Toskönsk kjúklingasúpa og danskur grautur
Kristín Guðmundsdóttir, vefhönnuður hjá Dóttir vefhönnun, og Þorvaldur Björnsson, kokkur í Skólabúðunum á Reykjaskóla, sáu um matarþátt Feykis í 39. tbl. Feykis árið 2017. Þau voru þá nýflutt aftur norður í land eftir tíu ára búsetu í Kaupmannahöfn en Þorvaldur er uppalinn í Miðfirðinum en Kristín í Reykjavík. „Við höfum sest að í Hrútafirði með börnin fjögur sem ganga í leikskóla, grunnskóla og framhaldsskóla á Hvamsmtanga. Í Kaupmannahöfn var Þorvaldur yfirkokkur á dönskum veitingastað og leggur hér fram uppskrift af toskanskri kjúklingasúpu og uppáhalds eftirrétti Danans sem heitir Rødgrød med fløde, borið fram á danska vísu “röðgröððð meðð flöðöehh”. sem myndi þýðast yfir á íslensku “berjagrautur með rjóma”, sögðu þau Kristín og Þorvaldur.
RÉTTUR 1
Matarmikil toskönsk kjúklingasúpa
1 heill kjúklingur
kryddjurtavöndur (4 greinar timian og rósmarín og nokkur lárviðarlauf, má auka)
2 laukar
2 púrrulaukar
3 hvítlauksgeirar
4 gulrætur
2 stilkar sellerí
2 steinseljurætur
1 dós tómatar
2 dl hvítvín
1 dós hvítar baunir
1 lúka fersk smátt skorin steinselja
Aðferð:
Sjóðið kjúklinginn og kryddjurtavöndinn í vatni, þannig að fljóti yfir. Geymið soðið þegar kjúklingurinn er tilbúinn, rífið kjötið af honum og leggið til hliðar. Brúnið kjúklingaskrokkinn í ofni við ca 200°C og setjið hann svo aftur ofan í soðið.
Skerið lauk, púrrulauk, hvítlauk, gulrætur, sellerí og steinseljurætur smátt og mýkið í olíu í potti með kryddjurtum í nokkrar mínútur. Bætið tómötum og hvítvíni við, sjóðið niður.
Takið skrokkinn úr soðinu og hellið því yfir grænmetið, látið simmra og smakkið til með salti og pipar. Bætið að lokum hvítu baununum í.
Rétt áður en súpan er borin fram er kjúklingnum bætt við og fersku steinseljunni dreift yfir. Berið fram með hvítlauksbrauði eða foccacia brauði.
RÉTTUR 2
Rauðgrautur með rjóma (Rødgrød med fløde)
1 kg blönduð ber (jarðarber, sólber, rifsber)
200 g frosin hindber
1 dl vatn
300 g sykur
1-2 msk kartöflumjöl
rjómi
Aðferð:
Leggið berjablönduna, fyrir utan hindberin, í bleyti með vatni og sykri í nokkra tíma. Hitið berjablönduna að suðu og látið sjóða í 2-3 mínútur. Lækkið hitann og takið pottinn af hellunni til þess að fá suðuna niður. Blandið hindberjunum varlega saman við.
Þykkið grautinn með kartöflumjöli, hann á að vera eins og hafragrautur á þykkt og má ekki sjóða eftir að kartöflumjölið er komið út í.
Sáldrið smá sykri yfir grautinn og kælið í smá stund. Berið fram með köldum rjóma.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.