæri sem eiga sína sögu. „Oft er tekið ofan af, kembt og spunnið á halasnældu eða rokk fyrir gesti. Sögur sagðar af ferhyrndu og ferukollóttu, þráðaleggjum, pungum, hákörlum og keisaraskurðum,“ segir Sigrún.
Þar sem þau eru í samtökunum Beint frá býli þá bjóða þau upp á ýmislegt góðgæti í afurðakistunni sinni og má þar nefna kiðlingalæri, kiðlettur, geitabita (grafið geitakjöt), huðnubita (léttreykt og grafið geitafille), ærgæti (grafið ærlæri), smalabita (léttreykt og grafið sauðafille), heldrimannabita (tvíreykt ærkjöt), hafra havarta, ærborgara og margt fleira. En þetta ásamt ýmsu öðru frá henni er einnig hægt að versla á heimasíðunni þeirra, www.runalist.is og í nýju netversluninni á www.vorusmidja.is. Þau er ekki bara hluti af verkefninu Smáframleiðendur á ferðinni heldur taka þau einnig þátt í verkefninu REKO.
Feykir spurði Sigrúnu hvort hún gæti gefið lesendum nokkrar uppskriftir með þeim afurðum sem hún er að bjóða upp á og var hún nú ekki lengi að senda frá sér nokkrar girnilegar hugmyndir.
Snittur – sniðugt t.d. sem forréttur á jólunum
Eins og kom fram hér að ofan bjóða þau upp á ærgæti, geitabita, smalabita og huðnubita en þeir henta allir mjög vel í ær- og geitasnittur. Einnig er hægt að nota allt þetta kjöt á hlaðborðum en þá er hægt að setja uppsetninguna í sparibúning á fallegt fat. Þá er kjötið skorið í þunnar sneiðar og raðað smekklega með t.d. salati og berjum eða öðrum ávöxtum.
Sósa til að nota á snitturnar eða hlaðborðsfatinu
4-5 msk. sýrður rjómi
2 tsk. t.d. hrútaberjasulta frá Holt og heiðum
Kiðlingakótilettur
Best er að krydda þær með nýsöxuðu birkilaufi og ef það er ekki í boði þá er hægt að krydda með Birkite frá Holt og heiðum en það inniheldur einungis þurrkað birkilauf. Smávegis af nýmöluðum svörtum pipar og smávegis af íslensku salti, má setja nokkra dropa af olíu en ekki nauðsynlegt. Best er að láta kiðletturnar liggja í kryddinu yfir nótt. Grilla svo með viðhöfn og borða með grilluðum kartöflum, góðu skagfirsku salati með skagfirskum geita-salatosti frá Brúnastöðum. Þá er piparostasósa eða annars konar ostasósa mjög góð með þessum kiðlingakótilettum.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.