Sushi og nautakjöt í Guiness bjór
Helga Hinriksdóttir og Páll Sigurður Björnsson frá Hvammstanga voru matgæðingar Feykis í 27. Tölublaði ársins 2010. Þau buðu upp á sushi og nautakjöt í Guiness bjór.
„Það er nokkuð skýr verkaskipting í eldhúsinu okkar, Helga eldar og Palli gengur frá! Ágætis skipti. Við borðum aldrei forrétt en hér er mikið æði fyrir sushi og það er vel hægt að borða það sem forrétt. Við borðum það samt alltaf sem aðalrétt - og eftirrétt því maður getur endalaust nartað í einn bita í viðbót! Ef maður borðar sushi sem aðalrétt þá hef ég miðað við að einn poki af hrísgrjónum (500 gr) dugi fyrir u.þ.b. 5 manns. Við erum heldur ekki oft með eftirrétti, en ef að það er þá er það oftast ís, Royal búðingur með rjóma eða bara góð ostakaka,“ sögðu þau Helga og Páll, en uppskriftir þeirra er að finna hér fyrir neðan.
Forréttur
Sushi
- hrísgrjón
- hrísgrjónaediki
- sykur
- wasabi
- Philadelphia smurostur með hvítlauksbragði
- reykt hrefna
- rucola salat
- rifsberjahlaup
Aðferð:
Við erum mjög frjálsleg í sushigerð, setjum allskonar fyllingar í og myndum eflaust mæta vanþóknun í Japan fyrir vikið!
Hér kemur uppáhalds bitinn okkar: Sjóðið hrísgrjón eftir leiðbeiningum og bætið við hrísgrjónaediki og sykri (ágætar leiðbeiningar aftan á Blue Dragon grjónapökkum). Inn í þessar Maki rúllur setjum við örlítið wasabi, smyrjum svo yfir hrísgrjónin með smurosti, reykt hrefna ( eftir smekk), rucola salat og smá rifsberjahlaup. Öllu svo rúllað upp og skorið niður í passlegar stærðir.
Aðalréttur
Beef and Guinness – Nautakjöt í Guinness bjór
- nautagúllas (ca 500 - 700 gr)
- olíu
- 2 msk hveiti
- salt og pipar
- smá cayenne pipar
- 2 stórir laukar, smátt saxaðir
- 1 stór hvítlauksgeiri, marinn
- 2 msk tómat púrre
- 4 msk vatn (fyrir púrre-ið)
- 1 og 1/4 bolli Guinness (eða bara nánast allt úr stórri dós, ég mæli þetta aldrei.)
- 1 bolli gulrætur, saxaðar
- smá af timjan (ég nota alltaf þurrkað)
Aðferð:
Setjið hveiti, salt, pipar og cayenne skál og veltið kjötinu upp úr. Olía sett á pönnu.... úpps... muna að kveikja á ofninum! Stilla hann á ca 170°c... jæja, olían sett á pönnuna og kjötið látið brúnast. Svo setur maður lauk, hvítlauk, tómatpúrre og vatn saman við og blandar öllu vel saman. Næst er bjórinn og gulræturnar sett útí og blandað vel saman við. Hægt að smakka til með salti og pipar. Munið að hræra vel upp úr botninum því hveitiblandan á það til að festast þar. Næst er lok sett á pönnuna og öllu draslinu er skellt inn í ofn og látið malla þar í 2 tíma.
Gott að bera fram með þessu bakað grænmeti, t.d. sætar kartöflur og lauk og svo auðvitað kartöflustöppu. Við notum bara kartöflur, smá smjör, mjólk og pínu salt og pipar. ALLS ENGAN sykur.
Ég er mikið fyrir að prófa eitthvað nýtt og nota google óspart. Til að muna svo uppskriftirnar set ég þær á blogg: www.hveiti.blogspot.com.
Verði ykkur að góðu!
Fleiri fréttir
-
Flokkur fólksins vill efla byggð um land allt! | Lilja Rafney Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 18.08Það er sameiginlegur hagur allra landsmanna að halda landinu öllu í byggð svo það gangi upp verður að tryggja aðgang íbúa að fjölbreyttri grunnþjónustu óháð búsetu og efnahaga. Það verður að tryggja að allir landsmenn sitji við sama borð og hafi jöfn tækifæri. Það er grundvöllur þess að öflugt og fjölbreytt atvinnulífi sé til staðar á landsbyggðunum og að fólk velji sér þar framtíðar búsetu.Meira -
Hefur Sjálfstæðisflokkurinn hækkað eða lækkað skatta? | Kristófer Már Maronsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 15.51Sjálfstæðisflokkurinn hefur verið í ríkisstjórn frá árinu 2013 og lagt áherslu á að lækka skatta og styrkja velferðarkerfið. Þó eru til stjórnmálamenn sem reyna að halda öðru fram.Meira -
Áfram Hvöt!
feykir.is Austur-Húnavatnssýsla, Íþróttir, Mannlíf, Lokað efni 27.11.2024 kl. 14.50Afmælishátíð Ungmennafélagsins Hvatar, sem haldin var í Íþróttamiðstöðinni á Blönduósi, gekk vonum framar. Skaut formaður félagsins, Grímur Rúnar Lárusson, að um 250-300 manns hafi mætt á fyrri skemmtunina sem var stíluð inn á yngri kynslóðina og svo 90-100 manns á formlegu dagskránni seinni partinn.Meira -
Ilze tekur sæti Mélissu hjá Stólastúlkum
feykir.is Skagafjörður, Íþróttir, Lokað efni 27.11.2024 kl. 13.52Ákveðið hefur verið að gera breytingar á leikmannahópi kvennaliðs Tindastóls. Í fréttatilkynningu frá körfuknattleiksdeild Tindastóls segir að Melissa Diawkana hafi kvatt liðið og í hennar stað hafi verið samið við hina lettnesku Ilze Jakobsone. Ilze er mætt til landsins og verður klár fyrir næsta leik.Meira -
Niðurgreiðum raforku til grænmetisræktar | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 13.17Ísland er eyja í norður Atlantshafi. Sú staðsetning gerir það að verkum að þegar kemur að grænmeti þá höfum við tvo valkosti í boði. Við getum annaðhvort flutt það inn með skipum eða flugi, og borgað mikla álagningu fyrir vöru sem er ekki fersk, eða nýtt okkar grænu orku og hreina vatn til að rækta fyrsta flokks grænmeti á Íslandi.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.